ദിവസങ്ങളായി അതീവഗുരുതരമായ അവസ്ഥയിലൂടെ നീങ്ങുകയാണ്! ജീവൻ കൈയ്യിലൊതുക്കി ഞാൻ കൂടെ നിൽക്കുന്നു! കൂട്ടിക്കല്‍ ജയചന്ദ്രന്റെ പോസ്റ്റ് വൈറലാകുന്നു

മലയാളികളുടെ എക്കാലത്തേയും പ്രിയപ്പെട്ട അവതാരകരിലൊരാളാണ് കൂട്ടിക്കല്‍ ജയചന്ദ്രന്‍. കോമഡി ടെെം എന്ന പരിപാടിയിലൂടെ കൂട്ടിക്കല്‍ ജയചന്ദ്രന്‍ കേരളക്കരയാകെ ആരാധകരെ സ്വന്തമാക്കിയിരുന്നു. അതും സോഷ്യല്‍ മീഡിയയൊന്നും ഇല്ലാതിരുന്ന കാലത്ത്. പിന്നീട് സിനിമകളിലും ജയചന്ദ്രന്‍ വേഷമിട്ടു.

സോഷ്യല്‍ മീഡിയയില്‍ സജീവമാണ് അദ്ദേഹം. ഇപ്പോഴിതാ അദ്ദേഹത്തിന്റെ ഒരു പോസ്റ്റ് വൈറലാവുകയാണ്

ദിവസങ്ങളായി കോവിഡാൽ അതീവഗുരുതരമായ അവസ്ഥയിലൂടെ പ്രിയപത്നി നീങ്ങുകയാണ്! കോഴിക്കോട് മൈത്ര ഹോസ്പിറ്റലിൽ! ജീവൻ കൈയ്യിലൊതുക്കി ഞാൻ കൂടെ നിൽക്കുന്നു. അതൊരു ത്യാഗമല്ല. കടമയാണെന്ന് ജയചന്ദ്രൻ പറയുന്നു. പറയുന്നത് മറ്റൊന്നാണ്, കോവിഡ് ഭീകരമല്ല! നമ്മളാണ് അവനെ ഭീകരനാക്കുന്നത്. നമ്മൾ പത്ത് പേരുണ്ടെങ്കിൽ ഒരാളുടെ അനാസ്ഥ മതി, ഗതി ഭീകരമാവാൻ.

ദയവായി അനാവശ്യ അലച്ചിൽ ഒഴിവാക്കുക. മാസ്ക്ക് സംസാരിക്കുമ്പോഴും, അടുത്ത് ആൾ ഉളളപ്പോഴും ധരിക്കണം. ഗ്ലൗസ് ധരിച്ചാലും കൈ അണുവിമുക്തമാക്കാതെ മുഖത്ത് തൊടരുത്. ഞങ്ങൾ ഇതെല്ലാം പാലിച്ചു, പക്ഷേ, ധാരാളം വെളളം കുടിക്കണം പ്രത്യേകിച്ച് സ്ത്രീകൾ. പുറത്ത് ഹൃദയപൂർവ്വം കൂട്ടുനിൽക്കുന്ന സി.പി.എം പ്രവർത്തകർക്കും, രാഷ്ട്രീയത്തിനതീതമായി ഒപ്പം നിൽക്കുന്ന പ്രിയ കൂട്ടുകാർക്കും, നന്നായി പരിപാലിക്കുന്ന ആശുപത്രിജീവനക്കാർക്കും, പ്രിയപ്പെട്ട നിങ്ങൾക്കും നന്ദിയെന്നും അദ്ദേഹം കുറിച്ചിട്ടുണ്ട്.

കുറവില്ലേടാ, പ്രാർത്ഥിക്കുന്നു. വേഗം സുഖമാവും ധൈര്യമായിരിക്ക് ഞാൻ വിളിക്കാമെന്നായിരുന്നു മനോജ് നായർ കുറിച്ചത്. മനോജിന്റെ ഭാര്യയും അഭിനേത്രിയുമായ ബീന ആന്റണിക്കും കൊവിഡ് ബാധിച്ചിരുന്നു. കഴിഞ്ഞയാഴ്ചയായിരുന്നു താരം വീട്ടിലേക്ക് തിരിച്ചെത്തിയത്. ആശുപത്രിയിലേക്ക് പോവാൻ മടിച്ചത് തെറ്റായ തീരുമാനമായെന്ന് ബീന ആന്റണി പറഞ്ഞിരുന്നു. ചേട്ടന്റെ മാനസികാവസ്ഥ മനസ്സിലാവുമെന്നും ഞങ്ങളുടെയെല്ലാം പ്രാർത്ഥന കൂടെയുണ്ടെവുമെന്നായിരുന്നു കമന്റുകൾ.