റോബിനെ പ്രണയിക്കുന്നുണ്ടോ? ദിൽഷയുടെ മറുപടി ഞെട്ടിച്ചു..വീട്ടിലും എല്ലാവരും എന്റെ തീരുമാനത്തിനൊപ്പമാണെന്ന് ദിൽഷ പ്രേക്ഷകർ കാത്തിരുന്ന ഉത്തരം

ബിഗ് ബോസ്സ് മലയാളത്തിൻറെ ചരിത്രത്തിൽ ആദ്യമായിട്ടാണ് ടൈറ്റിൽ വിന്നർ ഒരു പെൺകുട്ടി സ്വന്തമാക്കിയത്. തെലുങ്കിൽ ബിന്ദു മാധവി വിജയിയായപ്പോൾ മുതൽ എല്ലാവരും ചർച്ച ചെയ്തൊരു കാര്യമായിരുന്നു ബിഗ് ബോസ് മലയാളത്തിൽ ഒരു സ്ത്രീ വിജയിയാകുമോ എന്നത്. ടോപ്പ് 2വിൽ പേർളി മാണി വരെ എത്തിയിരുന്നുവെങ്കിലും ടൈറ്റിൽ വിജയിക്കാൻ സാധിച്ചിരുന്നില്ല. ഒടുവിൽ കോഴിക്കോട്ടുകാരിയായ ദിൽഷയാണ് അത് സ്വന്തമാക്കിയത്.

ഷോയുടെ ചരിത്രത്തില്‍ തന്നെ ആദ്യമായാണ് ഒരു സ്ത്രീ വിജയകിരീടം ചൂടുന്നത്. ഇതില്‍ ഏറെ അഭിമാനിക്കുമ്പോഴും തന്റെ വിജയം മറ്റുള്ള പല മത്സരാര്‍ത്ഥികള്‍ക്കും ബുദ്ധിമുട്ട് ഉണ്ടാക്കിയിട്ടുണ്ടെന്നാണ് ദില്‍ഷ പ്രസന്നന്‍ പറയുന്നത്. എല്ലാവരും ബിഗ് ബോസില്‍ സ്ട്രാറ്റജിയോടെ നില്‍ക്കുമ്പോഴും താന്‍ അവിടെ നിന്നത് സ്വന്തം വ്യക്തിത്വത്തിലൂടെയാണ്. എന്നിട്ടും തനിക്കെതിരെ പലരും പറയുന്ന വാക്കുകള്‍ വേദനിപ്പിച്ചിട്ടുണ്ടെന്നും ദില്‍ഷ പറയുന്നു.

ഫൈനല്‍ കഴിഞ്ഞ് ലാലേട്ടന്‍ വന്ന് അഭിനന്ദിച്ചു. പക്ഷേ അവിടെയുണ്ടായിരുന്ന മറ്റ് മത്സരാര്‍ത്ഥികളാരും അതിന് നിന്നില്ല. ഒരുപക്ഷേ അവര്‍ പ്രതീക്ഷിച്ച ഒരു റിസള്‍ട്ടാവില്ല ഉണ്ടായത്. അതില്‍ എനിക്ക് വിഷമം തോന്നിയിരുന്നു. കാരണം നമ്മള്‍ ഒരു മത്സരത്തിന്റെ വിന്നറാകുമ്പോള്‍ അങ്ങനെയല്ലല്ലോ പ്രതീക്ഷിക്കുന്നത്. ഞാന്‍ അവിടെ നിന്നത് വളരെ കഷ്ടപ്പെട്ടിട്ടൊക്കെ തന്നെയായിരുന്നു. ടാസ്‌ക്കുകളൊക്കെ നന്നായി ചെയ്തു, എല്ലാത്തിലും നന്നായി പെര്‍ഫോം ചെയ്താണ് ഇവിടെവരെ എത്തിയതെന്ന് പറഞ്ഞ ആളുകള്‍ തന്നെ വിന്നറായതോടെ വല്ലാതെ മാറിപ്പോയി. അതൊക്കെ കണ്ടപ്പോള്‍ എനിക്ക് വിഷമം തോന്നി. എന്നെ ഒന്ന് അഭിനന്ദിക്കുകയോ നോക്കി ചിരിക്കുകയോ ചെയ്തില്ല.

ബിഗ് ബോസ് വീട്ടില്‍ നിന്ന നൂറ് ദിവസവും വളരെ ആത്മാര്‍ത്ഥമായാണ് ഞാന്‍ നിന്നത്. ഒരു ടെലിവിഷന്‍ ഷോയുടെ ഭാഗമായി നില്‍ക്കുമ്പോള്‍ നമ്മള്‍ ഓഡിയന്‍സിനെക്കുറിച്ചും അവര്‍ എന്താണ് കാണാന്‍ ആഗ്രഹിക്കുന്നത് എന്നതിനെക്കുറിച്ചും ബോധവാന്മാരായിരിക്കണം. ഞാനും ഒരു മലയാളി പ്രേക്ഷകയാണ്. പ്രായമായവര്‍ മുതല്‍ കുട്ടികള്‍ വരെ കാണുന്ന ഷോയാണ് ഇത്. നമ്മുടെ ഭാഗത്ത് നിന്നും തെറ്റായ ഒരു മെസ്സേജും അവര്‍ക്ക് കിട്ടരുത് എന്ന് മാത്രമാണ് ഞാന്‍ വിചാരിച്ചത്. ആരാണ് ഈ ഷോ കാണുന്നതെന്നും അവര്‍ എങ്ങനെ ഇതിനെ എടുക്കുമെന്നുമുള്ള വ്യക്തമായ ധാരണ എനിക്കുണ്ടായിരുന്നു. അങ്ങനെയാണ് ഞാന്‍ മുന്നോട്ടുപോയത്. വീട്ടിലെ എല്ലാ കാര്യത്തിലും ഞാന്‍ ഇടപെടുകയും ഒക്കെ ചെയ്യുന്നത് ഇത് മുന്നില്‍ നിര്‍ത്തിയായിരുന്നു. നമ്മളെ കണ്ട് നല്ല കാര്യങ്ങള്‍ മാത്രമാണ് അവരിലേയ്ക്ക് എത്തേണ്ടത് എന്നു മാത്രമേ ഞാന്‍ ചിന്തിച്ചിട്ടുള്ളൂ.

റോബിനും ബ്ലെസലിയും എന്നെ ഒരുപാട് സപ്പോര്‍ട്ട് ചെയ്തിട്ടുണ്ട്. അവിടെ നമ്മള്‍ വല്ലാത്ത മാനസിക സങ്കര്‍ഷങ്ങളിലൂടെയാണ് പലപ്പോഴും കടന്നുപോയിട്ടുള്ളത്. ആ സന്ദര്‍ഭങ്ങളിലൊക്കെ മുന്നോട്ട് പോകാന്‍ എനിക്ക് ധൈര്യം തന്നത് അവരാണ്. ഇവര്‍ രണ്ട്‌പേരും പലപ്പോഴും ഒരു മത്സരാര്‍ത്ഥിയായി മാത്രം എന്നെ കാണാതെ ഒരു നല്ല സുഹൃത്തായാണ് കണ്ടിട്ടുള്ളത്. അവിടെ എനിക്ക് ഒരു കുഴപ്പം ഉണ്ടാകരുത് എന്ന് കരുതി പല സന്ദര്‍ഭങ്ങളിലും അവര്‍ പ്രവര്‍ത്തിക്കുന്നത് പോലും ഞാന്‍ കണ്ടിട്ടുണ്ട്. അതിലൊക്കെ എനിക്ക് ഒരുപാട് സന്തോഷമാണ് തോന്നിയിട്ടുള്ളത്. എന്റെ വിജയത്തിന് പിന്നിലും അവരുടെ സപ്പോര്‍ട്ടാണ്. ബിഗ് ബോസിനകത്തായാലും പുറത്തായാലും ഡോക്ടര്‍ എനിക്കു വേണ്ടി ഒരുപാട് കാര്യങ്ങള്‍ ചെയ്തിട്ടുണ്ട്. അതുകൊണ്ട് എന്നും ഞാന്‍ അവരോട് കടപ്പെട്ടിരിക്കുന്നു.

റോബിനെ പ്രണയിക്കുന്നുണ്ടോ എന്ന ചോദ്യം ഒരുപാട് ഇടങ്ങളില്‍ നിന്ന് വന്നു. ഞാന്‍ ഇപ്പോള്‍ അതിനെക്കുറിച്ചൊന്നും ഇപ്പോള്‍ പറയാന്‍ ഉദ്ധേശിക്കുന്നില്ല. നമ്മുടെ ജീവതത്തിന്റെ കാര്യം അല്ലേ, അതില്‍ ഒരുപാട് ആലോചിച്ചുവേണം കാര്യങ്ങള്‍ തീരുമാനിക്കാന്‍. ഞങ്ങള്‍ ഇപ്പോഴും നല്ല സുഹൃത്തുക്കളാണ്. മറ്റൊന്നിനെക്കുറിച്ചും ഞാനിപ്പൊ ആലോചിക്കുന്നതുമില്ല. അതുകൊണ്ട് ഞങ്ങള്‍ രണ്ട് പേരും സംസാരിച്ച് ഒന്നിച്ച് ഒരു തീരുമാനത്തില്‍ എത്തി നിങ്ങളെ എല്ലാവരേയും അറിയിക്കാം. വീട്ടിലും എല്ലാവരും എന്റെ തീരുമാനത്തിനൊപ്പമാണ്. പുറത്തിറങ്ങി ഡോക്ടറിന്റെ ഫാന്‍ബേസ് കണ്ട് ഞാന്‍ ശരിക്കും ഞെട്ടിയിട്ടുണ്ട്. മറ്റാരുടെയെങ്കിലും ഫാന്‍സിനെ കണ്ട്, അവരുടെ വോട്ട് കിട്ടി ജയിക്കണം എന്നൊന്നും എനിക്കുണ്ടായിരുന്നില്ല. ഡോക്ടറിനെക്കുറിച്ച് എങ്ങനെയാണ് പുറത്ത് ആളുകള്‍ പറയുന്നതെന്ന് പോലും എനിക്ക് അറിയില്ല. അത് മോശമായിട്ടായിരുന്നതെങ്കിലോ, അപ്പോ എനിക്കും മോശം പ്രതികരണമാവില്ലേ വരുന്നത്. പുറത്ത് ആളുകള്‍ എന്തെല്ലാമാണ് പറയുന്നതെന്ന് നമുക്ക് അറിയാന്‍ പറ്റില്ല. മത്സരാര്‍ത്ഥികളെയല്ലാതെ മറ്റൊരാളെപ്പോലും നമുക്ക് അവിടെ കാണാന്‍ പറ്റില്ല. അപ്പൊ ഡോക്ടറുമായുള്ള സൗഹൃദം എങ്ങനെ എന്റെ സ്ട്രാറ്റജിയാകും.

ഡോക്ടര്‍ ആരെക്കുറിച്ചും ഗോസിപ്പൊന്നും പറയുന്നതായി തോന്നിയിട്ടില്ല. എന്റെ അടുത്ത് വളരെ സത്യസന്ധമായാണ് നിന്നിട്ടുള്ളത്. വഴക്കിട്ടുള്ള ആളുകള്‍ ആണെങ്കില്‍പ്പോലും അവര്‍ക്ക് ഒരു ആവശ്യം വന്നാല്‍ ഡോക്ടര്‍ ഓടിച്ചെല്ലും. പിന്നെ വളരെ മോട്ടിവേറ്റ് ചെയ്യാന്‍ സാധിക്കുന്ന ഒരാളാണ്. ഇതെല്ലാം എനിക്ക് ഡോക്ടറിന്റെ ഇഷ്ടമുള്ള ക്വാളിറ്റിയാണ്. ബ്ലെസ്ലി എന്നേക്കാള്‍ ഇളയതാണ്. അവന്‍ ഈ പ്രേമമൊക്കെ പറഞ്ഞപ്പോള്‍ കാര്യങ്ങള്‍ പറഞ്ഞ് മനസ്സിലാക്കിക്കാന്‍ ശ്രമിച്ചു. പിന്നെ ഞാനോര്‍ത്തു അവന്‍ പുറത്തിറങ്ങിക്കഴിഞ്ഞാല്‍ ഇതൊക്കെ മാറും. അവന്‍ അവന്റേതായ കാര്യങ്ങളൊക്കെയായി പോകും. ഇതൊക്കെ മറക്കും എന്ന് തോന്നി. പിന്നെ ഞാനെപ്പോഴും ഈ കാര്യങ്ങള്‍ പറഞ്ഞുകൊണ്ടിരിക്കുന്നത് നല്ലതല്ലാന്നും എനിക്ക് തോന്നിയിട്ടുണ്ട്. ബിഗ് ബോസ് ഒരു ഗെയിം ഷോയാണ്. ഞാനവിടെ പോയത് മത്സരിക്കാനും ജയിക്കാനുമാണ്. ചിലര്‍ പറയുന്നത് പോലെ എനിക്കൊരു ലവ് ട്രാക്കിലൂടെ പോകേണ്ട ആവശ്യം എനിക്കില്ലെന്നും ഒരു യൂട്യൂബ് ചാനലിന് നൽകിയ അഭിമുഖത്തിൽ ദിൽഷ പറയുന്നു