മീൻ അവിയൽ വെച്ച് കൊടുത്തിട്ടായാലും രണ്ടാളേം കുപ്പീലാക്കണം… എന്റെ സുഹൃത്തുക്കളെ കുറിച്ച് ഒരു സന്തോഷ വാർത്ത പങ്കുവെക്കുവാനാണ് ഇന്നത്തെ എന്റെ പോസ്റ്റ്‌; ശാലിനി നായർ
അവതാരകയും നടിയും മോഡലുമായ ശാലിനി നായര്‍ ബിഗ് ബോസ്സിൽ മത്സരാർത്ഥിയായ എത്തിയതോടെയാണ് കൂടുതൽ ശ്രദ്ധ നേടിയത്. ഷോയിൽ നിന്ന് പുറത്ത് എത്തിയതിന് ശേഷം സോഷ്യൽ മീഡിയയിലും ശാലിനി സജീവമാണ്
ഇപ്പോഴിതാ ബിഗ് ബോസ്സിലെ മറ്റ് മത്സരാർത്ഥികളായ സുചിത്രയുടേയും കുട്ടി അഖിലിന്റെയും ജീവിതത്തിലെ പുതിയ സന്തോഷത്തെക്കുറിച്ച് പറഞ്ഞെത്തിയിരിക്കുകയാണ് താരം. അഖിലിന് പുതിയ സിനിമയില്‍ അവസരം ലഭിച്ചു. സുചിത്ര വലിയൊരു സര്‍പ്രൈസ് കാത്തുവെച്ചിട്ടുണ്ട്. അധികം വൈകാതെ തന്നെ അത് പറയുമെന്നുമായിരുന്നു താരം കുറിച്ചത്.
സർപ്രൈസ് പൊട്ടിക്കാതെ ഇത്രേം നാൾ ഞാൻ രഹസ്യമാക്കി വെച്ചു. മീൻഅവിയൽ വെച്ച് കൊടുത്തിട്ടായാലും രണ്ടാളേം കുപ്പീലാക്കണം. എന്റെ സുഹൃത്തുക്കളെ കുറിച്ച് ഒരു സന്തോഷ വാർത്ത പങ്കുവെക്കുവാനാണ് ഇന്നത്തെ എന്റെ പോസ്റ്റ്‌. ഞങ്ങൾ ഇപ്പഴത്തെ ഒരു സാഹചര്യം വെച്ച് കട്ട ഫ്രണ്ട്‌സ് ആണ് ട്ടാ. പക്ഷേ അതുകൊണ്ട് പറയണതല്ല. സുഹൃത്തുക്കൾ രണ്ട് പേരും രണ്ട് മികച്ച ചിത്രങ്ങളുടെ ഭാഗമായ സന്തോഷ വാർത്തയാണ് എനിക്ക് പ്രിയപ്പെട്ടവരോട് പറയാനുള്ളത്.
അഖി ഒരു സുപ്രധാന വേഷത്തിലെത്തുന്ന “കാക്കിപ്പs” എന്ന ചിത്രം നമ്മുടെ എല്ലാവരുടെയും ആശംസകളും പ്രാർത്ഥനകളും പോലെ തന്നെ വിജയത്തിലേക്ക് കുതിക്കുന്നു. സുചി നിങ്ങൾ പ്രതീക്ഷിക്കുന്നതിലും വലിയ ഒരു സർപ്രൈസ് നമ്മളോട് പറയാതെ മാറ്റിവെച്ചിരിക്കുകയാണ്. രസതന്ത്രം സിനിമയിലെ ഇന്നസെന്റ് ചേട്ടന്റെ അവസ്ഥയാണ് എനിക്ക്, ഇതൊന്ന് എല്ലാവരോടും വിളിച്ച് പറഞ്ഞ് ഈ രഹസ്യം സൂക്ഷിച്ചു വെക്കുമ്പോഴുള്ള വീർപ്പുമുട്ടൽ ഒന്ന് ഒഴിവാക്കാൻ പാട് പെടുകയാണ് ഞാൻ.
ആവോളം കാത്തില്ലേ, ഇനി വേവോളം കൂടി ഒന്ന് കാക്കാം അല്ലേ ഫ്രണ്ട്‌സ്? എന്തായാലും സുചിക്കും അഖിക്കും 2023 പൊളി വർഷം ആവുമെന്ന് എനിക്കുറപ്പായി. “സിനിമ ” ഈ പറഞ്ഞ പോലെ അത് സംഭവിക്കണത് നമ്മടെ നല്ല സമയത്താവണം. അങ്ങനെ ഒരു നാൾ നമുക്കും വരും. അഖി, പഞ്ചാര കൊറേ കലക്കി ചായ ഇട്ട് തന്നതാ ഞാൻ സ്മരണ വേണം ട്ടാ. സുചി. അപ്പൊ അങ്ങനെ ആവട്ടെ, രഹസ്യം ഇനിയും സൂക്ഷിച്ച് വെക്കാൻ എന്റെ കുഞ്ഞ് ഹൃദയത്തിന് ത്രാണി ഉണ്ടെന്നു തോന്നുന്നില്ല. അടുത്ത പോസ്റ്റിൽ ഞാൻ മിക്കവാറും അത് പൊട്ടിക്കും. അതുകൊണ്ട് ഇടക്കൊരു പ്രോൺസ് ബിരിയാണി ഉണ്ടാക്കി വെച്ച് വിളിച്ചാൽ നിനക്ക് കൊള്ളാം. ധൈര്യം കൈ ചോർന്നു പോവാതെ ഉറച്ച ആത്മവിശ്വാസത്തോടെ കാത്തിരുന്നതിന് കാലം നിങ്ങൾക്ക് തന്ന നല്ല സമയം.
ശാലിനിയുടെ പോസ്റ്റിന് താഴെയായി കമന്റുമായി അഖിലും സുചിത്രയും എത്തിയിരുന്നു. ശാലിനി നിനക്കും നല്ല വര്‍ഷം തന്നെ ആയിരിക്കും. നല്ല സുഹൃത്തുക്കള്‍ നന്നായാല്‍ എല്ലാവരും നന്നാകുമെന്നാണ്. നീ ഹാപ്പിയായിട്ടിരിക്ക് മഹാദേവനുണ്ട് കൂടെയെന്നായിരുന്നു സുചിത്ര കുറിച്ചത്. അഖിലും പോസ്റ്റിന് താഴെയായി സ്നേഹം അറിയിച്ചെത്തിയിരുന്നു. ഇവര്‍ കല്യാണം കഴിക്കാന്‍ പോവുകയാണോയെന്നായിരുന്നു ചിലരുടെ ചോദ്യം. സുചിത്ര കാത്തുവെച്ച സര്‍പ്രൈസ് എന്തായിരിക്കുമെന്നുള്ള ചോദ്യങ്ങളുമുണ്ട്.
