ഇനി നിങ്ങളുടെ ലളിതാമ്മയായി തുടരാനാവില്ല.. കാരണങ്ങൾ നിരത്താനും ആഗ്രഹിക്കുന്നില്ല ; പോസ്റ്റുമായി സബിറ്റ ജോർജ്
മിനിസ്ക്രീനില്‍ വലിയ സ്വീകാര്യതയുള്ള പരമ്പരകളിലൊന്നാണ് ചക്കപ്പഴം. ഹാസ്യരൂപത്തിൽ ഒരു കുടുംബത്തിലെ വിവിധ സംഭവവികാസങ്ങളുടെ കഥ പറഞ്ഞ പരമ്പര, വളരെ പെട്ടെന്നാണ് പ്രേക്ഷകരുടെ പ്രിയം നേടിയെടുത്തത്. പരമ്പരയ്ക്കൊപ്പം അതുവരെ പ്രേക്ഷകർ അധികമൊന്നും കണ്ടിട്ടില്ലാത്ത ചില താരങ്ങളും അവരുടെ മനസിലേക്ക് നടന്നടുത്തു.. എസ്പി ശ്രീകുമാർ, അവതാരക അശ്വതി ശ്രീകാന്ത് എന്നിവരാണ് സീരിയലിൽ മുഖ്യ കഥാപാത്രങ്ങളെ അവതരിപ്പിക്കുന്നത്. ഒരു കുടുംബത്തിലെ രസകരമായ സംഭവങ്ങൾ കോർത്തിണക്കിയാണ് സീരിയൽ അണിയിച്ചൊരുക്കിയിരിക്കുന്നത്. ആശയുടെ ഭർത്താവ് ഉത്തമനായിട്ടാണ് എസ്പി ശ്രീകുമാർ വേഷമിടുന്നത്. ഉത്തമന്റെ അമ്മ വേഷത്തിൽ ലളിത ആയി വേഷം ഇടുന്നത് സബിറ്റ ജോർജ് എന്ന നടി ആയിരുന്നു.
സബിറ്റയുടെ പുതിയ പോസ്റ്റാണ് ഇപ്പോൾ വൈറലായി മാറുന്നത്. താൻ ഇനി ലളിതാമ്മ ആയി എത്തില്ല എന്നാണ് സബിറ്റ പോസ്റ്റിലൂടെ പറയുന്നത്. തന്ന സ്നേഹത്തിനും , കരുതലിനും ഒരുപാട് നന്ദിയുണ്ട് . എന്നാൽ ഇനി നിങ്ങളുടെ ലളിതാമ്മയായി തുടരാനാവില്ല.. കാരണങ്ങൾ നിരത്താനും ആഗ്രഹിക്കുന്നില്ല- എന്നും സബിറ്റ പോസ്റ്റിലൂടെ പറയുന്നു.
ഒരു കാരണത്തിന്ന്റെ പേരിൽ ജോലി ചെയ്യൂ, കൈയ്യടിയ്ക്ക് വേണ്ടിയല്ലാതെ ഒരു കാര്യത്തിന് വേണ്ടി പ്രവർത്തിക്കൂ. മതിപ്പ് ഉളവാക്കാൻ വേണ്ടിയല്ല നമ്മൾ എന്താണെന്നു പ്രകടിപ്പിക്കാൻ വേണ്ടി ജീവിക്കുക. നിങ്ങളുടെ സാന്നിധ്യം അറിയിക്കാന് ശ്രമിക്കരുത്. പക്ഷേ നിങ്ങളുടെ അസാന്നിധ്യം തിരിച്ചറിയപ്പെടണം- എന്ന ക്യാപ്‌ഷൻറെ ഒരു ചിത്രവും സബിറ്റ പങ്കുവച്ചിട്ടുണ്ട്.
തന്ന സ്നേഹത്തിനും , കരുതലുനും ഒരുപാട് നന്ദിയുണ്ട് . എന്നാൽ ഇനി നിങ്ങളുടെ ലളിതാമ്മയായി തുടരാനാവില്ല.. കാരണങ്ങൾ നിരത്താനും ആഗ്രഹിക്കുന്നില്ല .ചില സമയം നിശബ്ദദത ആണ് ഏറ്റവും ശക്തം . തുടർന്നും എവിടെയെങ്കിലും ഒക്കെ വെച്ച് നമ്മൾ കണ്ടുമുട്ടും എന്നെനിക്കുറപ്പുണ്ട്.
എന്റെ അഭാവത്തിലും ചക്കപ്പഴം നിങ്ങളെ ചിരിപ്പിക്കുകയും , ചിന്തിപ്പിക്കുകയും ഒക്കെ ചെയ്യട്ടെ. . ചേർത്ത് നിർത്തുക. കഴിയുവോളം. ജീവിതത്തിൽ ഒരു ബ്രേക്ക് വേണമെന്ന് തോന്നിയപ്പോഴാണ് താൻ അമേരിക്കയിൽ നിന്നും നാട്ടിലേക്ക് എത്തിയത് എന്ന് മുൻപ് നടി പറഞ്ഞിട്ടുണ്ട്. ചെറുപ്പത്തിൽ ക്‌ളാസിക്കൽ മ്യൂസിക്കും ഡാൻസുമൊക്കെ പഠിച്ചതും അഭിനയിക്കാനുള്ള ആഗ്രഹവും ആണ് മിനി സ്‌ക്രീനിൽ എത്താൻ നിമിത്തം. ഇപ്പോൾ കൊച്ചി കാക്കനാട് ഒരു ഫ്ലാറ്റും താരം സ്വന്തമാക്കി.
അമേരിക്കയിൽ സ്ഥിര താമസമാക്കിയ ശേഷം ആണ് യു.എസ് റിയൽ എസ്റ്റേറ്റ് ലൈസൻസ് സബിറ്റ നേടിയെടുത്തത് . ആ മേഖലയിൽ കുറച്ചുകാലം ജോലി ചെയ്തു.10 വർഷം മുൻപ് ആണ് സബിറ്റ വിവാഹമോചിതയാകുന്നത്. ‘മക്കളുടെ എല്ലാ കാര്യങ്ങളും നോക്കി ഞാൻ ജീവിതത്തിൽ പുതിയ അർഥം കണ്ടെത്തി’ എന്ന് മുൻപൊരിക്കൽ സബിറ്റ പറഞ്ഞിരുന്നു . ‘ ‘എന്തായാലും അമേരിക്കയ്ക്ക് തിരിച്ചു പോകണം. മകൾ അവിടെ പഠിക്കുകയാണ്. പിന്നെ നല്ല ഓഫറുകൾ വന്നാൽ തിരിച്ചു വരണം, ചെയ്യണം. ഇതൊക്കെയാണ് പ്ലാൻ എന്നും സബിറ്റ പറഞ്ഞിരുന്നു.
