ഒടിയൻ രണ്ടാംദിവസം പ്രേക്ഷകരുടെ കാഴ്ചപാട് മാറിയപ്പോൾ … അണിയറപ്രവർത്തകർ മനസിലാക്കേണ്ട ചില കാര്യങ്ങൾ .. വായിക്കാം

ഇത്തരത്തിലുള്ള ഡൈഹാർഡ് ഫാൻസായിരുന്നില്ല 80 കളിലും 90 കളിലും ലാലേട്ടനും മമ്മൂക്കക്കും ഉണ്ടായിരുന്നത്. അത് കൊണ്ട് തന്നെയാണ് അവരുടെ ഏറ്റവും മികച്ച ചിത്രങ്ങൾ ആ കാലയളവിൽ വന്നത്. സ്ഫടികം, ധ്രുവം, വടക്കൻ വീരഗാഥ, പോലൊരു സിനിമ ഇന്ന് ഇറങ്ങിയാൽ ഒരിക്കലും മാസ്സിനുപരി അതിനൊരു ക്ലാസ് പരിവേശം കൊടുക്കാൻ സംവിധായകൻ തയ്യാറാകില്ല.

മലയാള സിനിമയുടെ നിലവാരം ഇല്ലാതാക്കുകയാണ് ഈ ഫാൻസുകാർ ശ്രമിക്കുന്നത്. അത് കൊണ്ട് തന്നെയാണ് ഇവിടെ ഇ. മ.യൗ പോലുള്ള സിനിമകൾ പരാജയപ്പെടുന്നതും പോക്കിരി രാജ,പുലിമുരികൻ ,മാസ്റ്റർപീസ്, രാജാധിരാജ, പെരുച്ചാഴി പോലുള്ള സിനിമകൾ വിജയിക്കുന്നതും. തമിഴ്, കന്നട സിനിമകൾ അവരുടെ യുഗപുരുഷന്മാരായ MGRനെയും YSRനെയും വെള്ളിത്തിരയിൽ അവതരിപ്പിക്കാൻ മമ്മുക്കയേയും ലാലേട്ടനേയും തിരഞ്ഞെടുത്തത് മലയാള സിനിമയുടെ നിലവാരം കണ്ടിട്ടല്ല. അവരുടെ അഭിനയ പാടവം കണ്ടിട്ടു തന്നെയാണ് എന്നോർക്കണം. ഇനിയെങ്കിലും അവരെ സ്വതന്ത്രരാക്കാൻ ഫാൻസുകാർ തയ്യാറാകണം.

ഏതെങ്കിലും ഒരു നടനെ അല്ല ആരാധിക്കേണ്ടത്. കലയെയാണ്,സിനിമയെയാണ് എന്ന് തിരിച്ചറിയുന്ന ഒരു സമൂഹം എന്ന് ഉണ്ടാകുന്നോ അന്നേ സിനിമ നിലവാരമുള്ളതായി മാറുകയുള്ളൂ.

Sahil A

ഒടിയൻ കണ്ടു വന്നേ ഉള്ളൂ, ആർക്കാണ് ഈ പടത്തിനോട് ഇത്രക്ക് ദേഷ്യം എന്നറിയില്ല, കാലത്തു മുതൽ കാണുന്ന ഡിഗ്രേഡ് അഭിപ്രായങ്ങൾ കണ്ടു മനസ്സ് മടുത്താണ് വർഷങ്ങളായി കാത്തിരുന്ന പടത്തിന് പോയത്. അമ്മയെയും പെങ്ങളെയും കൂട്ടി ധൈര്യമായി തീയറ്ററിൽ പോയി കാണാവുന്ന ഒരു നല്ല സിനിമ. അതിനപ്പുറം ഒന്നും പറയാനില്ല. ബാഹുബലിയെ വരെ താരതമ്യപ്പെടുത്തിയിട്ടുള്ള ഡയറക്ടറിന്റെ സ്വന്തം അഭിപ്രായം വിശ്വസിച്ചു പോയവർ ആണ് വിഡ്ഢികൾ. ആരെങ്കിലും സ്വന്തം കുട്ടി മോശമാണെന്നു പറയുമോ?
ഗർഭിണികളുടെ വയറു കുത്തി തുറന്നു ഭ്രൂണമെടുതത് മഷി ഉണ്ടാക്കി ഇഷ്ടപ്പെട്ട രൂപത്തിലേക്ക് മാറാൻ കഴിയുന്ന ഒരു അമാനുഷികനല്ല ഒടിയൻ, ഒരുപാടു കഷ്ടപ്പെട്ട് പരിശീലിച്ചെടുക്കുന്ന കഴിവും രാത്രിയുടെ മറവും ഉപയോഗിച്ച് കൂലിത്തല്ലുകാരുടെ ജോലി ചെയ്തു പോന്നിരുന്ന ഒരു സാധാ മനുഷ്യൻ മാത്രമാണവൻ എന്ന് സ്ഥാപിക്കാൻ സംവിധായകനു കഴിഞ്ഞു. കഥയിൽ പുതുമ ഒന്നും അവകാശപ്പെടാനില്ല, ചന്ദ്രോത്സവം ഏറെ സ്നേഹിക്കുന്നവർക്ക് ചിലപ്പോൾ അത് താൻ അല്ലയോ ഇത് എന്ന് തോന്നുന്നത് സ്വാഭാവികം, പക്ഷെ മോഹൻലാൽ എന്ന പ്രതിഭയുടെ ഒടിവിദ്യ ഒന്ന് മതി കാണുന്നവന് കയ്യടിക്കാനും, കണ്ണ് നിറക്കാനും…
മഞ്ജു വാരിയരുടെ പ്രകടനം ഒരുപാടു വിമർശിച്ചു കണ്ടു. അവരോടും ശ്രീകുമാർ എന്ന സംവിധായകനോടും ആർക്കാണ് ഇത്ര വൈരാഗ്യം എന്നറിയുന്നില്ല. ‘മാണിക്യന് കഞ്ഞി എടുക്കട്ടെ ‘ എന്ന അവരുടെ വാചകം പോലും ഇവിടെ പരിഹസിക്കുന്നത് കണ്ടു, പടം കണ്ടവർ തന്നെയാണോ അത് ചെയ്യുന്നത് എന്നറിയില്ല, ആ ചോദ്യം ആ സന്ദർഭത്തിൽ അനിവാര്യമാണ് എന്ന് സിനിമ കാണാൻ പോയവർക്ക് അറിയാം, ഡീഗ്രേഡ്, വ്യക്തിഹത്യ എന്നീ ഉദ്ദേശത്തോടെ പോയവർക്ക്‌ തോന്നാൻ സാധ്യത ഇല്ല.
നല്ല പാട്ടുകൾ, നല്ല കഥ, നല്ല ക്ലൈമാക്സ്‌, നല്ല പശ്ചാത്തലം ഇതൊക്ക പോരെ ഒരു നല്ല സിനിമക്ക്?? Item song ഇല്ല, ദ്വയാർത്ഥ തമാശകൾ ഇല്ല ഗ്രാഫിക്സിന്റെ അധിക കുത്തിതിരുകൽ ഇല്ല, കുടുംബമായി പോയി കാണുമ്പോൾ കൊണ്ട് പോയ ആൾക്ക് ഒരു രംഗത്തിലും മൊബൈൽ എടുത്തു ചുമ്മാ നോക്കേണ്ടി വരില്ല. ( ഒരു സാധാ സിനിമ ആസ്വാദകന്റെ അഭിപ്രായമാണ്, കീറി മുറിച്ചു നോക്കുന്നവർക്ക് പറയാൻ കുറവുകൾ ഒരുപാടു കാണും. പഴയ കാലം കാണിച്ചപ്പോൾ നായികയുടെ വീടിന്റെ ഓടിന്റെ മേലെ PVC പൈപ്പ് കണ്ടു എന്നൊക്കെ.. )
സഭ്യമായ ഒരു സംവാദം ആഗ്രഹിക്കുന്നവർ മാത്രം കമന്റ്‌ ചെയ്യുക

Sreejith Radhakrishnan