Actress
ജീവിതത്തിൽ കഴിഞ്ഞത് ഒന്നും താന്‍ മറക്കില്ല, എങ്ങനെ വിവാഹം ചെയ്താലും സമാധാനം ഉണ്ടായാല്‍ മതിയെന്ന് മേഘ്‌ന വിന്‍സെന്റ്; വാക്കുകൾ ശ്രദ്ധ നേടുന്നു
ജീവിതത്തിൽ കഴിഞ്ഞത് ഒന്നും താന്‍ മറക്കില്ല, എങ്ങനെ വിവാഹം ചെയ്താലും സമാധാനം ഉണ്ടായാല്‍ മതിയെന്ന് മേഘ്‌ന വിന്‍സെന്റ്; വാക്കുകൾ ശ്രദ്ധ നേടുന്നു
ചന്ദനമഴ സീരിയലിലെ അമൃത എന്ന കഥാപാത്രത്തിലൂടെയാണ് നടി മേഘ്‌ന വിന്‍സെന്റ് മലയാള മിനിസ്‌ക്രീന്‍ പ്രേക്ഷകരുടെ ഇഷ്ടം നേടി എടുക്കുന്നത്. സീരിയല്‍ ഹിറ്റ് ആയതും മേഘ്‌നയുടെ വേഷത്തിലൂടെ ആയിരുന്നു. എന്നാല്‍ വിവാഹം കഴിഞ്ഞതോടെ സീരിയല്‍ പാതി വഴിയില്‍ ഉപേക്ഷിച്ച് മേഘ്‌ന പോയി. വിവാഹമോചിത ആയതിന് ശേഷം തമിഴിലായിരുന്നു അഭിനയിച്ചത്. ഇപ്പോള്‍ സീ കേരളത്തില്‍ സംപ്രേക്ഷണം ചെയ്യുന്ന മിസ്റ്റര്‍ ഹിറ്റ്‌ലര്‍ എന്ന പരമ്പരയിലാണ് നടി അഭിനയിക്കുന്നത്
ഇപ്പോഴിതാ മുന്‍പൊരു അഭിമുഖത്തില്‍ മേഘ്‌ന തന്റെ സ്വകാര്യ ജീവിതത്തെ കുറിച്ച് പറഞ്ഞത് വൈറലാവുന്നു.
ഫിലോസഫിയുടെ ആശാനാണ് മേഘ്‌ന എന്നാണ് അടുപ്പമുള്ള സുഹൃത്തുക്കള്‍ വിളിയ്ക്കുന്നത്. ജീവിതത്തിലെ ചില പ്രതിസന്ധി ഘട്ടങ്ങളെ മേഘ്‌ന അതിജീവിച്ചതും തന്റെ ഫിലോസഫിയിലൂടെയാണ്. ഡിപ്രഷന്‍ വരെ എത്തിയ ജീവിതത്തിലെ ചില ഘട്ടങ്ങളെ അതിജീവിച്ചതിനെ കുറിച്ചാണ് മേഘ്‌ന അഭിമുഖത്തില്‍ സംസാരിച്ചത്.
എല്ലാവര്‍ക്കും ജീവിതത്തില്‍ ഉയര്‍ച്ച താഴ്ചകള്‍ ഉണ്ടാവും. അതിനെ എങ്ങിനെ സമീപിയ്ക്കുന്നു എന്നതിലാണ് കാര്യം. ഏതൊരു കഷ്ടത്തെയും നമ്മള്‍ മുറുകെ പിടിയ്ക്കുമ്പോഴാണ് ആ വിഷമം കൂടുന്നത്. അതിനെ അങ്ങ് വിട്ടേക്കുക. നടക്കുന്നത് പോലെ നടക്കട്ടെ എന്ന് കരുതി കഴിഞ്ഞാല്‍, ആ ഭാരം നമുക്ക് അനുഭവപ്പെടില്ല- മേഘ്‌ന പറഞ്ഞു.
ജീവിതത്തില്‍ മറക്കാന്‍ ശ്രമിയ്ക്കുന്ന കാര്യം എന്താണ് എന്ന് ചോദിച്ചപ്പോഴാണ്, കഴിഞ്ഞത് ഒന്നും താന്‍ മറക്കില്ല എന്ന് മേഘ്‌ന വിന്‍സെന്റ് പറഞ്ഞത്. നല്ലതായാലും ചീത്തയായാലും എല്ലാ അനുഭവങ്ങളില്‍ നിന്നും എന്തെങ്കിലും ഒക്കെ പഠിക്കാനുണ്ടാവും. കഴിഞ്ഞ് പോയത് എല്ലാം മുന്നോട്ടേക്ക് നടക്കാനുള്ള ശക്തി തരും എന്നാണ് ഞാന്‍ വിശ്വസിയ്ക്കുന്നത്- മേഘ്‌ന വിന്‍സന്റ് പറഞ്ഞു.
പ്രണയത്തെ കുറിച്ചും വിവാഹത്തെ കുറിച്ചും ചോദിച്ചപ്പോള്‍, ഇപ്പോള്‍ സിംഗിളാണ്, പെട്ടന്ന് മിംഗിള്‍ ആവാന്‍ താത്പര്യമില്ല എന്നായിരുന്നു നടിയുടെ പ്രതികരണം. പ്രണയ വിവാഹമാണോ അറേഞ്ച്ഡ് മാര്യേജ് ആണോ താത്പര്യം എന്ന് ചോദിച്ചപ്പോള്‍, എങ്ങിനെ വിവാഹം ചെയ്താലും സമാധാനം ഉണ്ടായാല്‍ മതി എന്ന് മേഘ്‌ന പറയുന്നു.
