Malayalam
ആടുജീവിതം; ഷൂട്ടിംഗ് ജോര്ദാനില് പുനഃരാരംഭിച്ചു
ആടുജീവിതം; ഷൂട്ടിംഗ് ജോര്ദാനില് പുനഃരാരംഭിച്ചു
ആടുജീവിതത്തിന്റെ ചിത്രീകരണം ജോര്ദാനില് പുനഃരാരംഭിച്ചു. കൊറോണ പ്രതിസന്ധിയെ തുടര്ന്ന് ഷൂട്ടിംഗ് താൽക്കാലികമായി നിർത്തിവെച്ചിരുന്നു . എന്നാൽ ഇപ്പോൾ ഷൂട്ടിങ് പുനഃരാരംഭിച്ചുവെന്നുള്ള റിപ്പോർട്ടുകളാണ് പുറത്തുവരുന്നത്
ആട് ജീവിതം സിനിമയുടെ ഷൂട്ടിംഗിനായി കഴിഞ്ഞമാസമാണ് സംഘം ജോര്ദാനിലെത്തിയത്. നടന് പൃഥ്വിരാജും സംവിധായകന് ബ്ലെസിയുമടക്കം 58 പേരാണ് ജോര്ദാനിലുള്ളത്.
കരിയറിലെ തന്നെ ഏറ്റവും മികച്ച ചിത്രങ്ങളില് ഒന്നായിത്തീരാവുന്ന ആടുജീവിതത്തിനായുളള പൃഥ്വിയുടെ തയ്യാറെടുപ്പുകള് ചര്ച്ചയായിരുന്നു. ചിത്രത്തിലെ നജീബിനായി തടി കുറച്ച് താടിയും മുടിയും നീട്ടി വളര്ത്തിയുള്ള പൃഥ്വിയുടെ ലുക്ക് ആരാധകര് ഏറ്റെടുത്തിരുന്നു. അമല പോളാണ് ചിത്രത്തില് നായികയായെത്തുന്നത്.
പൃഥ്വിരാജ് നായകനാകുന്ന ചിത്രം സംവിധാനം ചെയ്യുന്നത് ബ്ലെസിയാണ്. ബെന്യാമിന് രചിച്ച ‘ആട് ജീവതം’ എന്ന നോവലിന് സിനിമാ ഭാഷ്യം ഒരുക്കുകയാണ് ബ്ലെസ്സി. കെ.ജി.എ ഫിലിംസിന്റെ ബാനറില് കെ.ജി അബ്രഹാമാണ് ചിത്രം നിര്മ്മിക്കുന്നത്.
prithiraj
