സിനിമയിൽ അവസരം കുറഞ്ഞത് കൊണ്ടാണോ തുണിയുടെ അളവ് കുറഞ്ഞതെന്ന് കമന്റ്; കിടിലൻ മറുപടിയുമായി അനുശ്രീ

ലോക് ഡൗൺ കാലത്ത് നടത്തിയ ഫോട്ടോഷൂട്ട് ചിത്രങ്ങളായിരുന്നു അനുശ്രീ കഴിഞ്ഞ ദിവസം പങ്കുവെച്ചത്. ബോൾഡ് ലുക്കിലുള്ള താരത്തിന്റെ ഫോട്ടോഷൂട്ട് ചിത്രങ്ങൾ ആരാധകർ ഏറ്റെടുക്കുകയും ചെയ്തു നല്ല അഭിപ്രായങ്ങളും അതിനോടൊപ്പം തന്നെ വിമർശനങ്ങളും ഈ ചിത്രത്തിന് നേരെ ഉണ്ടായിരുന്നു

പുതിയ ഗ്ലാമറസ് ചിത്രം അനുശ്രീ ഇൻസ്റ്റഗ്രാമിൽ പങ്കുവെച്ചപ്പോൾ അതിന് കമന്റ് ആയി ഒരു വ്യക്തി, സിനിമയിൽ അവസരം കുറഞ്ഞത് കൊണ്ടാണോ തുണിയുടെ അളവ് കുറഞ്ഞത് എന്ന് ചോദിക്കുകയുണ്ടായി. അതിനു മറുപടിയായി കഷ്ടം എന്ന് മാത്രമാണ് അനുശ്രീ കുറിച്ചത്.

ഇത് തന്റെ പരിണാമമാണെന്നാണ് ഗ്ലാമർഫോട്ടോഷൂട്ട് ചിത്രങ്ങൾ പങ്കുവച്ച് താരം കുറിക്കുന്നത്.

‘പരിണാമം, മലയാളത്തിൽ എന്റെ ആദ്യ സിനിമ ചെയ്തിട്ട് എട്ടുവർഷം കഴിയുന്നു. തഴക്കം വന്ന അഭിനേതാവ് ആയി മാറാനും നല്ലൊരു മനുഷ്യസ്നേഹി ആകാനും പരിണാമമുണ്ടാകുക എന്റെ കടമയാണ്.’ ‘എന്റെ തന്നെ ഉളളിൽ കിടക്കുന്ന സ്ഥിരസങ്കൽപങ്ങളെ പൊളിക്കുകയാണ് ഈ ഫോട്ടോഷൂട്ട് സീരിസിലൂടെ ഞാൻ ചെയ്യുന്നത്.’–അനുശ്രീ കുറിച്ചു.