ആദ്യ കൺമണിയെ വരവേറ്റ് സ്നേഹയും ശ്രീകുമാറും; ആശംസകളേകി താരലോകം!
ടെലിവിഷൻ കോമഡി പരമ്പരകളിലൂടെ പ്രേക്ഷക മനസിൽ ഇടംപിടിച്ച താരങ്ങളാണ് സ്നേഹയും ശ്രീകുമാറും.അഭിനേതാവായ എസ്പി ശ്രീകുമാറാണ് സ്നേഹയുടെ ജീവിത നായകൻ. മണ്ഡോദരിയും ലോലിതനുമായി സ്‌ക്രീനില്‍ തിളങ്ങിയിരുന്നു ഇരുവരും ഒന്നിച്ചുള്ള യാത്രയും കൂടുതല്‍ മനോഹരമാക്കുകയാണ്. ഇപ്പോഴിതാ ആദ്യ കൺമണിയെ വരവേറ്റിരിക്കുകായണ്‌ ഇരുവരും. നിരവധി താരങ്ങളും ആരാധകരും ആണ് ആശംസകൾ നേർന്നുകൊണ്ട് രംഗത്ത് വരുന്നതും.
ആൺകുട്ടിയാണ് സ്നേഹക്കും ശ്രീകുമാറിനും. കഴിഞ്ഞ ദിവസമാണ് താര ദമ്പതികൾക്ക് മകൻ പിറന്നത്. വീണ നായർ അടക്കമുള്ള താരങ്ങളും സന്തോഷം പങ്കിട്ട് എത്തുകയുണ്ടായി. അതേസമയം നിരവധി ആരാധകർ സ്നേഹക്ക് ആണ്കുട്ടിയാകും ജനിക്കാൻ പോകുന്നത് എന്ന് പറയുകയുണ്ടായി. മാത്രമല്ല വീണ സ്നേഹക്ക് നൽകിയ വാക്കും പാലിച്ചിരിക്കുകയാണ്..
വീണയുടെ ഡെലിവറി സമയത്ത് സ്നേഹ ആയിരുന്നു കൂട്ടിരുന്നത്. അതുകൊണ്ടുതന്നെ സ്നേഹയുടെ പ്രസവസമയത്ത് കൂടെ ഉണ്ടാകും എന്ന ഉറപ്പ് വീണ നൽകിയിരുന്നു.
“ഇവളുടെ പ്രസവത്തിനു എനിക്ക് ഇവളുടെ കൂടെ വേണം എന്ന് വലിയ ആഗ്രഹം ആണ്. കാരണം എന്റെ ഡെലിവറി സമയത്ത് ആശുപത്രിയിൽ സ്നേഹ ആയിരുന്നു കൂടെ ഉണ്ടായിരുന്നത് എന്റെ അച്ഛനും അമ്മയും ഇല്ലായിരുന്നു എങ്കിലും ഇവൾ ആയിരുന്നു എന്റെ കൂടെ”, എന്നാണ് അടുത്തിടെ വീണ പറഞ്ഞത്
“മാറിമായത്തിന്റെ സെറ്റിൽ പോയി ഫുഡ് കഴിക്കുമ്പോൾ ഒരു നെഞ്ചെരിച്ചിൽ. അങ്ങനെ ഡോക്ടറിനെ കണ്ടപ്പോൾ അനുപ് സ്നേഹ സംഭവം അറിയുന്നത്. അറിയുമ്പോൾ തന്നെ പതിനൊന്നു വീക്ക്‌സ് ആയിരുന്നു. പരിപാടി ക്യാൻസൽ ചെയ്യാൻ ആക്കാത്തതുകൊണ്ട് തന്നെ അതി സാഹസികമായി ദുബായിക്കും പോയി. ആ ദിവസം ഒന്നും ഒരിക്കലും മറക്കാൻ ആകില്ല”, എന്നും മുൻപ് സ്നേഹ പറഞ്ഞിരുന്നു.
പ്രസവത്തിനായി പോകുന്നതുകൊണ്ട് ചെയ്തുകൊണ്ടിരിയ്ക്കുന്ന മറിമായം, വൈഫ് ഈസ് ബ്യൂട്ടിഫുള്‍ എന്നീ ഷോകളില്‍ നിന്നും ബ്രേക്ക് എടുക്കുകയാണ് എന്ന് സ്നേഹ പറഞ്ഞിരുന്നു. വൈഫ് ഈസ് ബ്യൂട്ടിഫുളില്‍ കഥാപാത്രമായ കുമാരിയെ പ്രസവിക്കാനായിട്ട് അയക്കുന്നത് ആണ് ലേറ്റസ്റ്റ് എപ്പിസോഡുകളിൽ കാണിച്ചത്. ഇനി പ്രസവം ഒക്കെ കഴിഞ്ഞിട്ട് വരും എന്നും സ്നേഹ അറിയിച്ചിരുന്നു.
