Actress
മോളി കണ്ണമാലി ഇംഗ്ലീഷ് സിനിമയിലേക്ക്
മോളി കണ്ണമാലി ഇംഗ്ലീഷ് സിനിമയിലേക്ക്
‘സ്ത്രീധനം’ എന്ന സീരിയലിലൂടെയാണ് മോളി കണ്ണമാലി ശ്രദ്ധ നേടുന്നത്. സീരിയലിലെ ചാള മേരി എന്ന കഥാപാത്രവും താരത്തിന്റെ സംഭാഷണ രീതിയും ഏറെ ശ്രദ്ധ നേടിയിരുന്നു. ‘കേരള കഫേ’ എന്ന ചിത്രത്തിലൂടെയാണ് സിനിമയില്‍ എത്തുന്നത്. ഇപ്പോഴിതാ ‘ടുമാറോ’ എന്ന ചിത്രത്തിലൂടെ മോളി കണ്ണമാലി ഇംഗ്ലീഷ് സിനിമയിലേക്ക് അരങ്ങേറ്റം കുറിക്കുന്നു
ഓസ്‌ട്രേലിയന്‍ ചലച്ചിത്ര രംഗത്ത് പ്രവര്‍ത്തിക്കുന്ന മലയാളിയായ ജോയ് കെ. മാത്യു ചിത്രം ഒരുക്കുന്നത്. ചിത്രത്തിന്റെ പൂജ തിരുവനന്തപുരം മ്യൂസിയത്തില്‍ നാളെ നടക്കും.
ലോകത്തിലെ എല്ലാ ഭൂഖണ്ഡങ്ങളില്‍ നിന്നുമുള്ള വിവിധ രാജ്യങ്ങളിലെ അഭിനേതാക്കളെ അണിനിരത്തി നിര്‍മിക്കുന്ന ചിത്രമാണ് ടുമാറോ. ഇന്ത്യയില്‍ ചിത്രീകരിക്കുന്ന സിനിമയിലാണ് മോളി വേഷമിടുന്നത്. തിരുവനന്തപുരം, കൊച്ചി, ആലപ്പുഴ എന്നിവിടങ്ങളിലാണ് ചിത്രീകരണം നടക്കുക.
ടാസോ, റ്റിസ്സി, എലൈസ്, ഹെലന്‍, സാസ്‌കിയ, പീറ്റര്‍, ജെന്നിഫര്‍, ഡേവിഡ്, അലന, ജൂലി, ക്ലെ, ദീപ, ജോയ് കെ. മാത്യു എന്നിവരും ചിത്രത്തില്‍ പ്രധാന വേഷങ്ങളില്‍ അഭിനയിക്കും. ആദം കെ അന്തോണി, ജെയിംസ് ലെറ്റര്‍, സിദ്ധാര്‍ത്ഥന്‍, കാതറിന്‍, സരോജ് എന്നിവര്‍ ചേര്‍ന്നാണ് ഛായാഗ്രഹണം.
