46-ാം വയസ്സിൽ വീണ്ടും വിവാഹിതനായി സായി കിരൺ; വധു പ്രമുഖ സീരിയൽ നടി; ആ ചിത്രങ്ങൾ പുറത്ത്…..
By
ടെലിവിഷന് പ്രേക്ഷകരുടെ മനസിലിടം നേടിയ പരമ്പരയായിരുന്നു വാനമ്പാടി. പരമ്പര അവസാനിച്ചെങ്കിലും അതിലെ കഥാപാത്രങ്ങൾ ഇന്നും മലയാളികളുടെ മനസ്സിൽ മായാതെ നിൽക്കുകയാണ്. അതുപോലെ തന്നെയാണ് വാനമ്പാടി സീരിയലിലെ നടന് എന്ന നിലയിൽ ശ്രദ്ധേയനായ സായി കിരണ്.
2017ല് സംപ്രേഷണം തുടങ്ങിയ സീരിയലില് മോഹന്കുമാര് എന്ന നായക കഥാപാത്രത്തെയാണ് സായി അവതരിപ്പിച്ചത്. ഏഷ്യാനെറ്റില് തന്നെ സംപ്രേക്ഷണം ചെയ്തിരുന്ന മൗനരാഗം എന്ന സീരിയലിലും നടന് അഭിനയിച്ചു. ഇതോടെ മലയാളക്കരയില് വലിയ സ്വീകാര്യത നേടാന് താരത്തിന് സാധിച്ചു.
എന്നാൽ കുറച്ച് ദിവസങ്ങളായി സായിയെ ചുറ്റിപ്പറ്റിയുള്ള വിശേഷങ്ങളാണ് സോഷ്യൽമീഡിയ നിറയെ. ദിവസങ്ങൾക്ക് മുമ്പ് ഇന്സ്റ്റാഗ്രാമിലൂടെ സായി പങ്കുവെച്ച ചില ചിത്രങ്ങളിലൂടെയാണ് നടന് വീണ്ടും വിവാഹിതനാവാന് പോവുകയാണെന്ന വാര്ത്ത പുറംലോകം അറിയുന്നത്.
ഇപ്പോഴിതാ സായി കിരൺ വിവാഹിതനായി എന്നുള്ള വാർത്തയാണ് പുറത്തുവരുന്നത്. ഏറെ കാലത്തെ പ്രണയത്തിനൊടുവിൽ സീരിയൽ നടിയായ ശ്രാവന്തിയെയാണ് സായി കിരൺ താലിചാർത്തിയത്. ഇരുവരുടെയും വിവാഹ ചിത്രങ്ങളും വീഡിയോകളുമാണ് സോഷ്യൽ മീഡിയയിൽ വൈറലാകുന്നത്.
46-ാം വയസ്സിലാണ് സായി വീണ്ടും വിവാഹിതനാകുന്നത്. 36 വയസ്സുകാരിയാണ് ശ്രാവന്തി. 2010ലായിരുന്നു സായ് കിരണിന്റെ ആദ്യ വിവാഹം. ഏറെക്കാലമായി സായി ഒറ്റക്ക് ആയിരുന്നു. ഇപ്പോഴാണ് അദ്ദേഹം പുതുജീവിതത്തിലേക്ക് കടക്കുന്നത്. നിരവധി ആരാധകരാനാണ് വധുവിനും വരാനും ആശംസകൾ നേർന്ന് എത്തിയിരിക്കുന്നത്.
കൊയിലമ്മ സീരിയലിലൂടെയാണ് ശ്രാവന്തിയും സായിയും ഒരുമിച്ച് അഭിനയിച്ചത്. അന്നുമുതൽ തുടങ്ങിയ ഇരുവരുടെയും സൗഹൃദം ഒടുവിൽ വിവാഹത്തിലേക്ക് എത്തുകയായിരുന്നു. നീയും+ഞാനും = എന്നന്നേക്കും… എന്ന ക്യാപ്ഷനോടെയാണ് സായി വധു ശ്രാവന്തിയുമായിട്ടുള്ള നിശ്ചയത്തിന്റെ ചിത്രങ്ങള് സോഷ്യൽ മീഡിയയിൽ പോസ്റ്റ് ചെയ്തത്.
നിശ്ചയത്തിന്റെ ചിത്രങ്ങൾ പുറത്തുവിട്ടതിന് പിന്നാലെ താരങ്ങള്ക്ക് ആശംസകളുമായി പ്രിയപ്പെട്ടവരും സുഹൃത്തുക്കളും എത്തിയിരുന്നു. നടിമാരായ ചന്ദ്ര ലക്ഷ്മണ്, അമൃത നായര്, രക്ഷ, പ്രീതി ശര്മ, സുചിത്ര നായര് തുടങ്ങി നിരവധി പേരാണ് ആശംസകള് അറിയിച്ചിരുന്നത്.
മലയാളത്തിലെ സീരിയല് നടനായിട്ടാണ് അറിയപ്പെടുന്നതെങ്കിലും തെലുങ്ക് നാട്ടിലെ പ്രമുഖ താരപുത്രനാണ് സായി കിരണ്. പ്രശസ്ത ഗായകന് വി രാമകൃഷ്ണയുടെ മകനാണ് സായി. അദ്ദേഹത്തിന്റെ അമ്മ ജ്യോതി ഖന്നയും പാട്ടുകാരിയായിരുന്നു.
ഗായിക പി സുശീലയും സായിയുടെ അമ്മയുടെ അമ്മയും സഹോദരിമാരാണ്. ടെലിവിഷനില് സജീവമാകുന്നതിനു മുന്പ് സായി തെലുങ്ക് സിനിമയില് സജീവമായി അഭിനയിച്ചു കൊണ്ടിരിക്കുകയായിരുന്നു.
2000 ല് അഭിനയത്തിലെത്തിയ താരം ഇതിനകം നിരവധി സിനിമകളില് നായകനായും അല്ലാതെയും അഭിനയിച്ചിട്ടുണ്ട്. സംഗീതത്തിന് ഏറെ പ്രാധാന്യം നൽകുന്ന പരമ്പര ആയിരുന്നു വാനമ്പാടി . അന്തരിച്ച സീരിയൽ സംവിധായകൻ ആദിത്യൻ ആണ് മോഹൻ കുമാറായി സായിയെ കൊണ്ട് വരുന്നത്.
സായി കിരണിന്റേത് രണ്ടാം വിവാഹമാണിത്. നേരത്തെ വിവാഹിതനായിരുന്ന സായി കിരണ് ആദ്യ ഭാര്യയുമായി വേര്പിരിഞ്ഞിരുന്നു. സോഫ്റ്റ്വെയർ സ്പെഷലിസ്റ്റായ വൈഷ്ണവിയുമായി 2010 ലാണ് നടന് വിവാഹിതനാകുന്നത്.
ഈ വിവാഹം ടിവി ചാനലുകള് വലിയ ആഘോഷമാക്കി മാറ്റിയിരുന്നു. ഈ ബന്ധത്തില് നടന് അനൗഷ്ക എന്നൊരു മകളും ഉണ്ട്. പിന്നീട് താരങ്ങള് ബന്ധം വേര്പ്പെടുത്തുകയായിരുന്നു.
വൈഷ്ണവിക്ക് മുന്പ് നടന് വിവാഹിതനാവാന് ഒരുങ്ങിയിരുന്നെങ്കിലും ആ ബന്ധം നടക്കാതെ പോവുകയായിരുന്നു. നടിയും ആയിട്ടാണ് സായി കിരണ് വിവാഹം ഉറപ്പിച്ചതെങ്കിലും അവരുടെ ജാതകം ചേരാത്തതിനെ തുടര്ന്ന് വിവാഹം വേണ്ടെന്ന് വെക്കുകയായിരുന്നു.
അതേസമയം സംഗീത ലോകത്ത് നിന്നും അഭിനയമേഖലയിലേക്ക് എങ്ങനെ എത്തിയെന്ന് മുമ്പൊരു അഭിമുഖത്തിൽ സായി പറഞ്ഞ വാക്കുകളും ഇപ്പോൾ സോഷ്യൽ മീഡിയയിൽ വൈറലായി മാറുകയാണ്. മലയാളത്തിലേക്ക്, വാനമ്പാടിയിലേക്ക് എങ്ങനെ വന്നു എന്ന് ചോദിച്ചാൽ ആ ഭാഷയോട് പണ്ട് മുതൽക്കു തന്നെ എനിക്ക് നല്ല ബന്ധമാണ് ബഹുമാനമാണ്.
അത് സ്കൂൾ കാലം മുതൽ തുടങ്ങിയ ഒന്ന് തന്നെയാണ്. ഇപ്പോഴും അന്നൊരു മലയാളി പെൺകുട്ടിയോട് തോന്നിയ ഒരു ക്രഷ് എനിക്ക് മറക്കാൻ സാധിക്കില്ല. ഇതിൽ നിന്നെല്ലാം വ്യത്യസ്തമായ ഒരു കാര്യമുണ്ട്. തെലുങ്കിലെ വാനമ്പാടിയിൽ മോഹൻ കുമാറിനെ അവതരിപ്പിക്കുന്നത് ഞാൻ തന്നെയാണ്.
അത് കണ്ടിട്ടാണ് പ്രൊഡ്യൂസർ രഞ്ജിത്ത് സാറും സംവിധായകൻ ആദിത്യൻ സാറും എന്നെ ഇതിലേക്ക് അഭിനയിക്കാമോ എന്ന് ചോദിച്ചുകൊണ്ട് ക്ഷണിക്കുന്നത്. ഇത്രയും വലിയൊരു ടീമിന്റെ അതും രഞ്ജിത്ത് സാറിനെ പോലെയൊരാൾ പ്രൊഡ്യൂസ് ചെയ്യുന്ന ഒരു പ്രോജക്ടിന്റെ ഭാഗാമാവുക എന്ന് പറഞ്ഞാൽ അത് തന്നെ എന്റെ ഭാഗ്യം ആല്ലേ സായ് കിരൺ ചോദിക്കുന്നു.
ഒരിക്കലും ഇല്ല. മലയാളം എനിയ്ക്ക് വഴങ്ങുന്ന ഭാഷ തന്നെയാണ്. ഞാൻ പറഞ്ഞില്ലേ, സ്കൂൾ കാലഘട്ടം തൊട്ട് ഞാൻ കേട്ട് വളരുന്ന ഭാഷയാണ് മലയാളം. ലിപ് മൂവ് മെൻറ്സൊക്കെ എനിക്ക് നന്നായി ചെയ്യാൻ പറ്റുന്നുണ്ട്. ശരിയാണ്, മലയാളത്തിൽ ഇത് ആദ്യമായിട്ടാണ്.
എങ്കിലും ഒരിക്കലും അതൊരു വെല്ലുവിളി ആയി എനിയ്ക്ക് തോന്നിയിട്ടേ ഇല്ല. പിന്നെ എനിയ്ക്ക് മോഹൻ കുമാറായി ശബ്ദം തരുന്നത് ഷോബി തിലകനാണ്. അദ്ദേഹത്തിന് ഈ അവസരത്തിൽ ഒരു പ്രത്യേക നന്ദി അറിയിക്കാനുണ്ട്. അദ്ദേഹം തരുന്ന ഒരു സപ്പോർട്ടും എന്നെ പ്രേക്ഷകർ അംഗീകരിക്കാൻ സഹായിച്ചു എന്നും സായി പറഞ്ഞു.
