എന്നോടുള്ള സ്നേഹം കൊണ്ടല്ലേ നിങ്ങള്‍ വരുന്നത്, അതുകൊണ്ട് ഒരു കാരണവശാലും അത് നിരസിക്കാന്‍ പാടില്ല; പ്രിയങ്ക അനൂപ്
മലയാളികൾക്ക് ഏറെ പരിചിതയാ നടിയാണ് പ്രിയങ്ക അനൂപ്.അഭിനയിക്കാത്ത സിനിമകള്‍ക്ക് വരെ പ്രമോഷന് പോയിട്ടുണ്ട് താന്‍ എന്ന്പ്രിയങ്ക പറയുന്നു. ബട്ടര്‍ഫ്‌ളൈ എന്റര്‍ടൈന്‍മെന്‍സിന് നല്‍കിയ അഭിമുഖത്തിനിടയിലായിരുന്നു പ്രിയങ്ക വിശേഷങ്ങള്‍ പങ്കുവെച്ചത്.ഇപ്പോള്‍ വരുന്നതെല്ലാം ന്യൂജനറേഷന്‍ സിനിമകളല്ലേ. പുതിയ ആള്‍ക്കാരും ഒരു നായികയുമൊക്കെയാണ്. അമ്മ, പെങ്ങള്‍, അങ്ങനെയൊക്കെയുള്ള ക്യാരക്ടര്‍ കുറവാണ്.
സൈഡായിട്ടും സഹനടിയായിട്ടും തുടരുന്ന ഞങ്ങളെയാണ് അത് ബാധിച്ചിരിക്കുന്നത്. ഒരു പടത്തില്‍ ഒരു സീനില്‍ അഭിനയിച്ചാലും ഞങ്ങള്‍ക്ക് വിഷയമൊന്നുമില്ല. അതൊന്നും നമ്മളെ ബാധിക്കില്ല. നായികയായി അഭിനയിക്കുന്നവരെയാണ് അത് ബാധിക്കുന്നത്. ഇപ്പോഴത്തെ സിനിമ വെച്ച് നോക്കുകയാണെങ്കില്‍ എന്റെ കഴിവ് പുറത്തെടുക്കാനും മാത്രമുള്ള ക്യാരക്ടറുകളൊന്നും എനിക്ക് ലഭിച്ചിട്ടില്ല. ഒരു പടത്തില്‍ ഞാന്‍ ഇതേക്കുറിച്ച് പറയുന്നുണ്ട്.
ഒരു ഡയറക്ടറും സ്‌ക്രിപ്റ്റ് റൈറ്റും വിചാരിച്ചാല്‍ നമ്മളെ നല്ലൊരു നടിയെന്ന് പറയാന്‍ പറ്റും. ഒരുപാട് ഉദാഹരണങ്ങളുണ്ട്. ഇന്ദ്രന്‍സേട്ടന്‍, സുരാജേട്ടന്‍, സലീമേട്ടന്‍ അങ്ങനെ കുറേ ഉദാഹരണങ്ങളുണ്ട്. ഇവരൊക്കെ കോമഡി മാത്രം ചെയ്തിരുന്നവരായിരുന്നു. ഇവരൊക്കെ ക്യാരക്ടേഴ്‌സ് ചെയ്ഞ്ച് ചെയ്ത് കാണിച്ചവരാണ്. ഓരോ വര്‍ഷം പോവുന്തോറും നല്ല സമയങ്ങളാണ് പോയിക്കൊണ്ടിരിക്കുന്നത്. എനിക്ക് വയസായി എന്നല്ല ഞാന്‍ പറയുന്നത്, എനിക്കത്ര ഏജ് എന്ന് പറയില്ല.
വയസ് മനസിനാണെന്ന് വിശ്വസിക്കുന്നയാളാണ് ഞാന്‍.
സിനിമാ ഫീല്‍ഡില്‍ വരുമെന്ന് ഞാനൊരിക്കലും കരുതിയതല്ല. ഡാന്‍സായിട്ടോ നാടകമായിട്ടോ ഒന്നും ചെയ്യാത്തയാളാണ് ഞാന്‍. ആ പ്രിയങ്ക ചേച്ചിയല്ലേ എന്ന് ചോദിക്കുമ്പോള്‍ എനിക്ക് നല്ല സന്തോഷമാണ്. ഒരുപാട് പ്രശ്‌നങ്ങളൊക്കെ നേരിട്ടാണ് ഞാന്‍ മുന്നോട്ട് പോയിക്കൊണ്ടിരിക്കുന്നത്. വളരെയധികം സന്തോഷത്തോടെയാണ് ഞാന്‍ മുന്നോട്ട് പോവുന്നത്. നമ്മളൊരിക്കലും ഫീല്‍ഡില്‍ നിന്നും പോയിട്ടില്ല.
നിങ്ങളൊരു സെല്‍ഫി എടുക്കാന്‍ ചോദിക്കുമ്പോള്‍ എനിക്ക് സന്തോഷമാണ്. എന്നോടുള്ള സ്നേഹം കൊണ്ടല്ലേ നിങ്ങള്‍ വരുന്നത്. അതുകൊണ്ട് ഒരു കാരണവശാലും അത് നിരസിക്കാന്‍ പാടില്ല. എനിക്കെല്ലാവരോടും സ്‌നേഹമുണ്ടാവും. അതെന്നും ഉണ്ടാവുമെന്നുമായിരുന്നു പ്രിയങ്ക അനൂപ് പറഞ്ഞത്.
