News
സാമന്തയെ കണ്ടിട്ട് സങ്കടം തോന്നുന്നു, ഭംഗിയും തിളക്കവും എല്ലാം നഷ്ടപ്പെട്ടിരിക്കുന്നു; മറുപടിയുമായി സാമന്ത
സാമന്തയെ കണ്ടിട്ട് സങ്കടം തോന്നുന്നു, ഭംഗിയും തിളക്കവും എല്ലാം നഷ്ടപ്പെട്ടിരിക്കുന്നു; മറുപടിയുമായി സാമന്ത
സാമന്തയോട് സങ്കടം തോന്നുന്നെന്ന് ആരാധകന്‍. അവരുടെ ഭംഗിയും തിളക്കവും എല്ലാം നഷ്ടപ്പെട്ടിരിക്കുന്നു. വിവാഹമോചനത്തില്‍ നിന്ന്
നടി ശക്തമായി പുറത്തുകടന്നു. അവരുടെ പ്രൊഫഷണല്‍ ജീവിതത്തില്‍ ഉയരങ്ങള്‍ ഉണ്ടാകുന്നുണ്ടെങ്കിലും മയോസിറ്റിസ് എന്ന രോഗാവസ്ഥ അവരെ ദുര്‍ബലപ്പെടുത്തുന്നുവെന്ന് ആരാധകന്റെ കമന്റ്.
സാമന്തയും ദേവ് മോഹനും കേന്ദ്ര കഥാപാത്രങ്ങളാകുന്ന ശാകുന്തളം ചിത്രത്തിന്റെ ട്രെയിലര്‍ ലോഞ്ച് ചടങ്ങിന്റെ ചിത്രങ്ങള്‍ക്ക് താഴെയാണ് ആരാധകന്റെ കമന്റ്. എനിക്ക് സംഭവിച്ചത് പോലെ മാസങ്ങളോളം ചികിത്സയും മരുന്നും കഴിക്കാന്‍ നിങ്ങള്‍ക്ക് ഇടവെരാതിരിക്കട്ടെ എന്ന് സാമന്ത മറുപടി നല്‍കി. കഴിഞ്ഞ വര്‍ഷമാണ് നടിക്ക് മയോസിറ്റിസ് എന്ന രോഗാവസ്ഥ കണ്ടെത്തിയത്.
എന്നാല്‍ ഇന്നലെ പുറത്തുവന്ന ശാകുന്തളത്തിന്റെ ട്രെയിലര്‍ ഇവരെ നിരാശരാക്കിയിരിക്കുകയാണെന്നാണ് പ്രതികരണങ്ങള്‍ സൂചിപ്പിക്കുന്നത്. നിര്‍മ്മാണ നിലവാരം വളരെ താഴ്‌ന്നെന്നും കാര്‍ട്ടൂണ്‍ തരത്തിലുള്ള ഗ്രാഫിക്‌സുകളാണ് ഉപയോഗിച്ചിരിക്കുന്നതെന്നുമാണ് ഉയര്‍ന്നുവരുന്ന വിമര്‍ശനം.
ട്രെയിലറിലെ ഡയലോഗുകളും വേണ്ട നിലവാരം പുലര്‍ത്തിയില്ലെന്നാണ് ഇവരുടെ ആക്ഷേപം. ചിത്രത്തില്‍ ശകുന്തളയായുള്ള സാമന്തയുടെ ലുക്കിനെതിരെയും പരിഹാസമുയരുന്നുണ്ട്. ഗുണശേഖറാണ് ചിത്രം തിരക്കഥയെഴുതി സംവിധാനം ചെയ്യുന്നത്. വലിയ ബജറ്റിലാണ് ചിത്രം ഒരുങ്ങുന്നത്. അദിതി ബാലന്‍ അനസൂയായും മോഹന്‍ ബാബു ദുര്‍വാസാവ് മഹര്‍ഷിയായും എത്തുമെന്നാണ് റിപ്പോര്‍ട്ട്.
കൂടാതെ സച്ചിന്‍ ഖേദേക്കര്‍, കബീര്‍ ബേദി, മധുബാല, ഗൗതമി, അനന്യ നാഗല്ല, ജിഷു സെന്‍ഗുപ്ത എന്നിവരടങ്ങുന്ന വന്‍ താരനിരയും ചിത്രത്തിലുണ്ട്. ഐക്കണ്‍ സ്റ്റാര്‍ അല്ലു അര്‍ജുന്റെ മകള്‍ അല്ലു അര്‍ഹയും ചിത്രത്തില്‍ ഒരു പ്രധാന വേഷം ചെയ്യുന്നുണ്ട്.
മണി ശര്‍മയാണ് സംഗീത സംവിധാനം. ശേഖര്‍ വി ജോസഫ് ഛായാഗ്രഹണവും പ്രവീണ്‍ പുഡി എഡിറ്റിങ്ങും നിര്‍വഹിക്കുന്നു. ദില്‍ രാജു അവതരിപ്പിക്കുന്ന ചിത്രം ഗുണാ ടീം വര്‍ക്‌സിന്റെ ബാനറില്‍ നീലിമ ഗുണയാണ് നിര്‍മിക്കുന്നത്. തെലുങ്കിന് പുറമെ മലയാളം, തമിഴ്, കന്നഡ, ഹിന്ദി ഭാഷകളില്‍ ചിത്രം മൊഴിമാറിയെത്തും.
