കറങ്ങാന്‍ പോവുന്നതൊക്കെ ഭയങ്കര കുറവായിരുന്നു; 15 ദിവസം ഷൂട്ടിന് പോയി ബാക്കി ദിവസങ്ങളിലാണ് കാര്യങ്ങളെല്ലാം സെറ്റ് ചെയ്തത്; റെയ്ജനും ഭാര്യ ശിൽപ്പയും!

ആത്മസഖി, തിങ്കള്‍ക്കലമാന്‍ തുടങ്ങിയ സീരിയലുകളിലൂടെ മലയാളികളുടെ പ്രിയങ്കരനായി മാറിയ താരമാണ് റെയ്ജന്‍ രാജന്‍. മിനിസ്‌ക്രീനിലെ പൃഥ്വിരാജെന്നാണ് ചിലര്‍ റെയ്ജനെ വിളിക്കുന്നത്. അടുത്തിടെയായിരുന്നു നടന്റെ വിവാഹം.

വിവാഹത്തിന് ശേഷം ഇൻസ്റ്റാഗ്രാമിൽ ഭാര്യയുമൊത്തുള്ള ചിത്രങ്ങൾ നിരന്തരം താരം പങ്കുവെക്കാറുണ്ട്. ഇപ്പോഴിതാ, വിവാഹത്തെ കുറിച്ചും പ്രണയത്തെ കുറിച്ചും പറയുകയാണ് താരം.

ഞങ്ങളുടേത് ലവ്വ് മാര്യേജാണ്. കോഴിക്കോടാണ് ഭാര്യയുടെ വീട്. ഞങ്ങളിപ്പോള്‍ കൊച്ചിയിലാണ്. ഞങ്ങള്‍ക്ക് കുറച്ച് കോമണ്‍ഫ്രണ്ട്‌സുണ്ടായിരുന്നു. ശില്‍പ്പ പഠിച്ചത് മുഴുവന്‍ തൃശ്ശൂരിലുള്ള ഫ്രണ്ട്‌സിനൊപ്പമാണ്. പിന്നെ ഒരു മീഡിയ പേഴ്‌സണ്‍ എന്ന നിലയിലുമായാണ് പരിചയത്തിലായത്. ആ പരിചയം സൗഹൃദമായി മാറി. അങ്ങനെയായാണ് പ്രണയത്തിലായത്.

ഞങ്ങള്‍ തമ്മിലൊരു അറേഞ്ച്ഡ് മാര്യേജ് പോലെയായിരുന്നു ഇത്. വീട്ടുകാര്‍ക്ക് അങ്ങനെയായിരുന്നില്ല. കുറേക്കാലം ഫ്രണ്ട്‌സായിരുന്നു, എന്നിട്ടാണ് പ്രണയത്തിലായത്. പ്രണയത്തിലായപ്പോഴും നമ്മള്‍ കുറേ സമയം നോക്കിയിരുന്നു. എന്നിട്ടാണ് വിവാഹത്തെക്കുറിച്ച് തീരുമാനിച്ചത്. ഒന്നരക്കൊല്ലത്തോളമെടുത്താണ് ഈ ബന്ധം വിവാഹത്തിലേക്കെത്തിയത്.

രണ്ടുപേര്‍ക്കും വീട്ടുകാരും കൂടെ വേണമെന്നുണ്ടായിരുന്നു. ഞങ്ങള്‍ തമ്മില്‍ എല്ലാം മനസിലാക്കി അറേഞ്ച് ചെയ്ത മാര്യേജാണ്. കല്യാണത്തിന് മുന്‍പ് നമ്മള്‍ മാത്രമുള്ള ലോകമായിരുന്നു. ഇപ്പോള്‍ രണ്ട് ഫാമിലിയും കൂടെയായി.

കല്യാണം കഴിഞ്ഞതിന് ശേഷം അങ്ങനെയുള്ള മാറ്റങ്ങളൊന്നുമുണ്ടായിരുന്നില്ല. റിലേഷന്‍ഷിലായിരുന്ന സമയത്ത് കറങ്ങാന്‍ പോവുന്നതൊക്കെ ഭയങ്കര കുറവായിരുന്നു. ഫോണിലായിരുന്നു അധികവും സംസാരിച്ചിരുന്നത്. കല്യാണം കഴിഞ്ഞു എന്നുള്ളത് ചില സമയത്ത് ഞങ്ങളോര്‍ക്കാറില്ല. കുടുംബം വലിയൊരു സര്‍ക്കിളായി എന്നുള്ളൊരു മാറ്റമേയുള്ളൂ.

ഞങ്ങളോട് കല്യാണം പറഞ്ഞില്ലെന്നൊക്കെ പറഞ്ഞ് ഒത്തിരിപ്പേര്‍ വിഷമം പറഞ്ഞിരുന്നു. ഒരു പുകയ്ക്കുള്ളില്‍ സംഭവിച്ചതാണ്, ഭയങ്കര സ്പീഡായിരുന്നു. ഒരുമാസം കൊണ്ടാണ് എല്ലാം സെറ്റായത്. അവിടെ വീട്ടില്‍ പോയി സംസാരിച്ചതും കാര്യങ്ങളൊക്കെ സെറ്റ് ചെയ്തതുമെല്ലാം പെട്ടെന്നായിരുന്നു. ഇങ്ങനെയൊരു കാര്യമായതിനാല്‍ എന്‍ഗേജ്‌മെന്റൊന്നുമില്ലായിരുന്നു. 15 ദിവസം ഷൂട്ടിന് പോയി ബാക്കി ദിവസങ്ങളിലാണ് ഞങ്ങള്‍ കാര്യങ്ങളെല്ലാം സെറ്റ് ചെയ്തത്. പെട്ടെന്ന് വിളിച്ച് കിട്ടിയവരോടൊക്കെ പറഞ്ഞിരുന്നു.

പെട്ടെന്നുള്ള സംഭവമായിപ്പോയത് കൊണ്ടാണ്. കാര്യങ്ങളെല്ലാം നടത്തിത്തന്നവരെയെല്ലാം റെയ്ജന്‍ മെന്‍ഷന്‍ ചെയ്തിരുന്നു. വിളിച്ചവരില്‍ ചിലര്‍ക്കൊക്കെ വരാനായിരുന്നില്ല. കേക്കും അറേഞ്ച്‌മെന്‍സും ഫുഡുമൊക്കെ എല്ലാവര്‍ക്കും ഇഷ്ടമായിരുന്നു. ഡ്രസിന് മാച്ച് ചെയ്യുന്ന കേക്കായിരുന്നു പറഞ്ഞത്. നേരത്തെ ഈ വീഡിയോ ചെയ്യണമെന്നൊക്കെ കരുതിയതാണ്. ഷൂട്ടൊക്കെയായി സമയം കിട്ടുന്നുണ്ടായിരുന്നില്ല. തിരുവനന്തപുരം കോഴിക്കോട് റൈഡിലാണ് ഇപ്പോഴെന്നുമായിരുന്നു റെയ്ജന്‍ പറഞ്ഞത്.

about reyjan