റേഞ്ച് റോവർ സ്വന്തമാക്കി മാമാങ്കം നിർമ്മാതാവ് വേണു കുന്നപ്പിള്ളി

റേഞ്ച് റോവർ സ്വന്തമാക്കി മാമാങ്കം നിർമ്മാതാവ് വേണു കുന്നപ്പിള്ളി. റേഞ്ച് റോവർ ലോങ് വീൽ ബെയ്സാണ് വേണു കുന്നപ്പിള്ളി സ്വന്തമാക്കിയത്. ഏകദേശം 2.66 കോടി രൂപയാണ് ഇതിന്റെ എക്സ്ഷോറൂം വില. 3 ലീറ്റർ ഡീസൽ എൻജിൻ, 258 ബിഎച്ച്പി കരുത്തും 700 എൻഎം ടോർക്കുമുണ്ട് ഈ ലോങ് വീൽ ബെയ്സാ. നൂറ് കിലോമീറ്റർ വേഗം കൈവരിക്കാൻ 6.3 സെക്കൻഡ് മാത്രമാണ് വാഹനത്തിന് വേണ്ടത്. എസ്‍യുവിയുടെ ഉയർന്ന വേഗം 234 കിലോമീറ്ററാണ്.

സമീപകാലത്ത് മലയാള സിനിമ താരങ്ങളിലെ താരം റേ‍ഞ്ച് റോവർ ആണ്. നിർമാതാവ് ലിസ്റ്റിൻ സ്റ്റീഫനും ടൊവിനോയും റേഞ്ച് റോവർ വാങ്ങിയതിന്റെ വാർത്തകൾ സമൂഹമാധ്യമങ്ങളിൽ
അടുത്തിടെ ഇടംപിടിച്ചിരുന്നു.

രണ്ട് ദിവസം മുൻപാണ് റേഞ്ച് റോവർ സ്വന്തമാക്കിയ വിവരം ലിസ്റ്റിൽ ആരാധകരെ അറിയിച്ചത്. “ഈ 2022ൽ വിജയങ്ങളും സന്തോഷങ്ങളും നിറഞ്ഞതായിരുന്നു…അക്കൂട്ടത്തിലേക്ക് ഈ ഡിസംബർ മാസത്തിൽ മറ്റൊരു സന്തോഷം കൂടി .. ഇനി എന്നോടൊപ്പമുള്ള യാത്രയിൽ ഒരു പുതിയ അതിഥി കൂടി എത്തിയിരിക്കുന്നു…കൂടെ നിന്ന പ്രേക്ഷകർക്കും സപ്പോർട്ട് ചെയ്തവർക്കും ഒരുപാട് നന്ദി”, എന്നായിരുന്നു സന്തോഷം പങ്കിട്ട് കൊണ്ടുള്ള ലിസ്റ്റിന്റെ വാക്കുകൾ. ഒപ്പം നടന്‍ പൃഥ്വിരാജിനും ലിസ്റ്റിന്‍ നന്ദി അറിയിച്ചിരുന്നു.