Connect with us

“ഇതാണ് എന്റെ മകന്‍”, അവിവാഹിതയായ വരലക്ഷ്മി ശരത് കുമാറിന്റെ വാക്കുകളിൽ ഞെട്ടിയ ആരാധകരെ ചിരിപ്പിച്ചുകൊണ്ട് മകനെ പരിചയപ്പെടുത്തി വരലക്ഷ്മി !

Malayalam

“ഇതാണ് എന്റെ മകന്‍”, അവിവാഹിതയായ വരലക്ഷ്മി ശരത് കുമാറിന്റെ വാക്കുകളിൽ ഞെട്ടിയ ആരാധകരെ ചിരിപ്പിച്ചുകൊണ്ട് മകനെ പരിചയപ്പെടുത്തി വരലക്ഷ്മി !

“ഇതാണ് എന്റെ മകന്‍”, അവിവാഹിതയായ വരലക്ഷ്മി ശരത് കുമാറിന്റെ വാക്കുകളിൽ ഞെട്ടിയ ആരാധകരെ ചിരിപ്പിച്ചുകൊണ്ട് മകനെ പരിചയപ്പെടുത്തി വരലക്ഷ്മി !

നടൻ ശരത് കുമാറിന്റെ മകളായ വരലക്ഷ്മി ശരത് കുമാറും ലോക്ക്ഡൗൺ ദിനങ്ങളിൽ മറ്റു താരങ്ങളെപ്പോലെ വീട്ടിലിരുപ്പാണ്. എന്നാൽ, ഇതിനിടയിൽ ചില വിശേഷങ്ങൾ വരലക്ഷ്മിയുടേതായി പുറത്തുവരുകയാണ്.

ആരും ഞെട്ടേണ്ടതില്ല, കല്യാണം കഴിഞ്ഞിട്ടില്ലാത്ത വരലക്ഷ്മിയ്ക്ക് എവിടെ നിന്നാ ഒരു കുഞ്ഞ് എന്നൊന്നും ആരും ചോദിക്കാന്‍ വരേണ്ട. ഇത് വരലക്ഷ്മി പുതുതായി എടുത്തു വളര്‍ത്തുന്ന നായക്കുട്ടിയെ കുറിച്ചാണ്. ഗുച്ചി എന്നാണ് നായക്കുട്ടിയ്ക്ക് പേരിട്ടിരിയ്ക്കുന്നത്. പേരിടുക മാത്രമല്ല, ഗുച്ചിയ്ക്കായി ഒരു ഇന്‍സ്റ്റഗ്രാം അക്കൗണ്ടും വരലക്ഷ്മി തുടങ്ങിയിട്ടുണ്ട്.

ട്വിറ്ററിലൂടെ വരലക്ഷ്മിയാണ് തന്റെ വളര്‍ത്തു നായയെ പരിചയപ്പെടുത്തിയത്. മകന്‍ എന്നാണ് നടി ഗുച്ചിയെ വിശേഷിപ്പിച്ചത്. ‘എന്റെ മകനെ നിങ്ങള്‍ക്ക് പരിചയപ്പെടുത്തുന്നു, ഗുച്ചി വരലക്ഷ്മി’ എന്ന് പറഞ്ഞു കൊണ്ട് നായക്കുട്ടിയുടെ ഇന്‍സ്റ്റഗ്രാം ലിങ്കും വരലക്ഷ്മി ആരാധകർക്കായി പങ്കുവച്ചു.

ഗുച്ചിയുടെ ഇന്‍സ്റ്റഗ്രാമില്‍ നോക്കിയാല്‍ വരലക്ഷ്മിയുമായുള്ള ചില ചിത്രങ്ങളും വീഡിയോയും കാണാം. രാജമാത ശിവകാമിയെ പോലെ (ബാഹുബലി) തന്റെ കുഞ്ഞിനെ ഉയര്‍ത്തി പിടിയ്ക്കുന്ന ഒരു വീഡിയോയും വരലക്ഷ്മി പങ്കുവച്ചിട്ടുണ്ട്. ഇത് കൂടാതെ വേറെയും രസകരമായ ചില വീഡിയോകളും ഗുച്ചിയുടെ ഇന്‍സ്റ്റഗ്രാം പേജില്‍ കാണാം.

രണ്ടായിരത്തില്‍ അധികം ഫോളോവേഴ്‌സ് ഇപ്പോള്‍ തന്നെ ഇന്‍സ്റ്റഗ്രാമില്‍ ഗുച്ചിയെ പിന്‍തുടരുന്നുണ്ട്. അതില്‍ വരലക്ഷ്മിയുടെ സിനി സുഹൃത്തുക്കളായ തൃഷ, ഐശ്വര്യ രാജേഷ്, അദിതി റാവു ഹൈദാരി തുടങ്ങിയ സെലിബ്രിറ്റികളും പെടുന്നു.

വരലക്ഷ്മിയ്ക്ക് മൃഗങ്ങളോടുള്ള സ്‌നേഹം എല്ലാ ആരാധകർക്കും അറിയാവുന്നതാണ് . 2018 ല്‍ തന്റെ വളര്‍ത്തു നായയായ ഡിനോ മരണപ്പെട്ടപ്പോള്‍ വികാരഭരിതമായി വരലക്ഷ്മി സോഷ്യല്‍ മീഡിയയില്‍ എഴുതിയ കുറിപ്പ് വാര്‍ത്തയായിരുന്നു. ഇതിനോടകം മൂന്ന് വളര്‍ത്തമൃഗങ്ങള്‍ വരലക്ഷ്മിയ്ക്കുണ്ട്.

ഈ കുടുംബത്തിലേക്ക് അവസാനമെത്തിയ ആളാണ് ഗുച്ചി. വളര്‍ത്തു നായകളോട് മാത്രമല്ല, തെരുവ് നായകളോടുമുള്ള സ്‌നേഹവും വരലക്ഷ്മി പ്രകടിപ്പിച്ചിട്ടുണ്ട്. ഈ മഹാമാരി കാലഘട്ടത്ത് തെരുവുനായകള്‍ക്ക് ഭക്ഷണമെത്തിച്ചു കൊടുക്കുന്ന കാര്യത്തില്‍ മുന്നിലായിരുന്നു വരലക്ഷ്മി .

about varalekshmi

Continue Reading
You may also like...

More in Malayalam

Trending

Recent

To Top