Connect with us

പതിനാല് ദിവസത്തെ ക്വാറന്റൈൻ കഴിഞ്ഞു; സന്തോഷം പങ്കുവച്ച് മംമ്ത

Malayalam

പതിനാല് ദിവസത്തെ ക്വാറന്റൈൻ കഴിഞ്ഞു; സന്തോഷം പങ്കുവച്ച് മംമ്ത

പതിനാല് ദിവസത്തെ ക്വാറന്റൈൻ കഴിഞ്ഞു; സന്തോഷം പങ്കുവച്ച് മംമ്ത

മലയാള സിനിമയിലെ മാറ്റി നിര്‍ത്താന്‍ ആവാത്ത മുന്‍നിര നായികമാരില്‍ ഒരാളാണ് നടി മംമ്ത മോഹന്‍ദാസ്. ഇപ്പോഴിതാ പതിനാല് ദിവസത്തെ ക്വാറന്റൈന്‍ കാലം അവസാനിച്ച് ഔദ്യോഗികമായി ലോസ് ആഞ്ചല്‍സില്‍ എത്തിയ സന്തോഷം പങ്കുവച്ചിരിക്കുകയാണ്. ഇന്‍സ്റ്റഗ്രാമിലൂടെയാണ് താരം തന്റെ സന്തോഷം പങ്കുവെച്ചത്.

‘എന്റെ 14 ദിവസത്തെ ക്വാറന്റൈന്‍ ഇന്ന് അവസാനിക്കും. ഔദ്യോഗികമായി ഞാന്‍ ലോസ് ആഞ്ചല്‍സില്‍ എത്തിയെന്നാണ് അതിന്റെ അര്‍ത്ഥം. യാത്രയെ സംബന്ധിച്ച് ഏറെ പറയാനുണ്ട്. അത് പിന്നീട്. ഇപ്പോള്‍ തല്‍ക്കാലത്തേക്ക് സൂര്യപ്രഭയില്‍ കുളിച്ചു നില്‍ക്കുന്ന പ്രശാന്തമായ കാലാവസ്ഥയോടു കൂടിയ സൗത്ത് കാലിഫോര്‍ണിയയില്‍ തിരികെ എത്താനായതിന്റെ സന്തോഷം പങ്കുവയ്ക്കട്ടെ’. മംമ്ത കുറിച്ചു.

ലോസ് ആഞ്ചലസിലേക്കുള്ള തന്റെ യാത്ര സാധ്യമാക്കി തന്നവരോടുള്ള നന്ദിയും താരം പങ്കുവയ്ക്കുന്നുണ്ട്. ചികിത്സയുടെ ഭാഗമായി ലോസ് ആഞ്ചല്‍സിലാണ് മംമ്ത ഏറെ നാളായി താമസിക്കുന്നത്. സിനിമ ചിത്രീകരണങ്ങള്‍ക്കായാണ് താരം ഇന്ത്യയിലേക്ക് എത്താറുള്ളത്.

ടൊവിനോയും മംമ്തയും കേന്ദ്രകഥാപാത്രങ്ങളായെത്തിയ ത്രില്ലര്‍ ചിത്രം ഫോറന്‍സിക്കിന്റെ ഭാഗമായാണ് താരം ഇന്ത്യയില്‍ എത്തിയത്. എന്നാല്‍ അധികം വൈകാതെ കോവിഡ് വ്യാപനവും ലോക്ക്ഡൗണും വന്നതോടെ തിരിച്ചു പോക്ക് പ്രതിസന്ധിയിലാവുകയായിരുന്നു.

More in Malayalam

Trending

Recent

To Top