എന്റെ ജീവിതത്തില്‍ ഇത്രയധികം ഇഷ്ടപ്പെട്ട മറ്റൊരു ദിവസം ഉണ്ടായിട്ടില്ലെന്ന് താരകല്യാൺ, പുതിയ വീഡിയോ പുറത്ത്, വിങ്ങലോടെയാണ് ഈ വീഡിയോ കണ്ടതെന്ന് കമന്റുകൾ

താര കല്യാണിനെ പ്രേക്ഷകർക്ക് പരിചയപ്പെടുത്തേണ്ട ആവിശ്യമില്ല. നര്‍ത്തകി, അഭിനേത്രി, യൂട്യൂബ് വ്‌ളോഗര്‍ എന്നീ നിലകളില്‍ എല്ലാം ശ്രദ്ധേയയാണ് താര കല്യാണ്‍. സോഷ്യൽ മീഡിയയിൽ സജീവമായ നടിയ്ക്ക് സ്വാന്തമായി ഒരു യൂട്യൂബ് ചാനലുമുണ്ട്. തന്റെ ജീവിതത്തിലെ ചെറിയ സന്തോഷങ്ങൾ പോലും താരകല്യാൺ പങ്കിടാറുണ്ട്.

ഇപ്പോഴിതാ തനിച്ച് ബേര്‍ത്ത് ഡേ ആഘോഷിച്ച സന്തോഷമാണ് താര കല്യാണ് വീഡിയോയില്‍ പങ്കുവയ്ക്കുന്നത്.

തന്റെ ഉള്ളിലുള്ള തന്നെ സന്തോഷിപ്പിയ്ക്കാന്‍ വേണ്ടിയാണ് ഈ പിറന്നാള്‍ ആഘോഷം എന്ന് പറഞ്ഞുകൊണ്ട് ആണ് താര കല്യാണ്‍ വീഡിയോ തുടങ്ങുന്നത്. ‘നാളെ എന്റെ പിറന്നാളാണ്. പിറന്നാളിന് എനിക്ക് ഞാന്‍ തന്നെ സര്‍പ്രൈസ് ഒരുക്കുന്നു’ എന്നതാണ് രത്‌ന ചുരുക്കം. അതിനായി തലേ ദിവസം തന്നെ വേണ്ട സാധനങ്ങള്‍ എല്ലാം വാങ്ങി സെറ്റ് ചെയ്തു വച്ചു. താര കല്യാണിന് ഇഷ്ടപ്പെട്ട പൂവ്, ടോയിസ്, ചോക്ലേറ്റ്‌സ്, കേക്ക് എല്ലാം വാങ്ങി സെറ്റ് ചെയ്തിട്ടാണ് ഉറങ്ങാന്‍ പോയത്. രാവിലെ എഴുന്നേറ്റ് അത് എല്ലാം വന്ന് കണ്ട് സ്വയം സന്തോഷിയ്ക്കുന്ന കാഴ്ച വീഡിയോയില്‍ കാണാം.

പിറന്നാള്‍ ദിവസം രാവിലെ എഴുന്നേറ്റ് അമ്പലത്തില്‍ പോകുന്നതും, പിറന്നാള്‍ ദിവസം ഉച്ചഭക്ഷണം ഉണ്ടാക്കി കഴിക്കുന്നതും കേക്ക് മുറിക്കുന്നതും എല്ലാം താര തനിച്ചാണ്. എന്നിട്ട് സ്വയം ആത്മനിര്‍വൃതിയടയുന്നു. ശേഷം അമ്മയെ പോയി കണ്ട് അനുഗ്രഹവും വാങ്ങി. തന്റെ ജീവിതത്തില്‍ ഏറ്റവും അധികം സന്തോഷിച്ച പിറന്നാളുകളില്‍ ഒന്നാണ് ഇത് എന്നാണ് താര കല്യാണ്‍ പറഞ്ഞത്.

പൊതുവെ എന്റെ പിറന്നാളിന് എന്റെ ഡാന്‍സ് സ്റ്റുഡന്റ്‌സ് എല്ലാം കുറേ വിഷസ് അയക്കുകയും എനിക്ക് വേണ്ടി പ്രാര്‍ത്ഥിക്കുകയും ഒക്കെയാണ് ചെയ്യാറുള്ളത്. രാജ ചേട്ടനൊപ്പം ഞാന്‍ ഏറ്റവും അവസാനം ആഘോഷിച്ചത് എന്റെ അന്‍പതാം പിറന്നാളാണ്. അദ്ദേഹത്തിന് പിറന്നാള് പോലെയുള്ള എല്ലാ ഒരു ആഘോഷം തന്നെയായിരുന്നു. ഭയങ്കര ഇഷ്ടമാണ്. ഇപ്പോള്‍ ഞാന്‍ രജ ചേട്ടനെ വല്ലാതെ മിസ്സ് ചെയ്യുന്നുണ്ട്. നന്ദി, രാജ ചേട്ടാ- താര കല്യാണ്‍ പറഞ്ഞു.

ചിലര്‍ക്ക് എങ്കിലും ഞാന്‍ ഈ വീഡിയോ പങ്കുവയ്ക്കുന്നതും ബേര്‍ത്ത് ഡേ സ്വയം ആഘോഷിക്കുന്നതും എല്ലാം ഒരു പൊട്ടത്തരമായി തോന്നിയേക്കാം. പക്ഷെ ഞാന്‍ എന്റെ ജീവിതത്തില്‍ ഇത്രയധികം ഇഷ്ടപ്പെട്ട മറ്റൊരു ദിവസം ഉണ്ടായിട്ടില്ല. കുറേ ആളുകള്‍ക്ക് നടുവില്‍ നില്‍ക്കുമ്പോള്‍ അത് മറ്റൊരു ലോകമാണ്. തനിച്ചിരിയ്ക്കുമ്പോള്‍ അത് വേറൊരു ലോകം. പല്ല് വേദനയും തലവേദനയും അവനവന് വരുമ്പോള്‍ മാത്രമാണ് അതിന്റെ വേദന മനസ്സിലാവുന്നത് എന്ന് അമ്മ പറയും. അത് പോലെയാണ് ഇപ്പോള്‍ ഈ ഒറ്റപ്പെടലും. അനുഭവിയ്ക്കുമ്പോള്‍ മാത്രമേ അത് മനസ്സിലാവൂ. എന്റെ ആത്മ നിര്‍വൃതിയ്ക്ക് വേണ്ടിയാണ് ഞാന്‍ ഈ വീഡിയോ ചെയ്തത്- താര കല്യാണ്‍ പറഞ്ഞു.

താരയോടുള്ള സ്‌നേഹം അറിയിച്ചുകൊണ്ടുള്ള കമന്റുകളാണ് വീഡിയോയ്ക്ക് താഴെ വരുന്നത്. ഈ വീഡിയോ കാണുമ്പോള്‍ വളരെ അധികം വേദന തോന്നുന്നു, ഒറ്റപ്പെടലിനെക്കാള്‍ വലിയ വേദനയില്ല എന്നൊക്കെയാണ് കമന്റുകള്‍ വരുന്നത്. ‘വല്ലാത്ത ഒരു വിങ്ങലോടെയാണ് ഈ വീഡിയോ കണ്ടത്. ആള്‍ക്കൂട്ടത്തിലും പലപ്പോഴും എനിക്ക് വല്ലാത്ത ഒറ്റപ്പെടല്‍ തോന്നാറുണ്ട്. എന്നാല്‍ ഇന്ന്, ഇത് കണ്ടപ്പോള്‍ നമുക്ക് നമ്മളെ തന്നെ സ്വയം സന്തോഷിപ്പിച്ച് നിര്‍ത്താന്‍ കഴിയുമല്ലോ എന്ന് തിരിച്ചറിയാനായി സാധിച്ചു’ എന്നാണ് ഒരു കമന്റ്‌