Connect with us

മോഹന്‍ലാലിന്റെ മുഖം നെഞ്ചില്‍ പച്ചകുത്തി ആരാധകന്‍; നേരിട്ട് കാണാനെത്തി സാക്ഷാല്‍ മോഹന്‍ലാല്‍; വൈറലായി വീഡിയോ

Malayalam

മോഹന്‍ലാലിന്റെ മുഖം നെഞ്ചില്‍ പച്ചകുത്തി ആരാധകന്‍; നേരിട്ട് കാണാനെത്തി സാക്ഷാല്‍ മോഹന്‍ലാല്‍; വൈറലായി വീഡിയോ

മോഹന്‍ലാലിന്റെ മുഖം നെഞ്ചില്‍ പച്ചകുത്തി ആരാധകന്‍; നേരിട്ട് കാണാനെത്തി സാക്ഷാല്‍ മോഹന്‍ലാല്‍; വൈറലായി വീഡിയോ

നിരവധി ആരാധകരുള്ള താരമാണ് മോഹന്‍ലാല്‍. അദ്ദേഹത്തിന്റേതായി പുറത്തെത്താറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. അദ്ദേഹത്തോടുള്ള ആരാധന പലവിധത്തിലും ആരാധകര്‍ പ്രകടിപ്പിക്കാറുണ്ട്. ഇപ്പോഴിതാ മോഹന്‍ലാലിനോടുള്ള കടുത്ത ആരാധന പ്രകടിപ്പിച്ച ആരാധകന്റെ വീഡിയോയാണ് വൈറലായി മാറുന്നത്.

മോഹന്‍ലാലിന്റെ ചിത്രം നെഞ്ചില്‍ പച്ചകുത്തിയാണ് ആരാധകന്‍ സ്‌നേഹം പ്രകടിപ്പിച്ചത്. ഇത് ശ്രദ്ധയില്‍പ്പെട്ട മോഹന്‍ലാല്‍ തന്റെ മുഖം നെഞ്ചില്‍ പതിപ്പിച്ച ആരാധനെ തന്നെ നേരില്‍ കാണാനെത്തി. അനീഷ് അശോകന്‍ എന്ന ആരാധകനാണ് മോഹന്‍ലാലിന്റെ ചിത്രം നെഞ്ചില്‍ പച്ചകുത്തിയത്.

ആരാധകന്റെ നെഞ്ചില്‍ പച്ച കുത്തിയതിന് സമീപത്തായി മോഹന്‍ലാല്‍ ഓട്ടോഗ്രാഫ് നല്‍കുന്നതിന്റെ വീഡിയോയും ശ്രദ്ധനേടുന്നുണ്ട്. അനീഷിനൊപ്പം ഫോട്ടോയ്ക്കും പൊസുചെയ്ത ശേഷമാണ് മോഹന്‍ലാല്‍ മടങ്ങിയത്. കഴിഞ്ഞ വര്‍ഷമാണ് അനീഷ് മോഹന്‍ലാലിന്റെ ചിത്രം പച്ചകുത്തിയത്. പച്ച കുത്തുന്നതിന്റെ വീഡിയോ വിവിധ ഫാന്‍ പേജുകളിലൂടെയായി വൈറലായിരുന്നു.

ഇതിന് പിന്നാലെ ഇപ്പോഴാണ് മോഹന്‍ലാല്‍ നേരിട്ട് എത്തുന്നത്. മോഹന്‍ലാല്‍ ആരാധകരടക്കം നിരവധി പേരാണ് ഇന്‍സ്റ്റഗ്രാമില്‍ പുങ്കുവച്ച വീഡിയോയില്‍ കമന്റ് ചെയ്യുന്നത്. അതേസമയം, മോഹന്‍ലാല്‍ തന്റെ സിനിമാ തിരക്കുകളിലാണ്. ‘കണ്ണപ്പ’ എന്ന ബ്രഹ്മാണ്ഡ ചിത്രത്തിലും മോഹന്‍ലാല്‍ അഭിനയിക്കുന്നുണ്ട്. മലയാളത്തില്‍, ശോഭനയ്ക്ക് ഒപ്പം മോഹന്‍ലാല്‍ വീണ്ടും ഒന്നിക്കുന്ന തരുണ്‍ മൂര്‍ത്തി ചിത്രം L360 എന്ന് താത്കാലികമായി പേരിട്ടിരിക്കുന്ന ചിത്രത്തിലാണ് അദ്ദേഹം അഭിനയിച്ചുകൊണ്ടിരിക്കുന്നത്.

ലൂസിഫര്‍ എന്ന ചിത്രത്തിന്റെ പ്രീക്വല്‍ ‘എമ്പുരാന്‍’ എന്ന ചിത്രവും പുരോഗമിക്കുകയാണ്. വൃഷഭ, റാം, റംമ്പാന്‍ എന്നിവയാണ് അണിയറയില്‍ ഒരുങ്ങുന്ന മോഹന്‍ലാലിന്റെ മറ്റു ചിത്രങ്ങള്‍. അതേസമയം, മോഹന്‍ലാല്‍ ആദ്യമായി സംവിധാനം ചെയ്യുന്ന ‘ബറോസ്’ സെപ്റ്റംബറില്‍ റിലീസിന് ഒരുങ്ങുകയാണ്.

More in Malayalam

Trending