News
തനിക്കും തന്റെ കുടുംബത്തിനും വേദന സമ്മാനിച്ചു; വിജയ് ദേവരകൊണ്ടയ്‌ക്കൊപ്പം താനുണ്ടാകും; കട്ട സപ്പോർട്ടുമായി ചിരഞ്ജീവി……
തനിക്കും തന്റെ കുടുംബത്തിനും വേദന സമ്മാനിച്ചു; വിജയ് ദേവരകൊണ്ടയ്‌ക്കൊപ്പം താനുണ്ടാകും; കട്ട സപ്പോർട്ടുമായി ചിരഞ്ജീവി……
വ്യാജ വാർത്തകൾ കൊടുക്കുന്ന മാധ്യമ സ്ഥാപനങ്ങൾക്കെതിരേ രൂക്ഷ വിമർശനവുമായി രംഗത്ത് വന്ന നടൻ വിജയ് ദേവരകൊണ്ടയ്ക്ക് പിന്തുണയുമായി തെലുങ്ക് സൂപ്പർ താരം ചിരഞ്ജീവിയും മഹേഷ് ബാബുവും.
വിജയുടെ പേരിലുള്ള സംഘടന ലോക്ക് ഡൗൺ കാലത്ത് ദുരിതമനുഭവിക്കുന്ന ജനങ്ങൾക്ക് സഹായം നൽകിയിരുന്നു. എന്നാൽ യഥാർഥ കണക്കുകൾ മറച്ചുവച്ച് തെറ്റായ വാർത്തകൾ പ്രചരിപ്പിക്കുന്നുവെന്നായിരുന്നു വിജയ് ആരോപിച്ചത്
അഭിമുഖം നൽകിയില്ല എങ്കിൽ ചില മാധ്യമ സ്ഥാപനങ്ങൾ ഞങ്ങളെ ഭീഷണിപ്പെടുത്തുന്നു ഞങ്ങൾക്കുനേരേ ചെളിവാരി എറിയുന്നു. ഞങ്ങളുടെ പുതിയ റീലീസ് ചിത്രങ്ങളെ അടിച്ചമർത്തുന്നു. മോശം റേറ്റിങ് നൽകുന്നു. അങ്ങനെ ചെയ്യാൻ നിങ്ങൾക്ക് എന്ത് യോഗ്യതയാണുള്ളത്? നിങ്ങൾക്ക് എന്ത് ധാർമികതയാണുള്ളതെന്നും വിജയ് ചോദിച്ചിരുന്നു
വ്യാജ വാർത്തകൾ തനിക്കും തന്റെ കുടുംബത്തിനും വേദന സമ്മാനിച്ചിട്ടുണ്ടെന്നും ദേവരകൊണ്ടയ്‌ക്കൊപ്പം താനുണ്ടെെന്നും ഈ ആവേശത്തെ കെടുത്താൻ ഒന്നിനെയും അനുവദിക്കരുതെന്നും ചിരഞ്ജീവി ട്വീറ്റ് ചെയ്തു.
ഇത്തരം വ്യാജ വാർത്തകൾക്കെതിരേ രംഗത്ത് വരാൻ സഹപ്രവർത്തകരോട് ആവശ്യപ്പെടുകയാണെന്ന് മഹേഷ് ബാബു ട്വീറ്റ് ചെയ്തു.
ജനങ്ങളുടെ സ്നേഹവും ആദരവും നേടാൻ വർഷങ്ങളുടെ കഠിനാധ്വാനം, പരിശ്രമം, ക്ഷമ, അഭിനിവേശം, ത്യാഗം എന്നിവ ആവശ്യമാണ്. നിങ്ങളുടെ ഭാര്യ അർഹിക്കുന്ന ഭർത്താവാകാനും നിങ്ങളുടെ കുട്ടികൾ ആഗ്രഹിക്കുന്ന സൂപ്പർഹീറോ പിതാവാകാനും നിങ്ങളുടെ ആരാധകർ ആഗ്രഹിക്കുന്ന സൂപ്പർസ്റ്റാർ ആകാനുമാണ് നിങ്ങൾ പ്രവർത്തിക്കുന്നത്. എന്നാൽ പെട്ടെന്ന് ഒരു നാൾ മുഖമില്ലാത്ത ഒരുവൻ പണത്തിന് വേണ്ടി എന്തും ചെയ്യാൻ തയ്യാറായവൻ, നിങ്ങളെ അപമാനിക്കും , വായനക്കാരോട് കള്ളം പറയും, തെറ്റായ വിവരങ്ങൾ പരത്തും, എല്ലാം അടുത്ത ചെക്കിനായി വേണ്ടി. എനിക്ക് നമ്മുടെ മനോഹരമായ തെലുങ്ക് സിനിമാ മേഖലയെ സംരക്ഷിക്കണം, എന്റെ ആരാധകരെ സംരക്ഷിക്കണം, എന്റെ കുഞ്ഞുങ്ങളെ സംരക്ഷിക്കണം. ഇത്തരം വ്യാജ വെബ്സൈറ്റുകൾക്കെതിരേ ഒന്നിക്കാൻ ഞാനെന്റെ സഹപ്രവർത്തകരോട് ആവശ്യപ്പെടുകയാണ് .. മഹേഷ് ബാബു ട്വീറ്റ് ചെയ്തു.
VIJAY DEVARAKONDA
