Tamil
നിർമാതാവ് പറയുന്നത് അന്യനേക്കാൾ വലിയ സിനിമ ചെയ്യാനാണ്; അന്യന്റെ ഹിന്ദി റീമേക്കിനെ കുറിച്ച് ശങ്കർ
നിർമാതാവ് പറയുന്നത് അന്യനേക്കാൾ വലിയ സിനിമ ചെയ്യാനാണ്; അന്യന്റെ ഹിന്ദി റീമേക്കിനെ കുറിച്ച് ശങ്കർ
ഇപ്പോഴും പ്രേക്ഷകർക്കേറെ ഇഷ്ടമുള്ള ചിത്രങ്ങളിലൊന്നാണ് ചിയാൻ വിക്രം നായകനായ സൂപ്പർ ഹിറ്റ് ചിത്രം ‘അന്യൻ’. രൺവീർ സിംഗിനെ നായകനാക്കി അപരിചിത് എന്ന പേരിൽ ഹിന്ദിയിൽ റീമേക്ക് ചെയ്യുമെന്ന് സംവിധായകൻ പ്രഖ്യാപിച്ചിരുന്നു.ഇപ്പോഴിതാ അന്യൻ റീമേക്ക് ചെയ്യുന്നില്ലെന്ന് അറിയിച്ചിരിക്കുകയാണ് സംവിധായകൻ ശങ്കർ.
അന്യൻ ഹിന്ദി റീമേക്ക് ആയി അപരിചിത് ചെയ്യാനായിരുന്നു ആദ്യം തീരുമാനിച്ചിരുന്നത്. ആ സിനിമ പ്രഖ്യാപിച്ച സമയത്ത് അതിലും വലിയ സിനിമകൾ ബോളിവുഡിൽ റിലീസായി. ഇപ്പോൾ നിർമാതാവ് പറയുന്നത് അന്യനേക്കാൾ വലിയ സിനിമ ചെയ്യാനാണ്. അതുകൊണ്ട് ആ സിനിമ ഹോൾഡ് ചെയ്ത് വച്ചിരിക്കുകയാണ്.
ഗെയിം ചെയ്ഞ്ചർ, ഇന്ത്യൻ 2 എന്നീ സിനിമകൾക്ക് ശേഷം വേണം ഇനി ആ സിനിമ പരിഗണിക്കാൻ. ഇനി വേണം അതിൽ എന്താണ് മാറ്റം വരുത്തേണ്ടതെന്ന് ആലോചിക്കാനും. അത് അന്യൻ സിനിമയ്ക്കും മുകളിൽ നിൽക്കുന്ന ചിത്രമാകും എന്നാണ് ശങ്കർ പറയുന്നത്. അതേസമയം, തന്റെ ഹിറ്റ് സിനിമകളുടെ രണ്ടാം ഭാഗം ഒരുക്കാൻ താൽപര്യമില്ലെന്നും ശങ്കർ വ്യക്തമാക്കി.
അന്യൻ, ശിവാജി, നായക് എന്നീ സിനിമകളുടെ രണ്ടാം കാത്തിരുന്ന ഒരുപാട് പ്രേക്ഷകരുണ്ട്. പലരും ഇപ്പോഴും ഇതേ കുറിച്ച് ചോദിക്കാറുമുണ്ട്. ചിലപ്പോഴൊക്കെ എനിക്കും തോന്നും അങ്ങനെയൊരു തുടർഭാഗം ചെയ്യാമെന്ന്. എന്നാൽ വെറുതെ ഒരാവശ്യവുമില്ലാതെ രണ്ടാം ഭാഗം ചെയ്യരുതെന്നാണ് എനിക്കു പറയാനുള്ളത്.
ആ വിഷയം എന്നെ തൃപ്തിപ്പെടുത്തണം. അങ്ങനെ വന്നാൽ തീർച്ചയായും ഞാൻ രണ്ടാം ഭാഗം ചെയ്യും. ഇപ്പോൾ അങ്ങനെയൊരു കഥയും എന്റെ മനസിൽ വന്നിട്ടില്ല എന്നും ശങ്കർ പറയുന്നു. നിലവിൽ കമൽ ഹാസനെ നായകനാക്കി ഒരുക്കിയ ഇന്ത്യൻ 2 ആണ് ശങ്കറിന്റെതായി തിയേറ്ററിലെത്താൻ പോകുന്നത്. ജൂലൈ 12ന് ആണ് ചിത്രം റിലീസ് ചെയ്യുന്നത്.
പ്രേക്ഷകർ ഏറെ ആകാംക്ഷയോടെയാണ് ചിത്രത്തെ നോക്കി കാണുന്നത്. ഈ വർഷം അവസാനം ഇന്ത്യൻ 3 യും എത്തുമെന്നാണ് സൂചന. ഇന്ത്യൻ 2 വിൻറെ റിലീസ് വിവധ കാരണങ്ങളാൽ നീണ്ട് നീണ്ട് പോകുകയായിരുന്നു.
2020 ഫെബ്രുവരിയിൽ ചിത്രീകരണം ആരംഭിച്ച ശേഷം പലവിധ കാരണങ്ങളാൽ സിനിമയുടെ പ്രവർത്തനം നിർത്തിവേക്കേണ്ടി വന്നിരുന്നു.ഷൂട്ടിങ്ങിനിടെ ലൊക്കേഷനിൽ ഉണ്ടായ അപകടത്തിൽ 3 പേർ മരണപ്പെട്ടതും, കോവിഡ് നിയന്ത്രണങ്ങളും, സാമ്പത്തിക പ്രതിസന്ധിയും സിനിമയെ കാര്യമായി ബാധിച്ചിരുന്നു.
