News
നിഷ്‌കളങ്കനും ശാന്തനും, മുഖം കണ്ടാല്‍ തന്നെ അറിയാം; സുശാന്തിനെ കുറിച്ച് കോടതി
നിഷ്‌കളങ്കനും ശാന്തനും, മുഖം കണ്ടാല്‍ തന്നെ അറിയാം; സുശാന്തിനെ കുറിച്ച് കോടതി
ചലച്ചിത്ര ലോകത്തെ ആകെ കണ്ണീരിലാഴ്ത്തിയ വാര്‍ത്തയായിരുന്നു സുശാന്ത് സിംഗ് രജ്പുത്തിന്റെ മരണം. അപ്രതീക്ഷിതമായ സംഭവിച്ച വിയോഗത്തെ ഞെട്ടലോടെയാണ് ആരാധകരും സ്വീകരിച്ചത്. സുശാന്തിന്റെ മരണത്തിന് പിന്നാലെ സംഭവം കൊലപാതകം ആണെന്നും നിരവധി ദുരൂഹതകള്‍ ഉണ്ടെന്നും കാട്ടി സുശാന്തിന്റെ ബന്ധുക്കളടക്കം നിരവധി പേരാണ് രംഗത്തെത്തിയത്.
എന്നാല്‍ ഇപ്പോഴിതാ സുശാന്തിന്റെ മരണത്തില്‍ വാദം കേള്‍ക്കുന്നതിനിടെ താരത്തെക്കുറിച്ച് വ്യക്തിപരമായ പരാമര്‍ശങ്ങള്‍ നടത്തിയിരിക്കുകയാണ് കോടതി. സുശാന്തിനെ നിഷ്‌കളങ്കനെന്നും ശാന്തനെന്നുമാണ് കോടതി വിശേഷിപ്പിച്ചത്.
‘സുശാന്തിന്റെ മുഖം കണ്ടാല്‍ തന്നെ അറിയാം, അയാള്‍ ഒരു നിഷ്‌കളങ്കനും ശാന്തനും നല്ലൊരു മനുഷ്യനും ആയിരുന്നുവെന്ന്. സുശാന്തിന്റെ സഹോദരിമാര്‍ നല്‍കിയ ഹര്‍ജി പരിഗണിക്കുന്നതിനിടെ ജസ്റ്റിസ് എസ്എസ് ഷിന്‍ഡെ, എംഎസ് കാര്‍ണിക് എന്നിവര്‍ അധ്യക്ഷരായ ബഞ്ച് നിരീക്ഷിച്ചു.
ജൂണ്‍ 14 ന് മുംബൈയിലെ വസതിയില്‍ വെച്ചാണ് സുശാന്തിനെ മരിച്ച നിലയില്‍ കണ്ടെത്തിയത്. മുംബൈ പൊലീസ് അന്വേഷിച്ചുതുടങ്ങിയ കേസ് പിന്നീട് സിബിഐ ഏറ്റെടുക്കുകയായിരുന്നു. സുശാന്തിന്റെ കാമുകി റിയ ചക്രബര്‍ത്തിയടക്കം നിരവധി പേര് സംശയത്തിന്റെ നിഴലിലാണ്.
