Malayalam
വിക്കി കൗശല്‍ അനധികൃതമായി നമ്പര്‍ പ്ലേറ്റ് ഉപയോഗിച്ചുവെന്ന് പരാതി; വിശദീകരണവുമായി ഇന്‍ഡോര്‍ പൊലീസ്
വിക്കി കൗശല്‍ അനധികൃതമായി നമ്പര്‍ പ്ലേറ്റ് ഉപയോഗിച്ചുവെന്ന് പരാതി; വിശദീകരണവുമായി ഇന്‍ഡോര്‍ പൊലീസ്
കഴിഞ്ഞ ദിവസമാണ് വിക്കി കൗശല്‍ അനധികൃതമായി നമ്പര്‍ പ്ലേറ്റ് ഉപയോഗിച്ചുവെന്ന് പരാതി ഉയര്‍ന്നത്. എന്നാല്‍ ഇപ്പോഴിതായ ഈ വിഷയത്തില്‍ വിശദീകരണവുമായി രംഗത്തെത്തിയിരിക്കുകയാണ് പൊലീസ്. തന്റെ ബൈക്കിന്റെ നമ്പര്‍ പ്ലേറ്റ് സിനിമയില്‍ അനധികൃതമായി ഉപയോഗിച്ചു എന്ന് ആരോപിച്ചായിരുന്നു ജയ് സിംഗ് യാദവ് എന്നയാള്‍ ഇന്‍ഡോര്‍ പൊലീസില്‍ പാരതി നല്‍കിയത്.
വിക്കി കൗശലും സഹതാരമായ സാറ അലി ഖാനും ബൈക്കില്‍ പോകുന്നതിന്റെ ചിത്രങ്ങള്‍ വൈറലായതിന് പിന്നാലെയാണ് പരാതി എത്തിയത്. ബൈക്കിന്റെ നമ്പര്‍ പ്ലേറ്റിലുള്ളത് ഒന്ന് എന്ന അക്കമാണെന്നും പരാതിക്കാരന്‍ അവകാശപ്പെട്ടതുപോലെ നാല് അല്ലെന്നുമാണ് പൊലീസ് വ്യക്തമാക്കുന്നത്.
നമ്പര്‍ പ്ലേറ്റില്‍ ഘടിപ്പിച്ചിരിക്കുന്ന ഒരു ബോള്‍ട്ട് കാരണമാണ് ആശയക്കുഴപ്പമുണ്ടായത്. വിക്കി കൗശല്‍ ഉപയോഗിച്ചിരിക്കുന്ന ബൈക്കിന്റെ നമ്പര്‍ ചിത്രത്തിന്റെ പ്രൊഡക്ഷന്‍ ഹൗസിന് അവകാശപ്പെട്ടതാണെന്ന് ബങ്കന്‍ഗാം സബ് ഇന്‍സ്പെക്ടര്‍ രാജേന്ദ്ര സോണി പറഞ്ഞു.
വിക്കിയും സാറയും ഒന്നിക്കുന്ന പുതിയ ചിത്രത്തിന്റെ ഷൂട്ടിംഗ് സെറ്റിലെ ചിത്രങ്ങള്‍ ആയിരുന്നു സോഷ്യല്‍ മീഡിയയില്‍ വൈറലായത്. ബൈക്കില്‍ പോകുന്ന രംഗം ഇന്‍ഡോറില്‍ വച്ചായിരുന്നു ചിത്രീകരിച്ചത്. ആള്‍ക്കൂട്ടത്തിലുള്ള ആരോ എടുത്ത ചിത്രമായിരുന്നു പുറത്തു വന്നത്.
