Connect with us

മകൾക്ക് അന്ന് രണ്ട് വയസായിരുന്നു ; ദൃശ്യത്തിന്റെ ആളുകളോട് സിനിമ ചെയ്യുന്നില്ല എന്നാണ് പറഞ്ഞത്; മീന പറയുന്നു!

News

മകൾക്ക് അന്ന് രണ്ട് വയസായിരുന്നു ; ദൃശ്യത്തിന്റെ ആളുകളോട് സിനിമ ചെയ്യുന്നില്ല എന്നാണ് പറഞ്ഞത്; മീന പറയുന്നു!

മകൾക്ക് അന്ന് രണ്ട് വയസായിരുന്നു ; ദൃശ്യത്തിന്റെ ആളുകളോട് സിനിമ ചെയ്യുന്നില്ല എന്നാണ് പറഞ്ഞത്; മീന പറയുന്നു!

മലയാളികൾക്ക് അന്നും ഇന്നും പ്രിയങ്കരിയായ നായികയാണ് മീന. തെന്നിന്ത്യൻ സിനിമകളിലൊന്നാകെ ഒരു കാലത്ത് നിറഞ്ഞ് നിന്ന നായിക വിവാഹ ശേഷം കുറച്ച് കാലം അഭിനയത്തിൽ നിന്ന് വിട്ട് നിന്നിരുന്നു.

എന്നാൽ രണ്ടാം വരവിലും മീന ഗംഭീരമാക്കി. ആദ്യ കാലത്തെ പോലെ തന്നെ ഹിറ്റ് സിനിമകളുടെ ഭാഗമാവാൻ മീനയ്ക്ക് സാധിച്ചു. പ്രത്യേകിച്ചും മലയാളത്തിൽ ആണ് മീനയ്ക്ക് ഈ നേട്ടം സാധ്യമായത്. ഇന്നും നായികാ പ്രാധാന്യമുള്ള വേഷങ്ങൾ തന്നെയാണ് മീനയെ തേടിയെത്തിയത്.

ദൃശ്യം, മുന്തിരിവള്ളികൾ തളിർക്കുമ്പോൾ തുടങ്ങി നിരവധി ഹിറ്റ് സിനിമകൾ രണ്ടാം വരവിൽ മീനയെ തേടി എത്തി. ദൃശ്യം ആണ് മീനയുടെ കരിയറിലെ ഏറ്റവും വലിയ ഹിറ്റുകളിൽ ഒന്ന്. മോഹൻലാൽ-ജീത്തു ജോസഫ് കൂട്ടുകെട്ടിൽ പുറത്തിറങ്ങിയ സിനിമയിൽ റാണി എന്ന പ്രധാനപ്പെട്ട വേഷമാണ് മീന ചെയ്തത്. ദൃശ്യം രണ്ടാം ഭാഗത്തിലും മീന അഭിനയിച്ചു.

Also read;
also read;

ഇപ്പോഴിതാ തന്റെ സിനിമാ വിശേഷങ്ങൾ പങ്കുവെച്ചിരിക്കുകയാണ് മീന. ഇത്ര വർഷം കരിയറിൽ നിൽക്കാൻ പറ്റിമെന്ന് കരുതിയില്ല. വിവാഹ ശേഷം സിനിമകൾ ലഭിക്കില്ലെന്നാണ് കരുതിയത്.

അപ്പോഴും അവസരങ്ങൾ വന്നു. ഗർഭിണി ആയപ്പോൾ ബ്രേക്ക് എടുത്തു. കുഞ്ഞ് ജനിച്ച ശേഷം അവസരങ്ങളേ ലഭിക്കില്ലെന്ന് കരുതി. പക്ഷെ ആശ്ചര്യമെന്നോണം അതിന് ശേഷവും അവസരങ്ങൾ വന്നു. അപ്പോഴാണ് ദൃശ്യം വന്നത്.

ദൃശ്യത്തിന്റെ ആളുകളോട് സിനിമ ചെയ്യുന്നില്ല എന്നായിരുന്നു പറഞ്ഞത്. മകൾക്ക് അന്ന് രണ്ട് വയസായിരുന്നു. പക്ഷെ അവർ എല്ലാ സൗകര്യങ്ങളും തന്നു. മറ്റൊരാളെക്കുറിച്ച് ചിന്തിക്കാനാവില്ലെന്ന് പറഞ്ഞു.

https://youtu.be/dxIbezNsXTs

ലാൽ സാറിനെയും ആശിർവാദ് സിനിമാസിനെയും നന്നായി അറിയാം. സിനിമ മലയാളത്തിൽ വലിയ വിജയം ആവുമെന്ന് അറിയാമായിരുന്നു. പക്ഷെ ഇത്ര വലിയ ഹിറ്റാവുമെന്ന് കരുതിയില്ല.

ദൃശ്യം മൂന്നാം ഭാഗത്തെ പറ്റി കേട്ടിട്ടുണ്ട്. പ്രൊഡക്ഷൻ സൈഡിൽ നിന്നും ഇതുവരെ അറിയിപ്പൊന്നും വന്നിട്ടില്ല. ഇപ്പോൾ അവർ റാം എന്ന സിനിമയുടെ തിരക്കിലാണ്. അതിന് ശേഷം ഉണ്ടാവുമോ എന്ന് അറിയില്ല. മൂന്നാം ഭാഗത്തിൽ എക്സൈറ്റ്മെന്റുണ്ട്.

ഒരു വശത്ത് ഭയവുമുണ്ട്. രണ്ടാം ഭാഗത്തിലും ആ ഭയം ഉണ്ടായിരുന്നു. ദൃശ്യത്തിന് വലിയ പേരിരിക്കുമ്പോൾ അതിനേക്കാൾ നന്നായി അടുത്ത ഭാഗം എടുക്കണമെന്നുണ്ടായിരുന്നു. ആ ഭയം ഇനിയും തുടരുമെന്നും മീന പറഞ്ഞു. ഒരു ഓൺലൈൻ ചാനലിനോടാണ് പ്രതികരണം.

ദൃശ്യം 3 സിനിമ അടുത്തിടെയാണ് ജീത്തു ജോസഫ് പ്രഖ്യാപിച്ചത്. അതേസമയം ദൃശ്യത്തിൽ അഭിനയിക്കുമ്പോൾ മീന കാണിച്ച നിർബന്ധത്തെക്കുറിച്ച് ജീത്തു ജോസഫ് അടുത്തിടെ സംസാരിച്ചിരുന്നു. നാട്ടിൻ പുറത്ത്കാരിയായ റാണി എന്ന കഥാപാത്രത്തിന് അത്ര മേക്കപ്പ് ആവശ്യമായിരുന്നില്ല.

മീനയോട് ഇക്കാര്യം പറഞ്ഞെങ്കിലും മേക്കപ്പ് അധികം ഒഴിവാക്കാൻ നടി തയ്യാറായില്ല. ക്ലെെമാക്സിലെ ക്ലിവേജ് ഷോട്ട് പറ്റില്ലെന്ന് അവസാന നിമിഷമാണ് മീന പറഞ്ഞതെന്നും ജീത്തു ജോസഫ് അടുത്തിടെ പറഞ്ഞിരുന്നു.

കൂമൻ ആണ് ജീത്തു ജോസഫിന്റെ ഏറ്റവും ഒടുവിൽ പുറത്തിറങ്ങിയ സിനിമ. ആസിഫ് അലി ആയിരുന്നു നായകൻ. റാം ആണ് ജീത്തു ജോസഫിന്റെ ഷൂട്ട് നടന്ന് കൊണ്ടിരിക്കുന്ന സിനിമ.

about meena in drishyam

Continue Reading

More in News

Trending