Connect with us

പുറത്താക്കേണ്ടവരുടെ കൂട്ടത്തിൽ സോമദാസ്‌;സോമദാസിനെ മത്സരാർത്ഥികൾ വെറുക്കാൻ കാരണം…

Malayalam

പുറത്താക്കേണ്ടവരുടെ കൂട്ടത്തിൽ സോമദാസ്‌;സോമദാസിനെ മത്സരാർത്ഥികൾ വെറുക്കാൻ കാരണം…

പുറത്താക്കേണ്ടവരുടെ കൂട്ടത്തിൽ സോമദാസ്‌;സോമദാസിനെ മത്സരാർത്ഥികൾ വെറുക്കാൻ കാരണം…

ബിഗ് ബോസ് രണ്ടാം വാരം ആഘോഷമായിത്തന്നെ തുടങ്ങി. നൂറു ദിവസത്തിൽ നിന്നും ഏഴ് ദിവസം കുറഞ്ഞിരിക്കുന്നു. ഈ ഏഴ് ദിവസംകൊണ്ട് മത്സരാർത്ഥികൾ പരസ്‌പരം മനസ്സിലാക്കി തുടങ്ങിയിരിക്കുന്നു. ഓരോരുത്തരുടെയും സ്വഭാവവും സ്വഭാവത്തിലെ പ്രത്യേകതകളും ഒക്കെ കണ്ടും അറിഞ്ഞും തുടങ്ങി. പ്രേക്ഷകരും സിനിമയിലും സീരിയലിലും ഒക്കെ മാത്രം കണ്ടു പരിചയമുള്ള താരങ്ങളുടെ യാഥാർഥ്യങ്ങൾ തിരിച്ചറിയാൻ തുടങ്ങിയിരിക്കുന്നു. ഇക്കാരണങ്ങൾ കൊണ്ടാകാം ഒരാഴ്ച പിന്നിട്ടപ്പോൾ തന്നെ മത്സരാർത്ഥികൾക്ക് എലിമിനേഷന് വേണ്ടിയുള്ള നോമിനേഷൻ പ്രക്രിയയിലൂടെ കടന്നു പോകേണ്ടി വന്നത്. ബിഗ് ബോസ് സീസൺ രണ്ടിലെ ആദ്യ എലിമിനേഷൻ ആയിരുന്നു കഴിഞ്ഞ എപ്പിസോഡിൽ മത്സരാർത്ഥികളെയും പ്രേക്ഷകരെയും അമ്പരപ്പിച്ചുകൊണ്ട് ബിഗ് ബോസ് നിർദേശിച്ചത്. എന്നാൽ അതിനുശേഷം സംഭവിച്ചത് വലിയൊരു ട്വിസ്റ്റും.

പാട്ടും ഡാൻസും തമാശകളും പൊട്ടിച്ചിരിക്കളുമൊക്കെ കഴിഞ്ഞപ്പോൾ ബിഗ് ഹവ്‌സിൽ ഒരു വലിയ ബോംബ് വീണു. ആദ്യ എലിമിനേഷന് മുന്നോടിയായി ഓരോ മത്സരാർത്ഥികളും ഓരോരുത്തരായി കൺഫെഷൻ റൂമിലേക്ക് വന്നു എലിമിനേറ്റ് ചെയ്യാൻ അവർ ആഗ്രഹിക്കുന്ന രണ്ടുപേരുടെ പേര് നിർദേശിക്കാനായിരുന്നു ബിഗ് ബോസ് നൽകിയ നിർദേശം . ആദ്യമായി കൺഫെഷൻ റൂമിലേക്ക് വിളിപ്പിച്ചത് ബിഗ് ബോസ് സീസൺ രണ്ടിലെ ആദ്യ ക്യാപ്റ്റനായ രാജിനി ചാണ്ടിയെയായിരുന്നു. രാജിനി ഒന്നാമതായി നിർദേശിച്ച പേര് തന്റെ പേര് തന്നെയായിരുന്നു. തനിക്ക് തിരികെ പോകാൻ ആഗ്രഹമുണ്ട് എന്നാണ് രാജിനി ബിഗ് ബോസിനെ അറിയിച്ചത്. തുടർന്ന് രണ്ടാമതായി ഡോ.രജിത്ത് കുമാറിന്റെ പേരാണ് രജനി നിർദേശിച്ചത്. രജിത്ത് സ്ത്രീകളെ ബഹുമാനിക്കുന്നില്ല എന്ന കാരണം പറഞ്ഞാണ് രാജിനി രണ്ടാമതായി രജിത്തിന്റെ പേര് നിർദേശിച്ചത്.

തുർന്ന് ഓരോരുത്തരായി കൺഫെഷൻ റൂമിലേക്ക് വന്നുതുടങ്ങി.മത്സരാർത്ഥികളിൽ കൂടുതൽ പേരും ഉന്നയിച്ച പേര് ഗായകൻ സോമദാസിന്റേതായിരുന്നു. സോമദാസ്‌ ബിഗ് ഹവസിൽ കുടുതലും മറ്റുള്ളവരിൽ നിന്നകന്നു ഒറ്റക്കാണ് സമയം ചിലവഴിക്കുന്നതെന്നും കൂടുതൽ സമയവും തന്റെ മുറിയിൽ ഒറ്റക്ക് ചിലവഴിക്കുന്നു എന്നുമാണ് കൂടുതൽ പേരും പറഞ്ഞത്. മാത്രമല്ല സോമദാസ്‌ അദ്ദേഹത്തിന്റെ കുടുംബത്തെയും മക്കളെയും കുറിച്ചോർത്തു എപ്പോഴും വിഷമത്തിലാണെന്നും മറ്റ് മത്സരാർത്ഥികൾ പറഞ്ഞു. അതുമാത്രമല്ല അദേഹത്തെ ചില ആരോഗ്യ പ്രശ്നങ്ങളും അലട്ടുന്നുണ്ട്. അതുകൊണ്ട് തന്നെ സോമദാസ്‌ തിരികെ അദ്ദേഹത്തിന്റെ കുടുംബത്തിന്റെ അടുക്കൽ പോകുന്നത് തന്നയാണ് കൂടുതൽ നല്ലത് എന്നാണ് ഭൂരിപക്ഷം മത്സരാർത്ഥികളും അഭിപ്രായപ്പെട്ടത്. പുറത്താക്കേണ്ടവരുടെ പട്ടികയിൽ നോമിനേഷനുകളുടെ അടിസ്ഥാനത്തിൽ ഒന്നാമതായി എത്തിയത് സോമദാസായിരുന്നു.

സോമദാസിന് ശേഷം കൂടുതൽ പേരും നിർദേശിച്ച പേര് ഡോ. രജിത് കുമാറിന്റേതായിരുന്നു. രജിത്തിന്റെ അഭിപ്രായപ്രകടനങ്ങളും ഉപദേശങ്ങളും ഒക്കെ മറ്റ് മത്സരാര്ഥികളിൽ എതിർപ്പിനിടയാക്കിയിരുന്നു. മൂന്നാമത് പട്ടികയിൽ എത്തിയ പേര് രാജിനി ചാണ്ടിയുടെയായിരുന്നു.എന്നാൽ പട്ടികയിൽ ഒന്നാമതെത്തിയതിനു ബിഗ് ബോസ് സോമദാസിന് നൽകിയ പണിഷ്മെന്റ് ഇനി മുതൽ രാവിലെ മറ്റ് മത്സരാർത്ഥികളെ പാടി ഉണർത്തേണ്ട ചുമതല സോമ ദാസിനാണ് എന്നാണ് . ഇനി ബിഗ് ബോസ്സിൽ സോമദാസിന്റെ ഭാവി എന്താണെന്ന ആശങ്കയിലാണ് പ്രേക്ഷകർ. ഇതിനുള്ള ഉത്തരം വരും ദിവസങ്ങളിൽ മാത്രമേ അറിയാൻ സാധിക്കുകയുള്ളു.

somadas in bigboss

More in Malayalam

Trending

Recent

To Top