Connect with us

വ്യാധികളും ആധികളും വരുമ്പോൾ മാത്രം മാലാഖ; അല്ലാത്തപ്പോൾ പുച്ഛം ഇന്ന് കഴിഞ്ഞാൽ പിന്നീട് സംസാരിക്കാൻ ആരുമുണ്ടാകില്ല

Social Media

വ്യാധികളും ആധികളും വരുമ്പോൾ മാത്രം മാലാഖ; അല്ലാത്തപ്പോൾ പുച്ഛം ഇന്ന് കഴിഞ്ഞാൽ പിന്നീട് സംസാരിക്കാൻ ആരുമുണ്ടാകില്ല

വ്യാധികളും ആധികളും വരുമ്പോൾ മാത്രം മാലാഖ; അല്ലാത്തപ്പോൾ പുച്ഛം ഇന്ന് കഴിഞ്ഞാൽ പിന്നീട് സംസാരിക്കാൻ ആരുമുണ്ടാകില്ല

നഴ്‌സുമാരുടെ ദിനമാണിന്ന്. ജീവിതത്തിലും ഹൃദയത്തോടും ചേര്‍ന്നു നില്‍ക്കുന്ന പ്രിയപ്പെട്ട നഴ്‌സുമാരെ കുറിച്ച് ഹൃദയംതൊടും കുറിപ്പാണ് സോഷ്യൽ മീഡിയയിലൂടെ ഓരോരുത്തരും പങ്കുവെയ്ക്കുന്നത്.

ഇപ്പോഴിതാ നഴ്സസ് ദിനത്തിൽ സോഷ്യൽമീഡിയയിലൂടെ ഒരു വീഡിയോ പങ്കുവെച്ചിരിക്കുകയാണ് പാടാത്ത പൈങ്കിളി പരമ്പരയിലൂടെ ശ്രദ്ധേയനായ സൂരജ് സൺ.

വ്യാധികളും ആധികളും വരുമ്പോൾ മാത്രം അവർ മാലാഖമാ‍ര്‍, അല്ലാത്ത സമയത്ത് പുച്ഛം, അല്ലേ എന്ന് ചോദിച്ചുകൊണ്ടാണ് സൂരജ് വീഡിയോ ആരംഭിക്കുന്നത്. 38 വർ‍ഷം ആശുപത്രിയിൽ ജോലി ചെയ്ത അമ്മയുടെ മകനാണ് ഞാൻ, അവരുടെ കഷ്ടപ്പാടുകള്‍ കണ്ടറിഞ്ഞ് വന്നതാണ്. അമ്മയോട് ചോദിച്ചപ്പോള്‍ ഇന്നത്തെ ദിവസത്തെ പ്രത്യേകത അറിയില്ലെന്ന് പറഞ്ഞു.

സൂരജിന്‍റെ വാക്കുകള്‍ ഇങ്ങനെ

ഹോം നഴ്സാണേലും അല്ലേലും നമ്മുടെ കാര്യങ്ങള്‍ പിന്നീട് നോക്കുന്നത് അവരായിരിക്കും. എത്രപേര്‍ ഇതൊക്കെ ഓര്‍ക്കുമോയെന്നറിയില്ല. ബുദ്ധിമുട്ടുകളും പ്രശ്നങ്ങളും വരുമ്പോള്‍ അവരെ നാം വാഴ്ത്തിപ്പാടും. അല്ലാത്തപ്പോഴോ. പത്ത് മിനിറ്റ് ഡബിള്‍ മാസ്കണിയുമ്പോള്‍ നമ്മള്‍ വിയര്‍ത്ത് ബുദ്ധിമുട്ടും.

രാവിലെ ഡ്യൂട്ടിക്ക് കയറി രാത്രി വരെ നമ്മെ പരിപാലിക്കുന്ന അവരുടെ അവസ്ഥ നമ്മള്‍ മനസ്സിലാക്കാറില്ല. സോഷ്യൽമീഡിയയിൽ മണ്ണിലെ മാലാഖമാര്‍ക്ക് ഇന്ന് ആശംസകളുണ്ടാകും, ഇത് കഴിഞ്ഞ് അവര്‍ക്കുവേണ്ടി സംസാരിക്കാൻ ആരുമില്ല. അവര്‍ക്ക് ഈ ജോലി തന്നെ ചെയ്ത് ജീവിക്കണം. നമ്മുടെ വേണ്ടപ്പെട്ടവര്‍ക്ക് അസുഖം വന്നൽ നമ്മള്‍ എത്ര മണിക്കൂര്‍ അവരോടൊപ്പം ചിലവഴിക്കും. നമ്മുടെ കാര്യം വരുമ്പോള്‍ ചിലപ്പോള്‍ നമ്മള്‍ പോകും. എന്നാൽ നഴ്സ് അമ്മയായും മകളായുമൊക്കെ കൂടെ നിൽക്കും. എത്ര പേരാണ് ചികിത്സ കഴിയുമ്പോള്‍ മകളെ വിട്ട് പോകാനാകില്ലെന്ന് പറഞ്ഞ് ആശുപത്രിയിൽ നിന്ന് പോരാതെ നിൽക്കുന്നത്. തങ്ങളുടെ മകനെ കൊണ്ട് തങ്ങളെ പരിപാലിച്ച നഴ്സിനെ കല്യാണം കഴിപ്പിക്കുന്നത് സൂരജ് പറഞ്ഞിരിക്കുകയാണ്.

ഇക്കൂട്ടത്തിൽ നഴ്സിങ് അസ്വസ്ഥതയോടെ ചെയ്യുന്നവരുമുണ്ട്. അത് എല്ലാ മേഖലയിലും രണ്ടുകൂട്ടരുണ്ടാകും. അവരെ ഇതിൽ കൂട്ടരുത്. അങ്ങനെ അസ്വസ്ഥതയുള്ളവരാണെങ്കിൽ കൂടി രോഗിയുടെ അടുത്ത് മോശമായി പെരുമാറരുത്. മനുഷ്യന്മാരിൽ നല്ലവരും മോശപ്പെട്ടവരുമുണ്ടല്ലോ, ഈ മണ്ണിലെ മാലാഖമാര്‍ക്കായി ഒരു പാട്ടുണ്ട്. അതിൽ നിങ്ങളെ കുറിച്ച് പറയുന്ന മനോഹരമായ വാക്കുകള്‍ ഉണ്ട്. എന്‍റെ സുഹൃത്തുക്കളാണ് ആ പാട്ടിന് പിന്നിൽ. ഈ ദിവസം നിങ്ങള്‍ക്കു മുന്നിലേക്ക് ആ പാട്ട് എത്തുകയാണ്. എപ്പോഴും ലോകത്തിന് കാവലായി നിൽക്കുന്നത് ഈ മാലാഖമാരാണ്. ആരോഗ്യവകുപ്പിലെ എല്ലാവര്‍ക്കും ആശംസകള്‍, നിങ്ങളാണ് ഈ ഭൂമിയെ പിടിച്ച് നിർത്തുന്നത്. ഡോക്ടര്‍മാരും ആരോഗ്യപ്രവർത്തകരും പോലീസുകാരും അങ്ങനെ കുറെപേര്‍ എല്ലാവര്‍ക്കുമായി ഈ പാട്ട് സമര്‍പ്പിക്കുന്നുവെന്ന് യൂട്യൂബിൽ പങ്കുവെച്ച വീഡിയോയിൽ സൂരജ് പറഞ്ഞിരിക്കുകയാണ്.

Continue Reading
You may also like...

More in Social Media

Trending

Recent

To Top