Malayalam
തെലുങ്കിലുള്ളവര്‍ വണ്ണത്തിന്റെ കാര്യം പറഞ്ഞ് കളിയാക്കും, ഡയറ്റ് ചെയ്ത് മേക്കോവര്‍ നടത്തിയതിനെ കുറിച്ച് പറഞ്ഞ് ഷംന കാസിം
തെലുങ്കിലുള്ളവര്‍ വണ്ണത്തിന്റെ കാര്യം പറഞ്ഞ് കളിയാക്കും, ഡയറ്റ് ചെയ്ത് മേക്കോവര്‍ നടത്തിയതിനെ കുറിച്ച് പറഞ്ഞ് ഷംന കാസിം
നിരവധി ചിത്രങ്ങളിലൂടെ മലയാളി പ്രേക്ഷകര്‍ക്കേറെ പ്രിയങ്കരിയായി മാറിയ നടിയാണ് ഷംന കാസിം. ഇപ്പോള്‍ തെന്നിന്ത്യയാകെ തിളങ്ങി നില്‍ക്കുകയാണ് താരം. ഇപ്പോഴിതാ ശരീരഭാരം കുറച്ച് മേക്കോവര്‍ നടത്തിയതിനെ കുറിച്ച് പറഞ്ഞിരിക്കുകയാണ് ഷംന കാസിം. അന്യഭാഷാ ചിത്രങ്ങളില്‍ അഭിനയിക്കുമ്പോഴും യാത്ര ചെയ്യുമ്പോഴുമൊക്കെയാണ് താന്‍ ഡയറ്റിന്റെ കാര്യത്തില്‍ കൂടുതല്‍ ബോധവതിയാവുന്നത് എന്നും താരം പറഞ്ഞു.
കൊച്ചിയില്‍ താമസിക്കുകയാണെങ്കിലും താന്‍ കണ്ണൂര്‍ സ്വദേശിയാണ്. എല്ലാ ഭക്ഷണങ്ങളും കൊഴുപ്പ് കൂടിയവയാണ്. മാത്രമല്ല വീട്ടില്‍ എല്ലാവരും നല്ല ഭക്ഷണപ്രിയരുമാണ്. എന്നാല്‍ പെര്‍ഫോമന്‍സ് ചെയ്യുമ്പോള്‍ വണ്ണമുണ്ടെങ്കില്‍ അത് നമ്മുടെ സ്റ്റാമിനയെ ബാധിക്കും. മറ്റ് ഭാഷ ചിത്രങ്ങളില്‍ അഭിനയിക്കുമ്പോഴും യാത്ര ചെയ്യുമ്പോഴുമൊക്കെയാണ് താന്‍ ഡയറ്റിംഗിന്റെ കാര്യത്തില്‍ കൂടുതല്‍ ബോധവതിയാവുന്നത്.
തെലുങ്കില്‍ എല്ലാവരും ഡയറ്റൊക്കെ കൃത്യമായി ചെയ്യുന്നവരാണ്. അവരൊക്കെ വണ്ണത്തിന്റെ കാര്യം പറഞ്ഞ് തന്നെ കളിയാക്കും. കന്ധകോട്ടൈ എന്ന സിനിമയില്‍ അഭിനയിക്കുമ്പോള്‍ ഉത്തരേന്ത്യക്കാര്‍ പഴങ്ങളും മറ്റും ഉള്‍പ്പെടുത്തി ഭക്ഷണം ചിട്ടയോടെ കഴിക്കുന്നത് കണ്ടപ്പോഴാണ് തനിക്കും ഡയറ്റ് ചെയ്യണമെന്ന് തോന്നി തുടങ്ങിയത്. അഞ്ചാറ് വര്‍ഷമായി ചെന്നൈ സ്വദേശിയായ ഒരു ഡയറ്റീഷന്റെ നിര്‍ദേശത്തോടെയാണ് ഡയറ്റ് നോക്കുന്നത്.
ഇപ്പോള്‍ സ്വന്തം അനുഭവങ്ങളില്‍ നിന്നുമാണ് ഏതാണ് നല്ല ഭക്ഷണം എന്ന് അറിഞ്ഞ് തുടങ്ങിയത്. ആവശ്യ ഘട്ടങ്ങളില്‍ ഡയറ്റീഷന്റെ സഹായം തേടും. ഇപ്പോള്‍ അറുപത് കിലോ ഭാരമുണ്ടെങ്കിലും അത് കൊഴുപ്പല്ല. പേശീ ഭാരമാണ്. ഒന്നിടവിട് ദിവസങ്ങളില്‍ താന്‍ നാല്‍പ്പത്തിയഞ്ച് മിനുറ്റോളം വര്‍ക്കൗട്ടും ചെയ്യാറുണ്ടെന്ന് ഷംന പറയുന്നു.
