സംവിധായകൻ പ്രിയദർശന് കോവിഡ്
സംവിധായകൻ പ്രിയദർശന് കോവിഡ്. ചെന്നൈയിലെ സ്വകാര്യ ആശുപത്രിയിലാണ് പ്രവേശിപ്പിച്ചത്. പ്രിയദർശന്റെ ആരോഗ്യ നില തൃപ്തികരമാണെന്നാണ് വിവരം.
മോഹൻലാലിനെ നായകനാക്കിക്കൊണ്ടുള്ള മരക്കാർ: അറബിക്കടലിന്റെ സിംഹം ആണ് പ്രിയദർശന്റെ ഏറ്റവും ഒടുവിൽ പുറത്തിറങ്ങിയ ചിത്രം. കഴിഞ്ഞ മാസം ഈ ചിത്രം തിയേറ്ററുകളിൽ റിലീസ് ചെയ്തു. താമസിയാതെ, സ്ട്രീമിംഗ് പ്ലാറ്റ്‌ഫോമായ ആമസോൺ പ്രൈം വീഡിയോയിലും ചിത്രം ലഭ്യമായിരുന്നു.
ഇടവേളയില്ലാതെ വെറും 102 ദിവസം കൊണ്ട് ചിത്രീകരിച്ച മരക്കാർ കോവിഡ് വ്യാപനം കാരണം രണ്ട് വർഷം വൈകിയാണ് റിലീസ് ചെയ്തത്.
“ചിത്രം പൂർത്തിയാക്കിയ ശേഷം, ചിത്രം തിയേറ്ററുകളിൽ റിലീസ് ചെയ്യാൻ ഞങ്ങൾ രണ്ടര വർഷത്തോളം കാത്തിരുന്നു. നാല് വർഷം മുമ്പാണ് ഞാൻ ഈ സിനിമയുടെ ജോലി തുടങ്ങിയത്. ബിഗ് സ്‌ക്രീനിൽ കണ്ടപ്പോൾ വല്ലാത്തൊരു ആശ്വാസം തോന്നി. ലോകത്ത് ഒരു സിനിമയും എല്ലാവർക്കും ഇഷ്ടമാവില്ല. ചിലർക്ക് വലിയ പ്രതീക്ഷകളുണ്ട്. അഭിനന്ദനം എപ്പോഴും ആത്മനിഷ്ഠമാണ്. ഒരാൾക്ക് നല്ലത് മറ്റൊരാൾക്ക് നല്ലതായിരിക്കില്ല. ഇക്കാലത്ത്, നമ്മൾ ചെയ്ത തെറ്റുകൾ എന്തൊക്കെയാണെന്ന് പറയാൻ എല്ലാവർക്കും കഴിയും,” പ്രിയദർശൻ പറഞ്ഞിരുന്നു.
