‘എനിക്ക് വേണ്ടത് സ്നേഹം മാത്രം’; പുതിയ ചിത്രങ്ങള്‍ പങ്കുവെച്ച് ശ്വേത മേനോന്‍, പ്രിയതാരത്തിന്റെ ചിത്രങ്ങള്‍ ഏറ്റെടുത്ത് ആരാധകര്‍

നിരവധി ചിത്രങ്ങളിലൂടെ വ്യത്യസ്തങ്ങളായ കഥാപാത്രങ്ങള്‍ ചെയ്ത് നിരവധി ആരാധകരെ സ്വന്തമാക്കിയ താരമാണ് ശ്വേത മേനോന്‍. സോഷ്യല്‍ മീഡിയയില്‍ അത്ര സജീവമല്ലായിരുന്ന ശ്വേത അടുത്തിടെയായാണ് സജീവമായി തുടങ്ങിയത്. താരം പങ്കുവെയ്ക്കുന്ന ചിത്രങ്ങളും വിശേഷങ്ങളും എല്ലാം തന്നെ വൈറലായി മാറാറുണ്ട്.

ഇപ്പോഴിതാ താരം ഇന്‍സ്റ്റഗ്രാമില്‍ പങ്കുവച്ച ഒരു ചിത്രമാണ് സോഷ്യല്‍ മീഡിയയില്‍ വൈറലാകുന്നത്. ‘എനിക്ക് വേണ്ടത് സ്നേഹം മാത്രം’ എന്ന അടിക്കുറിപ്പോടെയാണ് താരം ചിത്രം പങ്കുവച്ചിരിക്കുന്നത്. ഒട്ടേറെ പേരാണ് ഫോട്ടോയ്ക്ക് കമന്റുകളുമായി എത്തിയിരിക്കുന്നത്. എന്തായാലും ശ്വേതാ മേനോന്റെ ഫോട്ടോ ആരാധകര്‍ ഏറ്റെടുത്തിരിക്കുകയാണ്.

‘അനശ്വരം’ എന്ന മലയാള ചിത്രത്തിലൂടെയാണ് ശ്വേത അഭിനയ ലോകത്തേയ്ക്ക് എത്തുന്നത്. തുടര്‍ന്ന് നിരവധി ശ്രദ്ധേയമായതും വ്യത്യസ്തമായതുമായ കഥാപാത്രങ്ങള്‍ അവതരിപ്പിക്കാന്‍ ശ്വേതയ്ക്ക് കഴിഞ്ഞു.

മലയാളത്തില്‍ മാത്രമല്ല, ബോളിവുഡിലും സജീവമാണ് താരം. ഇഷ്‌ക് എന്ന ചിത്രമാണ് ശ്വേതയുടെ ആദ്യ ഹിന്ദി ചിത്രം. മികച്ച നടിക്കുള്ള കേരള സംസ്ഥാന ചലച്ചിത്ര പുരസ്‌കാരവും ശ്വേതക്ക് ലഭിച്ചിട്ടുണ്ട്. കോഴിക്കോടാണ് ശ്വേതയുടെ സ്വദേശം.