മമ്മൂട്ടി അല്ലാെതെ മറ്റൊരു നടനെയും ആ വേഷത്തിലേക്ക് ചിന്തിക്കാൻ പോലും സാധിക്കില്ല; എഴുത്തുകാരൻ കൂടിയായ ടിഡി. രാമകൃഷ്ണൻ

ടി ഡി രാമകൃഷ്ണന്റെ ഫ്രാൻസിസ് ഇട്ടിക്കോര സിനിമയാകുവാണെങ്കിൽ ഇട്ടിക്കോരയായി മമ്മൂട്ടിയെ മാത്രമേ കാണാൻ സാധിക്കുള്ളൂവെന്ന് എഴുത്തുകാരൻ കൂടിയായ ടി.ഡി. രാമകൃഷ്ണൻ. മറ്റൊരു നടനെയും ആ വേഷത്തിലേക്ക് ചിന്തിക്കാൻ പോലും സാധിക്കില്ലെന്നും രാമകൃഷ്ണൻ പറഞ്ഞു. കേരള ലിറ്ററേച്ചർ ഫെസ്റ്റിവൽ വേദിയിലാണ് അദ്ദേഹം ഇക്കാര്യം പറഞ്ഞത്.

ആ നോവൽ വായിച്ചിട്ടുള്ളവർക്ക് അറിയാം ആ സബ്ജക്ട് എത്രമാത്രം കോംപ്ലിക്കേറ്റഡാണെന്ന്. സിനിമയാക്കാൻ ഒരുപാട് ബുദ്ധിമുട്ടുള്ള ഒരു സബ്ജക്ടാണ്. ഇതെല്ലാം മറികടന്ന് സിനിമയാവുകയാണെങ്കിൽ നായകനായി മമ്മൂക്കയല്ലാതെ മറ്റൊരു ഓപ്ഷനില്ല.

ഇട്ടിക്കോരയുടെ ആദ്യ വായനക്കാരിൽ ഒരാൾ മമ്മൂക്കയാണ് എന്നും അദ്ദേഹം ആ നോവൽ വായിക്കുന്നതിന്റെ വീഡിയോ സോഷ്യൽ മീഡിയയിലുണ്ടെന്നും രാമകൃഷ്ണൻ പറഞ്ഞു. . ഒറ്റപ്പാലത്ത് ഒരു സിനിമയുടെ ലൊക്കേഷനിൽ വെച്ച് മമ്മൂട്ടിയെ കണ്ട ആ സമയത്ത് താൻ ആ നോവൽ മമ്മൂട്ടിക്ക് സമ്മാനിച്ചതെന്നും ടി ഡി രാമകൃഷ്ണൻ പറഞ്ഞു.

അന്ന് തുടങ്ങിയ സൗഹൃദമാണ് മമ്മൂട്ടിയുമായി ഉള്ളത്. പിന്നീട് ഭ്രമയുഗത്തിൽ ഒരുമിച്ച് വർക്ക് ചെയ്യുന്നതിലേക്ക് വരെ ആ സൗഹൃദം വളർന്നു. ഇട്ടിക്കോരയുടെ വേഷത്തിൽ മമ്മൂട്ടിയല്ലാതെ മറ്റൊരു നടനെയും ചിന്തിക്കാൻ പോലും പറ്റില്ല,’ എന്നും ടി.ഡി. രാമകൃഷ്ണൻ പറയുന്നു.

അതേസമയം, കുറച്ച് ദിവസങ്ങൾക്ക് മുമ്പ് തിയേറ്ററുകളിലേക്ക് എത്തിയ മമ്മൂട്ടി ചിത്രം ഗംഭീര അഭിപ്രായം നേടിയിരിക്കുകയാണ്. മമ്മൂട്ടിയെ നായകനാക്കി തമിഴിലെ സൂപ്പർഹിറ്റ് സംവിധായകനായ ഗൗതം വാസുദേവ് മേനോൻ ആണ് ‘ഡൊമിനിക് ആൻഡ് ലേഡീസ് പേഴ്‌സ്’ സംവിധാനം ചെയ്തിരിക്കുന്നത്.

ഗൗതം വാസുദേവ് മേനോൻ ആദ്യമായി മലയാളത്തിൽ സംവിധാനം ചെയ്യുന്ന സിനിമയാണിത്. മമ്മൂട്ടി കമ്പനിയുടെ ബാനറിൽ മെഗാസ്റ്റാർ തന്നെയാണ് ഈ സിനിമ നിർമ്മിച്ചിരിക്കുന്നത്. പതിവ് ഗൗതം മേനോൻ സിനിമകളുടെ രീതികളിൽ നിന്ന് മാറി അല്പം ഹ്യൂമർ സ്വഭാവത്തിലാണ് ചിത്രം എത്തിയത്.