“ഇക്കാ, ഞാന്‍ വീണു കിടപ്പിലാണ്, വീട് ജപ്തി ഭീഷണിയിലാണ് സഹായിക്കണം” ; ഈ കമന്റ് ആണ് ആരാധകൻ മമ്മൂട്ടി ചിത്രമായ മധുരരാജയുടെ പോസ്റ്ററിന് കീഴിൽ ഇട്ടതു ;ശേഷം സംഭവിച്ചത് കാണുക

മധുരരാജാ എന്ന മമ്മൂട്ടി ചിത്രത്തിന്റെ പുതിയ പോസ്റ്റർ ഷെയർ ചെയ്ത മമ്മൂട്ടി യുടെ പേജിൽ സഹായ അഭ്യർത്ഥനയുമായി എത്തിയ യുവാവിന് കൈത്താങ്ങായി മമ്മൂട്ടി ആരാധകർ .താൻ വീണു കിടക്കുകയാണെന്നും താബിന്റെ വീടും സ്ഥലവും എല്ലാം ജപ്തിയുടെ വക്കിലാണെന്നും ആണ് യുവാവ് കുറിച്ചതു .ഇത് മമ്മൂട്ടി ആരാധകരുടെ ശ്രദ്ദയിൽ പെടുകയും ഉടൻ ന്തന്നെ അവർ സഹായ വാഗ്ദാനവുമായി എത്തുകയായിരുന്നു .

പത്തനാപുരം പുനലൂര്‍ സ്വദേശിയായ പ്രേംകുമാര്‍ ആണ് സഹായം തേടി എത്തിയത്. ഇക്കാ എന്റെ സ്ഥലം പത്തനാപുരം ആണ്, ഞാന്‍ മരത്തില്‍ നിന്ന് വീണു കിടപ്പിലാണ്. ഒരാളുടെ സഹായം ഇല്ലാതെ ഒന്ന് തിരിയാന്‍ പോലും സാധിക്കില്ല. വീടും സ്ഥലവും ജപ്തി ഭീഷണിയില്‍ ആണ്. എന്റെ നമ്ബര്‍ 9847017481. ഇതായിരുന്നു ആ കമന്റ്.ഈ കമന്റ് വന്നതിന് ശേഷം അയാള്‍ക്ക് പലയിടത്തു നിന്നും സഹായം നല്‍കാനായി ഫോണ്‍ വിളികളുടെ മേളം ആയിരുന്നു. ഓണ്‍ലൈന്‍ മമ്മൂട്ടി ആരാധകര്‍ സിനിമ ഇറങ്ങുന്ന ദിവസം ഡിജെ നടത്താന്‍ വെച്ചിദരുന്ന കാശും പ്രേംകുമാറിന് നല്‍കി.
ഇതിനെപ്പറ്റി ഉള്ള കുറിപ്പ് വായിക്കാം –

സുഹൃത്തുക്കളെ, ഇത് മുഴുവന്‍ നിങ്ങള്‍ വായിക്കണം,,…

ഈ വരുന്ന 12 ആം തീയതി റിലീസ് ആകുന്ന നാം എല്ലാം ആകാംക്ഷയോടെ കാത്തിരിക്കുന്ന മധുര രാജയുടെ റിലീസുമായി ബന്ധപെട്ട് ടീം OPU വും MFWAI പുനലൂര്‍ ഏരിയ കമ്മിറ്റിയും ചേര്‍ന്ന് ഫാന്‍സ് ഷോ നടത്തുന്ന വിവരം നിങ്ങള്‍ അറിഞ്ഞു കാണുമല്ലോ… ഈ ഫാന്‍സ് ഷോയോട് അനുബന്ധിച്ചു 11 ആം തീയതി രാത്രി 8 മണിക്ക് ഞങള്‍ ഒരു DJ പ്രോഗ്രാമും നടത്താന്‍ തീരുമാനിച്ചിരുന്നു… ഇതിലേക്കായി ഏകദേശം 25000 രൂപയോളം ഞങ്ങള്‍ മാറ്റി വെച്ചിരുന്നു..പക്ഷെ ആ DJ പ്രോഗ്രാം തല്‍ക്കാലത്തേക്ക് നടത്തണ്ടാ എന്നാണ് ഇപ്പൊ ഞങ്ങടെ തീരുമാനം.

അതിനു കാരണം ഇന്ന് രാവിലെ മമ്മൂക്കയുടെ പോസ്റ്റില്‍ കണ്ട പുനലൂര്‍ പത്തനാപുരം സ്വേദേശി ആയ പ്രേം കുമാര്‍ എന്ന ഒരാളുടെ കമന്റ ആണ്. ഞാന്‍ അസുഖ ബാധിതനായി നാലു വര്ഷം ആയി കിടപ്പിലാണ്. എന്റെ വീടും സ്ഥലവും ഇപ്പോള്‍ ജപ്തി ഭീഷണിയില്‍ ആണ്.. എന്നെ എങ്ങനേലും സഹായിക്കണം മമ്മൂക്ക എന്നായിരുന്നു ആ കമന്റ.ഈ കമന്റ ഞങ്ങളുടെ ശ്രേദ്ധയില്‍ പെട്ടപ്പോള്‍ തന്നെ അതിനടിയില്‍ അദ്ദേഹം എഴുതിയിരുന്ന നമ്ബറിലേക്ക് ഞങ്ങള്‍ അദ്ദേഹത്തെ വിളിച്ചു കാര്യം തിരക്കി. അദ്ദേഹത്തിന്റെ ഭാര്യയുമായി സംസാരിച്ചു.. നാല് വര്ഷം മുന്‍പ് പ്രേം കുമാര്‍ ഒരു മരത്തില്‍ നിന്ന് വീഴുകയും അരക്ക് താഴോട്ട് തളന്നു കിടപ്പിലാവുകയും ചെയ്തു.. ചികിത്സക്കായി വീടും പുരയിടവും ബാങ്കില്‍ പണയം വെക്കുകയും നാല് കൊല്ലമായി ഒരു തവണ പോലും പൈസ അടക്കാന്‍ നിര്‍വാഹം ഇല്ലാതാവുകയും ചെയ്തു.. ഇപ്പോള്‍ പലിശ മാത്രം ഏകദേശം 1.25 ലക്ഷത്തോളം ആയി… പലിശ അടച്ചില്ലെങ്കില് വീട് ജെപ്തി ചെയ്യാന്‍ ആണ് ബാങ്കിന്റെ തീരുമാനമത്രെ.

പ്രേംകുമാറിന് 2 ആം ക്ലാസിലും 5 ആം ക്ലസ്സിലും പഠിക്കുന്ന 2 കുട്ടികള്‍ ആണ് ഉള്ളത്. വയസായ അച്ഛനും അമ്മയും പ്രെകുമാറിനോടൊപ്പം ആണ്.. ഒരു കുടുബം മുഴുവന്‍ വയ്യാത്ത ഒരാളുമായി തെരുവിലേക്ക് ഇറങ്ങാന്‍ പോകുമ്ബോ നമ്മള്‍ തൊട്ടടുത്തു DJ ആഘോഷവും ആയി മമ്മൂക്കയുടെ പടത്തെ വരവേല്‍ക്കുന്നത് ശെരിയല്ല എന്ന് ഞങ്ങള്‍ക്ക് തോന്നി.. അത് കൊണ്ട് ആ പരിപാടി ഉപേക്ഷിച്ചു പരിപാടിക്കായി മാറ്റി വെച്ച 25000 രൂപ പ്രേംകുമാര്‍ന്റെ കുടുംബത്തിലേക്ക് കൊടുക്കുവാന്‍ ഞങ്ങള്‍ തീരുമാനിച്ചിരിക്കുന്നു. ഇത് കൊണ്ട് ആര്‍ക്കെങ്കിലും എന്തെങ്കിലും ബുദ്ധിമുട്ട് ഉണ്ടായെങ്കില്‍ അവരോട് ഞങ്ങള്‍ ക്ഷമ ചോദിക്കുന്നു,…. ഈ മുടങ്ങിയ DJ പ്രോഗ്രാമിന് പകരമായി ഇതിലും വമ്ബന്‍ പരിപാടി അടുത്ത മമ്മൂക്ക പടത്തിനായി ഞങ്ങള്‍ നിങ്ങള്‍ക്കായി ഒരുക്കും എന്ന് വാക്ക് തരുന്നു. എല്ലാവരും ഞങ്ങളോട് സഹകരിക്കുക

mammooty fans helping together a man in debt