Malayalam
ഇപ്പോഴും പലനാടുകളില്‍ നിന്നും ഓരോ ജീവന്‍ രക്ഷിക്കാന്‍ വേണ്ടി സാമ്പത്തിക പ്രയാസം അനുഭവിക്കുന്നവര്‍ വിളിക്കുന്നു; കുറിപ്പുമായി സീമ ജി നായര്‍
ഇപ്പോഴും പലനാടുകളില്‍ നിന്നും ഓരോ ജീവന്‍ രക്ഷിക്കാന്‍ വേണ്ടി സാമ്പത്തിക പ്രയാസം അനുഭവിക്കുന്നവര്‍ വിളിക്കുന്നു; കുറിപ്പുമായി സീമ ജി നായര്‍
മലയാളികള്‍ക്ക് ഒരു മുഖവുരയുടെ ആവശ്യമില്ലാത്ത നടിയാണ് സീമ ജി നായര്‍. മിനിസ്‌ക്രീനിലും ബിഗ്‌സ്‌ക്രീനിലൂം തന്റേതായ കഴിവ് കൊണ്ട് തിളങ്ങി നില്‍ക്കുന്ന താരം സാമൂഹ്യ പ്രവര്‍ത്തനങ്ങളിലും മുന്‍പ്പന്തിയിലാണ്. നടി ശരണ്യ ശശിയിലൂടെയാണ് സീമ ജി നായരെ പ്രേക്ഷകര്‍ അടുത്തറിയുന്നത്. അഭിനയത്രി എന്ന നിലയില്‍ നിന്നും മുകളില്‍ ആയി മികച്ച സാമൂഹിക പ്രവര്‍ത്തക കൂടിയാണ് സീമ. ഇന്നും മലയാളത്തില്‍ ഒട്ടേറെ മികച്ച സഹനടി വേഷങ്ങള്‍ ചെയ്യുന്ന താരംകൂടിയാണ് സീമ ജി നായര്‍.
ഇപ്പോളിതാ ഒരുപാട് പേര് സഹായം തേടി വിളിക്കുന്നുണ്ടെന്നും ഞാന്‍ എന്ത് ചെയ്യും എന്നും സീമ ചോദിക്കുന്നു. പണമുള്ളവര്‍ എല്ലാം കെട്ടിപ്പൂട്ടി വെക്കുകയാണ്. ഇവിടുന്നു പോകുമ്പോള്‍ ഒന്നും കൊണ്ടുപോവാന്‍ പറ്റില്ലയെന്നറിയാം എങ്കിലും സമ്പാദിച്ചു കൂട്ടുകയാണെന്നും സീമ കുറിപ്പില്‍ പറയുന്നു.
സീമ ജി നായരുടെ വാക്കുകളിങ്ങനെ;
കുറെ കുറിപ്പുകള്‍ ബാക്കി നില്‍ക്കുന്നു ..ഒന്നും എഴുതാന്‍ പറ്റുന്നില്ല ..കഴിഞ്ഞ ദിവസം ഷഹീന്‍ അയച്ച കുഞ്ഞിന്റെ വീഡിയോ ഞാന്‍ പങ്ക് വെച്ചിരുന്നു ..അത് കഴിഞ്ഞു 100 രൂപ ചലഞ്ചുമായി വന്നു ..എന്നിട്ടും ചികിത്സക്കുള്ള പണം തികഞ്ഞിട്ടില്ല ..ഷഹീന്‍ എന്ന സാമൂഹിക പ്രവര്‍ത്തകന്‍ പനികൂടി ആശുപത്രി കിടക്കയില്‍ കിടക്കുമ്പോളും എന്നോട് പങ്കുവെച്ചആശങ്ക സ്വന്തം ആരോഗ്യത്തെ കുറിച്ചായിരുന്നില്ല ..മറിച്ചു ആ കുഞ്ഞിന്റെ ജീവന്‍ രെക്ഷിക്കുന്നതിനെ കുറിച്ചായിരുന്നു..
ഇപ്പോഴും പലനാടുകളില്‍ നിന്നും ഓരോ ജീവന്‍ രക്ഷിക്കാന്‍ വേണ്ടി സാമ്പത്തിക പ്രയാസം അനുഭവിക്കുന്നവര്‍ വിളിക്കുന്നു ..ഓരോ പോസ്റ്റുകളും വിഡിയോസും എന്റെ പേജില്‍ ഇടാന്‍ അഭ്യര്‍ത്ഥിക്കുന്നു ..ഞാന്‍ എന്ത് ചെയ്യും..പണമുള്ളവര്‍ എല്ലാം കെട്ടിപ്പൂട്ടി വെക്കുന്നു ..ഇവിടുന്നു പോകുമ്പോള്‍ ഒന്നും കൊണ്ടുപോവാന്‍ പറ്റില്ലയെന്നറിയാം എങ്കിലും സമ്പാദിച്ചു കൂട്ടുവാണ്..
വരും തലമുറയ്ക്ക് വേണ്ടി ..അവര്‍ സുഖിച്ചു ജീവിക്കാന്‍ വേണ്ടി ..അതൊക്കെ എന്തായി തീരുമെന്ന് കണ്ടറിയണം ..പണമില്ലാത്തവര്‍ ഇല്ലായ്മയെക്കുറിച്ചോര്‍ത്തു ദുഖിക്കുന്നു ..കൊടുക്കാന്‍ ആഗ്രഹം ഉണ്ടാവും ..പക്ഷെ അതിനുള്ള വഴി കണ്ടെത്താനാവാതെ വിഷമിക്കുന്നു ..ഇതിനിടയില്‍ ഉള്ളവന്റെയും ഇല്ലാത്തവന്റെയും മുന്നില്‍ ഗതികേടുകള്‍ കൊണ്ട്.
ആശുപത്രി ചെലവ് താങ്ങാന്‍ പറ്റാതെ കൈ നീട്ടുന്നു ..സത്യത്തില്‍ എന്ത് ചെയ്യണമെന്നറിയില്ല ..ഇതിനൊക്കെയാണ് ഗവണ്‍മെന്റ് സംവിധാനങ്ങള്‍ ഉണ്ടാവേണ്ടത് ..വാഗ്ദാനങ്ങള്‍ ഏറെ ഉണ്ടവുമെങ്കിലും ഇതൊക്കെ ഒന്ന് പ്രാവര്‍ത്തികമാക്കി കിട്ടാന്‍ ..അതൊക്കെ ഒന്ന് കാണാന്‍ നമ്മുടെ ഈ ജന്മത്തിനു കഴിയുമോ ..കൂണുകള്‍ മുളച്ചു പൊങ്ങുന്നതുപോലെ സൂപ്പര്‍ സ്‌പെഷ്യലിറ്റി ആശുപത്രികള്‍ ഇവിടെയുണ്ടാവുന്നു ..ഇപ്പോഴത്തെ കാലത്തു ഏറ്റവും ലാഭം കൂടിയ ബിസിനസ് ..സാധാരണക്കാരുടെ നടുവൊടിക്കാന്‍ കുറെ അസുഖങ്ങളും.
