പകയുടെ പെട്രോൾ ചൂടേൽക്കാത്ത പ്രണയോർമ്മയുള്ളവരാണോ നിങ്ങൾ ? എങ്കിൽ ശുഭരാത്രിക്ക് ടിക്കറ്റെടുക്കാം ..ഒരിക്കൽ കൂടി ആ ഓർമകളിലേക്ക് ഊളിയിടാം !

സിനിമകളിൽ പല തരം പ്രണയങ്ങൾ കണ്ടിട്ടുണ്ട് . മാത്രമല്ല ഇന്ന് മലയാളികളുടെ മുന്നിൽ അരങ്ങേറുന്നതും പ്രണയവുമായി ബന്ധപ്പെട്ട വളരെ നിർണായകമായ സംഭവങ്ങളുമാണ്. കാമുകൻ പ്രണയ നൈരാശ്യത്തിന്റെ പേരിൽ കാമുകിയെ ചുട്ടു കൊല്ലുന്നു , കുത്തികൊല്ലുന്നു , ആസിഡ് ഒഴിക്കുന്നു.

ഇന്നത്തെ സമൂഹത്തിൽ അക്രമവാസന കൂടുതലുള്ള മനുഷ്യരാണ് കൂടുതൽ.അവരെ മനുഷ്യർ എന്ന് വിശേഷിപ്പിക്കാൻ സാധിക്കുമോ എന്നത് സംശയമാണ്. പക്ഷെ എങ്കിലും പ്രണയത്തെ വളരെ പരിശുദ്ധിയോടെ , അതിനെ സ്നേഹമാണ് എന്നും നിരസിക്കലിനെ നിരസിക്കലായും മാത്രം കാണുന്ന ഒരു സമൂഹം അന്നും ഇന്നും ഉണ്ട്.

നഷ്ടപ്രണയത്തിന്റെ വേദനയിൽ ആരോടും മനസ് പോലും തുറക്കാതെ ജീവിക്കുന്നവരും ഉണ്ട് . സമൂഹത്തിൽ നടമാടുന്ന നികൃഷ്ട സ്വഭാവങ്ങൾക്കിടയിൽ നിഷ്കളങ്കവും പരിശുദ്ധവുമായ പ്രണയം നഷ്ടമായോ എന്ന് സംശയിക്കുന്നവർക്ക് ഒരു മറുപടിയാണ് ശുഭരാത്രി .

കൗമാരത്തിൽ മനസിൽ ചേക്കേറിയ പ്രണയം പലപ്പോളും നൊമ്ബരമാകാറാണ് പതിവ് . ആ പ്രണയം പക്ഷെ മനസിൽ ഉണ്ടാകും. ഒരിക്കൽ നഷ്‌ടമായ പ്രണയത്തെ മനസിൽ മധുരത്തോടെ കൊണ്ട് നടക്കുന്നവർ ഉണ്ട് . ആ പഴയ കാമുകിയെ , കാമുകനെ കണ്ടുമുട്ടേണ്ടി വരുമ്പോളുള്ള അവസ്ഥയെ കുറിച്ച് ചിന്തിച്ചിട്ടുണ്ടോ ?

ഉണ്ടെങ്കിൽ നിങ്ങൾക്ക് ആ അനുഭവങ്ങൾ പകർന്നു നൽകുന്ന ഒരു മികച്ച ദൃശ്യാവിഷ്കാരമാണ് ശുഭരാത്രി . ധൈര്യമായി ടിക്കറ്റെടുക്കാം ഈ വ്യാസൻ കെ പി ചിത്രത്തിനായി. പ്രണയനുഭവങ്ങളുടെ നൊസ്റാൾജിയയിലൂടെ സഞ്ചരിക്കാം ശുഭരാത്രിയിലൂടെ..

nostalgic feel of love in shubharathri movie