‘സുന്നത്തു നടത്തിയാല്‍ മാത്രം മനുഷ്യനാവില്ലെടോ.. മുറിക്കേണ്ടത് നിന്റെയൊക്കെ വിവരക്കേടിന്റെ അറ്റമാണ്…ഓരോരോ ക്ഷുദ്രജീവികള്‍’; സോഷ്യൽ മീഡിയയിൽ പങ്കുവെച്ച കമന്റിന് ലക്ഷ്മിപ്രിയയുടെ കിടുക്കാച്ചി മറുപടി

സിനിമയിലൂടെയും സീരിയലുകളിലൂടെയും ആരാധകരെ കീഴടക്കിയ താരമായിരുന്നു നടി ലക്ഷ്മി പ്രിയ. കുറച്ച് മാസങ്ങൾക്ക് മുൻപ് നടിയ്ക്ക് എതിരെ വലിയ രീതിയിൽ സൈബർ ആക്രമണം നടന്നിരുന്നു. കഴിഞ്ഞ ദിവസം തന്റെ ജാതിയും മതവും ചോദിച്ചെത്തിയ വിമര്‍ശകര്‍ക്ക് രേഖാമൂലം മറുപടിയുമായി
ലക്ഷ്മി പ്രിയ എത്തിയിരുന്നു

സബീന എന്ന പഴയ പേര് ഞാന്‍ ഉപേക്ഷിച്ചിരിക്കുന്നു. ഇനി ഔദ്യോഗികമായും ഞാന്‍ ലക്ഷ്മി പ്രിയ ആയിരികും. കല്ലെറിഞ്ഞതിനും ആര്‍ത്തു വിളിച്ചതിനും നിങ്ങളോട് തീര്‍ത്താല്‍ തീരാത്ത നന്ദിയുണ്ട്. അതുകൊണ്ടാണ് പൂര്‍ണ്ണമായും ഹിന്ദു എന്ന എന്റെ സ്വത്വം ഞാന്‍ രേഖാമൂലമാക്കിയത്. ഒരു പേരില്‍ എന്തിരിക്കുന്നു എന്ന ചിന്ത കൊണ്ട് മാത്രം കൊണ്ടു നടന്നിരുന്ന പഴയ പേര് ഉപേക്ഷിച്ചു. പേര് മാറ്റി ഗസറ്റില്‍ പ്രസിദ്ധീകരിച്ചതായും ലക്ഷ്മിപ്രിയ അറിയിച്ചു.

സോഷ്യല്‍ മീഡിയയില്‍ പങ്കുവെച്ച ഈ പോസ്റ്റിന് കീഴില്‍ വന്ന കമന്റുകള്‍ക്ക് ഇപ്പോള്‍ മറുപടി നല്‍കിയിരിക്കുകയാണ് നടി. സിനിമ- സീരിയല്‍ ഒന്നുമില്ലാത്തത് കൊണ്ട് വര്‍ഗീയത പറയുകയാണെന്നും 80 ശതമാനം ഉള്ള ഹിന്ദുക്കള്‍ മുസ്ലിം പെണ്‍കുട്ടിയെ മതം മാറ്റി കൊണ്ടുപോയി സോഷ്യല്‍ മീഡിയയില്‍ പ്രവര്‍ത്തിക്കുന്ന കാണുമ്പോ സഹതാപം മാത്രമെന്നും നീ ഹിന്ദു ആയെങ്കില്‍ മുസ്ലിങ്ങള്‍ക്ക് ഒന്നുമില്ലെന്നുമായിരുന്നു ഒരാളുടെ കമന്റ്.

പിന്നാലെ ഇതിന് മറുപടിയുമായി ലക്ഷ്മിപ്രിയയും രംഗത്ത് വന്നു. നിന്റെയൊക്കെ photo വെയ്ക്കേണ്ട കാലം എന്നേ കഴിഞ്ഞു.. സുന്നത്തു നടത്തിയാല്‍ മാത്രം മനുഷ്യനാവില്ലെടോ.. മുറിക്കേണ്ടത് നിന്റെയൊക്കെ വിവരക്കേടിന്റെ അറ്റമാണ്…ഓരോരോ ക്ഷുദ്രജീവികള്‍ എന്നായിരുന്നു നടിയുടെ മറുപടി.

ലക്ഷ്മിപ്രിയയുടെ ഫെയ്‌സ്ബുക്ക് പോസ്റ്റ്

I officially announced yes I am Lakshmi priyaa. ഒരു പേരില്‍ എന്തിരിക്കുന്നു എന്ന ചിന്ത കൊണ്ട് മാത്രം കൊണ്ടു നടന്നിരുന്ന എന്റെയാ പഴയ പേര് ഞാന്‍ ഉപേക്ഷിച്ചിരിക്കുന്നു. നീണ്ട പതിനെട്ടു വര്‍ഷം ഞാന്‍ സബീന ആയിരുന്നു. 19 വര്‍ഷമായി ഞാന്‍ ലക്ഷ്മി പ്രിയയും. ഇത് രണ്ടും ചേരുന്ന ഒരാളിനെ കൊണ്ടു നടക്കാന്‍ എനിക്ക് യാതൊരു ബുദ്ധിമുട്ടും തോന്നിയിരുന്നില്ല. കാരണം ഞാന്‍ എന്നും ഞാന്‍ ആയിരുന്നു.

എത്ര വലിയ പ്രതിസന്ധി വരുമ്പോഴും ദൈവത്തിന്റെ മാത്രം കരം പിടിച്ചു മറു കര നീന്തിയ വളരെ കരുത്തുള്ള ഒരു സ്ത്രീ. കല്ലെറിഞ്ഞതിനും ആര്‍ത്തു വിളിച്ചതിനും നിങ്ങളോട് എനിക്ക് തീര്‍ത്താല്‍ തീരാത്ത നന്ദിയുണ്ട്. കാരണം നിങ്ങളുടെ ആ കല്ലെറിയല്‍ കൊണ്ടാണ് പൂര്‍ണ്ണമായും ഹിന്ദു എന്ന എന്റെ സ്വത്വം രേഖാമൂലം അങ്ങനെ തന്നെ ആവട്ടെ എന്ന് ഞാന്‍ തീരുമാനിക്കുന്നത്. കല്ലെറിഞ്ഞവര്‍ക്കും ചേര്‍ത്തു പിടിച്ചവര്‍ക്കും നന്ദി അറിയിക്കട്ടെ.

ഒറ്റ മുറിയില്‍ നിന്നും എന്നെ ചേര്‍ത്തു പിടിച്ചു കൃത്യമായ ഒരു മേല്‍വിലാസം ഉണ്ടാക്കി തന്ന എന്റെ ഭര്‍ത്താവിനോടുള്ള എന്റെ സ്നേഹം അറിയിക്കാന്‍ എനിക്ക് വാക്കുകളില്ല. ഒറ്റ കൂടിക്കാഴ്ചയില്‍ എന്റെ പേര്, മതം, ഒപ്പ് എന്നിവ ചേഞ്ച് ചെയ്യേണ്ടതിന്റെ ആവശ്യകതയെക്കുറിച്ച്, ഒരു പേരില്‍ ഒരുപാടുണ്ട് എന്ന് എനിക്ക് ബോധ്യപ്പെടുത്തി തന്ന അഡ്വക്കേറ്റ് കൃഷ്ണ രാജിനാണ് ഇപ്പൊ ഈ മാറ്റത്തിന്റെ മുഴുവന്‍ ക്രെഡിറ്റ്സും ഞാന്‍ കൊടുക്കുക.

ഒപ്പം അതിന് എന്നെ സഹായിച്ച സൈനേഷ് തത്വമയി ന്യൂസ്, ബിനില്‍ ജി, ശ്രീ ഗിരീഷ് ജി വിശ്വ ഹിന്ദു പരീക്ഷിത് എന്നിവര്‍ക്കും ഹൃദയം നിറഞ്ഞ നന്ദി അറിയിക്കുന്നു. ഹിന്ദു ആയാലും മുസ്ലിം ആയാലും ഞാന്‍ ഞാനായിരിക്കും. മതമേതായാലും മനുഷ്യന്‍ നന്നായാല്‍ മതി എന്ന ഗുരുവചനം ഓര്‍മ്മിപ്പിച്ചുകൊണ്ട് ലക്ഷ്മി പ്രിയ