മകൻ എന്ന നിലയിൽ എന്റെ കണ്ണ് നിറയുന്ന നിമിഷം; എന്റെ അച്ഛൻ എനിക്കുള്ള ആദരവ് ഏറ്റുവാങ്ങി ; സന്തോഷം പങ്കുവെച്ച് സൂരജ്
മിനിസ്ക്രീനിൽ ഒരേ ഒരു സീരിയലിൽ മാത്രം അഭിനയിച്ച് നിരവധി ആരാധകരെ സ്വന്തമാക്കിയ താരമാണ് സൂരജ് സൺ. ‘പാടാത്ത പൈങ്കിളി’യിലെ ദേവയെ അവതരിപ്പിച്ചു കൊണ്ടാണ് സൂരജ് അഭിനയ ജീവിതത്തിന് തുടക്കമിട്ടിരുന്നത്. സ്വന്തം കുടുംബത്തിലെ ഒരംഗത്തെപ്പോലെ പലരും സൂരജിനെ ഏറ്റെടുത്തു. ചില വ്യക്തിപരമായ കാരണങ്ങളാൽ താരം സീരിയലിൽ നിന്ന് വിട്ടു നിന്നപ്പോഴും ഏവരും ഒപ്പം നിന്നു. മോട്ടിവേഷണൽ വീഡിയോയും മറ്റുമായി സോഷ്യൽമീഡിയയിലും സജീവമാണ് സൂരജ്
. ഹൃദയത്തില്‍ കല്യാണച്ചെക്കനായി മുഖം കാണിച്ച സൂരജ് മൃദുഭാവേ ദൃഡകൃത്യയിലൂടെയായി നായകനായി അരങ്ങേറിയിരിക്കുകയാണ്. ഷാജൂണ്‍ കാര്യല്‍ സംവിധാനം ചെയ്ത ചിത്രത്തിന്റെ വിശേഷങ്ങളെല്ലാം അദ്ദേഹം സോഷ്യല്‍മീഡിയയിലൂടെയായി പങ്കുവെച്ചിരുന്നു.
തിരക്കുകള്‍ക്കിടയിലും നാട്ടിലെ പരിപാടികളിലെല്ലാം സൂരജ് പങ്കെടുക്കാറുണ്ട്. തന്റെ അസാന്നിധ്യത്തില്‍ തനിക്കുള്ള ആദരവ് അച്ഛന് ഏറ്റുവാങ്ങിയതിനെക്കുറിച്ച് പറഞ്ഞുള്ള സൂരജിന്റെ പോസ്റ്റ് വൈറലായിക്കൊണ്ടിരിക്കുകയാണ്. ഷൂട്ടിംഗിലായതിനാല്‍ സൂരജിന് പകരമായി അച്ഛനായിരുന്നു ചടങ്ങില്‍ പങ്കെടുത്തത്. മകനെന്ന നിലയില്‍ ഒരുപാട് സന്തോഷം തോന്നിയ നിമിഷമായിരുന്നു അതെന്ന് സൂരജ് പറയുന്നു.
എന്റെ അച്ഛൻ എനിക്കുള്ള ആദരവ് ഏറ്റുവാങ്ങുന്ന നിമിഷം. മകൻ എന്ന നിലയിൽ എന്റെ കണ്ണ് നിറയുന്ന നിമിഷം. നെഞ്ച് വിങ്ങുന്ന സന്തോഷം. അഭിമാനം തോന്നുന്ന നിമിഷം. അച്ഛനോട് ഞാൻ : അച്ഛാ, എന്നെ പഠിപ്പിച്ച കുനിയിൽ രവി മാസ്റ്റർ (എനിക്കും നാടിനും പ്രിയപ്പെട്ട രവി മാഷ് )കലാ സാംസ്കാരിക വേദിയുടെ പത്താം വാർഷികവും വിഷു ആഘോഷവും നടക്കുന്നുണ്ട് അതിന്റെ ഭാഗമായി എന്നെ ആദരിക്കാൻ വേണ്ടി ഒരു ക്ഷണമുണ്ട് എനിക്ക് എത്തിച്ചേരാൻ പറ്റാത്തത് കൊണ്ട് എന്റെ അസാനിധ്യത്തിൽ അച്ഛൻ അത് ഏറ്റുവാങ്ങണം . അച്ഛൻ മുടിയൊക്കെ വെട്ടി വെള്ളയും വെള്ളയും ഡ്രസ്സ് ഒക്കെ ധരിച്ച് സുന്ദരനായി പോയിട്ട് അത് ഏറ്റു വാങ്ങണം.
അത് വളരെ ഭംഗിയായി അച്ഛൻ നിർവഹിച്ചു. ഈ കാഴ്ച എനിക്കും എന്റെ കുടുംബത്തിനും എന്നെ സ്നേഹിക്കുന്നവർക്കും എന്നെ അറിയാവുന്നവർക്കും വളരെ വളരെ സന്തോഷം തരുന്നതായിരുന്നു. ഒരുപാട് നന്ദി അറിയിക്കുന്നു. ഈ പരിപാടിയിൽ ക്ഷണിച്ചതിനും , എന്നെ ഓർത്തതിനും എന്നായിരുന്നു സൂരജ് കുറിച്ചത്
