ഭാവന ചേച്ചിയുമായുള്ള അപ്രതീക്ഷിത കൂടിക്കാഴ്ചയക്ക് എന്റെ മകന് അവസരം ലഭിച്ചു. അവളെ കരുത്തയും സന്തോഷവതിയുമായി കാണുന്നതിൽ സന്തോഷമെന്ന് കുഞ്ചാക്കോ ബോബൻ; ഇസഹാക്കിന് ഉമ്മ കൊടുത്ത് ഭാവന; ചിത്രം വൈറൽ

നടി ഭാവനയ്ക്ക് ഇസഹാക്കിന്റെ ചിത്രം പങ്കുവച്ച് കുഞ്ചാക്കോ ബോബൻ. ചിത്രത്തോടൊപ്പം ഹൃദമായ ഒരു കുറിപ്പും പങ്കുവെച്ചിട്ടുണ്ട്. ഇസഹാക്കിനെ കയ്യിലെടുത്ത് ഭാവന ഉമ്മ നൽകുന്നതാണ് ചിത്രത്തിലുള്ളത്.

‘‘ഭാവന ചേച്ചിയുടെ സ്നേഹം.

എന്റെ സുഹൃത്തിനെ കാണാൻ എനിക്കായില്ല. പക്ഷേ ഭാവന ചേച്ചിയുമായുള്ള അപ്രതീക്ഷിത കൂടിക്കാഴ്ചയക്ക് എന്റെ മകന് അവസരം ലഭിച്ചു. അവളെ കരുത്തയും സന്തോഷവതിയുമായി കാണുന്നതിൽ സന്തോഷം. സ്നേഹവും പ്രാർഥനയും പ്രിയപ്പെട്ടവളേ’’– ചാക്കോച്ചൻ കുറിച്ചു

ഭാവനയുടേയും ഇസഹാക്കിന്റേയും ഈ ക്യൂട്ട് ചിത്രം ആരാധകർ ഏറ്റെടുത്തു. സ്നേഹം അറിയിച്ചുള്ള നിരവധി കമന്റുകളാണ് ചിത്രത്തിനു ലഭിക്കുന്നത്.

കഴിഞ്ഞ ദിവസമായിരുന്നു കുഞ്ചാക്കോബോബന്റെയും പ്രിയയുടെയും 17-ാം വാർഷികം ആഘോഷിച്ചത്
മകൻ ഇസഹാക്കിനൊപ്പം കേക്ക് മുറിച്ചാണ് കുഞ്ചാക്കോ ബോബനും പ്രിയയും വിവാഹവാർഷികം ആഘോഷിച്ചത്. വിവാഹവാർഷികാഘോഷത്തിന്റെ ചിത്രങ്ങളും അതിനൊപ്പം ചാക്കോച്ചൻ പങ്കുവച്ച ഹൃദയസ്പർശിയായ കുറിപ്പും സോഷ്യൽ മീഡിയയിൽ ശ്രദ്ധനേടിയിരുന്നു.

ഔദ്യോഗികമായി ഒന്നിച്ചുള്ള മധുര 17!! നിന്നോടൊപ്പമുള്ള ജീവിതം മികച്ചതായി തുടരുന്നു പ്രിയപ്പെട്ട ഭാര്യേ. ഈ ഡിജിറ്റൽ ലോകത്തിലെ എന്റെ അതിവേഗ വൈഫൈ നിങ്ങളാണ്. എന്റെ ജീവിതത്തിൽ സംഭവിക്കുന്ന എല്ലാ കാര്യങ്ങളും നീ എങ്ങനെ കൈകാര്യം ചെയ്യുന്നു എന്നത് എന്നെ ആശ്ചര്യപ്പെടുത്തുന്നു. എന്നെയും എന്റെ കുടുംബത്തെയും എന്റെ തൊഴിലിനെയും സുഹൃത്തുക്കളെയും പരിപാലിക്കുന്നു, ഒപ്പം എന്റെ ജീവിതം സന്തുലിതമായി നിലനിർത്തുന്നു. മറ്റേതൊരു സാധാരണ ദമ്പതികളെയും പോലെ ചെറിയ വഴക്കുകൾ ഉണ്ടായിട്ടുണ്ട്, പക്ഷേ രാത്രി തീരും മുൻപ് അവ പരിഹരിച്ച് അടുത്ത ദിവസത്തെ ഏറ്റവും മികച്ച ഒന്നാക്കി മാറ്റുന്നു എന്ന് ഞങ്ങൾ ഉറപ്പാക്കി!!!

ഇന്ന് ഞാൻ സിനിമകളിൽ നന്നായി അഭിനയിക്കുന്നുവെങ്കിൽ അതിന്റെ ക്രെഡിറ്റ് നിനക്കാണ്. എന്നെ എന്നിൽ വിശ്വസിക്കാൻ പ്രേരിപ്പിച്ചതിന്റെയും എല്ലാറ്റിനെയും വ്യത്യസ്തമായ വീക്ഷണകോണിൽ കാണാനും മികച്ചതിന് വേണ്ടി പരിശ്രമിക്കാനും എന്നെ പ്രേരിപ്പിച്ചത് നീയാണ്. “ഓ പ്രിയേ “…….. എന്ന് എന്റെ ആദ്യ സിനിമയിൽ തന്നെ പാടാൻ അവസരം നൽകിയത് ദൈവത്തിന് പറ്റിയ തെറ്റല്ല. കാരണം എന്റെ ജീവിതത്തിൽ സംഭവിച്ച ഏറ്റവും നല്ല കാര്യം നീയാണ്!!

ഇത് വളരെ ലളിതവും എന്നാൽ മധുരതരവുമായ ഒരു ആഘോഷമായിരുന്നു… അതിനിടയിൽ ഞങ്ങളുടെ കുഞ്ഞും ഉണ്ടായിരുന്നത് വളരെ മധുരമായി തോന്നി!! സർപ്രൈസ് ആനിവേഴ്സറി ഡിന്നറിനും കേക്കിനും നന്ദി ഷെഫ് മോട്ടൂസ്. ഒപ്പം എല്ലാ മധുരമായ ആശംസകൾക്കും പ്രാർത്ഥനകൾക്കും എല്ലാവർക്കും നന്ദി. എല്ലാവരോടും സ്നേഹം” കുഞ്ചാക്കോ ബോബൻ കുറിച്ചു.