Malayalam
ഷൂട്ടിങുകള്‍ക്ക് ആയാലും പരിപാടികള്‍ക്ക് ആയാലും മീറ്റിങുകള്‍ക്ക് ആയാലും എപ്പോഴും എന്നോടൊപ്പം ഉണ്ടാവാറുണ്ട്, ആരോപണങ്ങള്‍ തെറ്റ്; സത്യം ഉടന്‍ പുറത്ത് വരുമെന്ന് യോ യോ ഹണി സിംഗ്
ഷൂട്ടിങുകള്‍ക്ക് ആയാലും പരിപാടികള്‍ക്ക് ആയാലും മീറ്റിങുകള്‍ക്ക് ആയാലും എപ്പോഴും എന്നോടൊപ്പം ഉണ്ടാവാറുണ്ട്, ആരോപണങ്ങള്‍ തെറ്റ്; സത്യം ഉടന്‍ പുറത്ത് വരുമെന്ന് യോ യോ ഹണി സിംഗ്
കുറച്ച് ദിവസങ്ങള്‍ക്ക് മുമ്പാണ് ഗായകന്‍ യോ യോ ഹണി സിംഗിന് എതിരെ അദ്ദേഹത്തിന്റെ ഭാര്യ ശാലിനി തല്‍വാര്‍ ഗുരുതര ആരോപണങ്ങള്‍ ഉന്നയിച്ച് രംഗത്ത് എത്തിയത്. വര്‍ഷങ്ങളായി തന്നെ മാനസികമായും ശാരീരികമായും വാക്കുകള്‍ കൊണ്ട് യോ യോ ഹണി സിംഗും കുടുംബവും പീഡിപ്പിക്കുകയാണെന്നും, ഹണി സിംഗിന് പരസ്ത്രീ ബന്ധമുണ്ട് എന്നുമായിരുന്നു ശാലിനിയുടെ ആരോപണം.
എന്നാല്‍ ഇപ്പോഴിതാ മൂന്ന് ദിവസങ്ങള്‍ക്ക് ശേഷം ഭാര്യയുടെ ആരോപണങ്ങളോട് പ്രതികരിച്ച് രംഗത്തെത്തിയിരിക്കുകയാണ് ഹണി സിംഗ്. സോഷ്യല്‍ മീഡിയയിലൂടെ ആണ് അദ്ദേഹം രംഗത്ത് എത്തിയത്.
20 വര്‍ഷമായി എന്റെ കൂടെയുള്ള സഹയാത്രിക/ ഭാര്യ ശാലിനി തല്‍വാര്‍ എനിക്കും എന്റെ കുടുംബത്തിനും നേരെ ഉന്നയിച്ച തെറ്റായതും ദുരുദ്ദേശപരമായതുമായ ആരോപണങ്ങള്‍ എന്നെ വല്ലാതെ വേദനിപ്പിച്ചു. ആരോപണങ്ങള്‍ അങ്ങേയറ്റം അപലപനീയമാണ്. എന്റെ പാട്ടിന്റെ വരികളെ കുറിച്ചും, എന്റെ ആരോഗ്യത്തെ കുറിച്ചും എല്ലാം മുന്‍പ് പല തരത്തിലുള്ള വിമര്‍ശനങ്ങളും ആരോപണങ്ങളും എല്ലാം ഉണ്ടായപ്പോഴും ഞാന്‍ പ്രതികരിച്ചിരുന്നില്ല. ഒരു പരസ്യ പ്രസ്താവനയോ പത്ര കുറിപ്പോ പുറത്തിറക്കിയിട്ടില്ല. എന്നാല്‍ ഇപ്പോള്‍ ഞാന്‍ നിശബ്ദത പാലിക്കുന്നത് കൊണ്ട് പ്രത്യേകിച്ച് ഗുണങ്ങള്‍ ഒന്നും ഇല്ല എന്ന് തോന്നുന്നു.
ആരോപണങ്ങള്‍ എനിക്ക് നേരെ മാത്രമല്ല. എന്റെ അച്ഛനമ്മമാര്‍ക്കെതിരെയും സഹോദരിയ്ക്ക് നേരെയും എല്ലാം ആണ്. ഒരു കാലത്ത് ഞാന്‍ ഏറെ ബുദ്ധിമുട്ടുകള്‍ അനുഭവിയ്ക്കുന്ന സമയത്ത് കൂടെ നിന്നവരാണ്. എന്നെ ഉള്‍ക്കൊള്ളാന്‍ ശ്രമിച്ചവരാണ്. പതിനഞ്ച് വര്‍ഷത്തോളമായി ഞാന്‍ ഇന്റസ്ട്രിയില്‍. രാജ്യത്ത് ഉടനീളമുള്ള കലാകാരന്മാരുമായും സംഗീതഞ്ജരായും ഒരുപാട് നല്ല ബന്ധം സൂക്ഷിക്കുന്നു. ഒരു പതിറ്റാണ്ടില്‍ ഏറെയായി എന്റെ ക്രൂവിന്റെ അഭിവാജ്യ ഘടകമായിരുന്നു ഭാര്യ ശാലിനി തല്‍വാര്‍. ഭാര്യയുമായുള്ള എന്റെ ബന്ധത്തെ കുറിച്ച് എല്ലാവര്‍ക്കും അറിയാം. ഷൂട്ടിങുകള്‍ക്ക് ആയാലും പരിപാടികള്‍ക്ക് ആയാലും മീറ്റിങുകള്‍ക്ക് ആയാലും എപ്പോഴും എന്നോടൊപ്പം ഉണ്ടാവാറുണ്ട്.
എനിക്ക് നേരെ ഇപ്പോള്‍ ശാലിനി തല്‍വാര്‍ ഉന്നയിച്ച ആരോപണങ്ങള്‍ എല്ലാം ഞാന്‍ ശക്തമായി തള്ളിക്കളയുന്നു. പക്ഷെ കോടതി മുമ്പാകെ ഇരിയ്ക്കുന്ന കേസ് ആയതിനാല്‍ ഞാന്‍ കൂടുതല്‍ ഈ വിഷയത്തില്‍ പ്രതികരിയ്ക്കുന്നില്ല. ഈ രാജ്യത്തിന്റെ നീതിന്യായ വ്യവസ്ഥയില്‍ എനിക്ക് പൂര്‍ണ വിശ്വാസമുണ്ട്. സത്യം ഉടന്‍ പുറത്ത് വരും എന്ന ഉറപ്പും എനിക്കുണ്ട്.
ആരോപണങ്ങള്‍ തെളിയിക്കപ്പെടേണ്ടതാണ്. അത്തരം ആരോപണങ്ങള്‍ക്ക് മറുപടി നല്‍കാന്‍ കോടതി എനിക്ക് ഇപ്പോള്‍ അവസരം നല്‍കി. ഇരു വശവും കേട്ട ശേഷം ബഹുമാനപ്പെട്ട കോടതി വിധി പ്രസ്താവിക്കുന്നത് വരെ എന്നെ കുറിച്ചോ എന്റെ കുടുംബത്തെ കുറിച്ചോ ഒരു നിഗമനത്തിലും എത്തി ചേരരുത് എന്ന് ആരാധകരോടും പൊതു ജനങ്ങളോടും അഭ്യര്‍ത്ഥിയ്ക്കുന്നു. നീതി ലഭിയ്ക്കും എന്ന് എനിക്ക് ഉറപ്പുണ്ട്. സത്യം ജയിക്കും. കഠിനാധ്വാനം ചെയ്യാനും നല്ല സംഗീതം നല്‍കാനും എന്നെ പ്രചോദിപ്പിയ്ക്കുന്ന ആരാധകരുടെയും അഭ്യുദയകാംക്ഷികളുടെയും സ്നേഹത്തിനും പിന്തുണയ്ക്കും നന്ദി എന്നുമാണ് അദ്ദേഹം പറഞ്ഞത്.
