News
‘ഒരു പൂവ് ചോദിച്ചു, ഒരു പൂക്കാലം നല്കി’; കുട്ടി ആരാധകന് കൈനിറയെ ക്രിസ്തുമസ് സമ്മാനങ്ങളുമായി അല്ലു അര്ജുന്
‘ഒരു പൂവ് ചോദിച്ചു, ഒരു പൂക്കാലം നല്കി’; കുട്ടി ആരാധകന് കൈനിറയെ ക്രിസ്തുമസ് സമ്മാനങ്ങളുമായി അല്ലു അര്ജുന്
നിരവധി ആരാധകരുള്ള തെന്നിന്ത്യന് താരമാണ് അല്ലു അര്ജുന്. പ്രായഭേദമന്യേ ആരാധകരുള്ള താരം, ക്രിസ്തുമസ് ദിനത്തില് തന്റെ കുട്ടി ആരാധകന് നല്കിയ സമ്മാനമാണ് സോഷ്യല് മീഡിയയിലെ ഇപ്പോഴത്തെ ചര്ച്ചാ വിഷയം. അല്ലുവിന്റെ ഒരു ഓട്ടോഗ്രാഫ് ചോദിച്ച സമീര് എന്ന കുട്ടിയ്ക്കാണ് അല്ലു ഓട്ടോഗ്രാഫും കൈനിറയെ സമ്മാനങ്ങളും നല്കിയത്.
ഹൈദരാബാദിലെ അനാഥാലയത്തില് കഴിയുന്ന കുട്ടികള്ക്കായി ഒരു സീക്രട്ട് സാന്റാ വീഡിയോ നടി വിഥിക ഷേരു ഒരുക്കിയിരുന്നു. ഈ വീഡിയോയില് സമീറിനോട് ക്രിസ്മസ് സമ്മാനമായി എന്ത് വേണമെന്ന് വിഥിക ചോദിക്കുമ്പോള് അല്ലു അര്ജുന്റെ ഓട്ടോഗ്രാഫ് ക്രിസ്മസ് സമ്മാനമായി ലഭിക്കണമെന്നായിരുന്നു സമീര് ആഗ്രഹം പ്രകടിപ്പിച്ചത്. ശേഷം വിഥിക ട്വിറ്റിലൂടെ സമീറിന്റെ ആഗ്രഹം അല്ലു അര്ജുനെ അറിയിക്കുകയും ചെയ്തു.
തുടര്ന്നാണ് അല്ലു സമീറിനും കൂട്ടുകാര്ക്കും ക്രിസ്മസ് സമ്മാനങ്ങള് എത്തിച്ചത്. സമീറിന് നല്കാനായി ഓട്ടോഗ്രാഫും മകന് അല്ലു അയാന്റെ കയ്യിലേല്പ്പിച്ചിരുന്നു. അനാഥാലയത്തിലെ കുട്ടികളുമായി ഏറെ നേരം ചെലവഴിച്ച് കുട്ടികള്ക്ക് ക്രിസ്മസ് സമ്മാനവും നല്കിയ ശേഷമാണ് അയാന് മടങ്ങിയത്.