ടൊവിനോ തോമസ്, സുരാജ് വെഞ്ഞാറമ്മൂട്, ഐശ്വര്യ ലക്ഷ്മി എന്നിവര് പ്രധാന വേഷത്തിലെത്തിയ പുതിയ ചിത്രമാണ് ‘കാണെക്കാണെ’. മികച്ച പ്രേക്ഷക പ്രീതി നേടുകയാണ് ചിത്രം. പാലായില് ഡെപ്യൂട്ടി തഹസില്ദാറായി ജോലി ചെയ്യുന്ന പോള് മത്തായി എന്ന കഥാപാത്രത്തെയാണ് സുരാജ് ഈ ചിത്രത്തില് അവതരിപ്പിക്കുന്നത്. പോള് മത്തായിയുടെ മരുമകനായ അലന് ആയി ടൊവിനോയും വേഷമിടുന്നു.
ഇപ്പോഴിതാ സുരാജുമൊത്തുള്ള ഒരു വീഡിയോ പങ്കുവച്ചിരിക്കുകയാണ് ടൊവിനോ. ഇരുവരും ഒരു കാറില് സഞ്ചരിക്കുന്ന വീഡിയോ ആണ് ടൊവിനോ പങ്കുവച്ചത്. ചിത്രത്തിലെ വേഷത്തിലാണ് ഇരുവരും വീഡിയോയിലുള്ളത്.
‘കാണക്കാണെ’യിലെ കഥാപാത്രങ്ങളെ അംഗീകരിച്ചതിന് നന്ദി പറയുന്നു എന്ന് പറഞ്ഞാണ് ടൊവിനോ ഈ വീഡിയോ പങ്കുവച്ചിരിക്കുന്നത്. ‘അലനും പോളും പാരലല് ലോകത്ത് ഒരു ഡ്രൈവ് ആസ്വദിക്കുന്നു. അലനെയും പോളിനെയും സ്നേഹയെയും ഷെറിനെയും സ്വീകരിച്ച നിങ്ങള് എല്ലാവര്ക്കും നന്ദി,’ എന്നും ടൊവിനോ കുറിച്ചു.
‘ഉയരെ’യ്ക്ക് ശേഷം മനു അശോകന് സംവിധാനം ചെയ്ത ചിത്രമാണ് ‘കാണെക്കാണെ.’ ബോബി- സഞ്ജയ് ടീമാണ് ചിത്രത്തിന്റെ കഥയൊരുക്കിയിരിക്കുന്നത്. രഞ്ജിന് രാജാണ് സംഗീതം. ആല്ബി ഛായാഗ്രഹണവും അഭിലാഷ് എഡിറ്റിംഗും നിര്വ്വഹിച്ചിരിക്കുന്നു.
കഴിഞ്ഞ ദിവസമായിരുന്നു നടന് ദീപക് പറമ്പോലും നടി അപര്ണ ദാസും ഗുരുവായൂരമ്പലത്തില് വെച്ച് വിവാഹിതരായത്. അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങില്...