കുട്ടികളെ കടത്താറുണ്ട്, നിരവധി ചലച്ചിത്രതാരങ്ങളെ ഖാന്റെ ഫാംഹൗസില്‍ കൊന്നു കുഴിച്ചുമൂടിയിട്ടുണ്ട്; സല്‍മാന്‍ ഖാനെതിരെ ആരോപണങ്ങളുമായി അയല്‍വാസി, വിട്ട് കൊടുക്കാതെ സല്‍മാന്‍ ഖാന്‍

ബോളിവുഡില്‍ നിരവധി ആരാധകരുള്ള താരമാണ് സല്‍മാന്‍ ഖാന്‍. ഇപ്പോഴിതാ സല്‍മാന്‍ ഖാനും അദ്ദേഹത്തിന്റെ അയല്‍വാസി കേതനും തമ്മിലുള്ള പ്രശ്നമാണ് സോഷ്യല്‍ മീഡിയയിലെ ചര്‍ച്ചാവിഷയം. ഒരു യൂടൂബ് ചാനലിനു നല്‍കിയ അഭിമുഖത്തില്‍ തനിക്കെതിരെ അപകീര്‍ത്തിപരമായ പരാമര്‍ശങ്ങള്‍ നടത്തിയെന്നാണ് കേസില്‍ ഖാന്‍ പറയുന്നത്.

ഡി-കമ്പനിയില്‍ മുന്‍നിര അംഗമാണ് സല്‍മാന്‍ ഖാനെന്ന് കേതന്‍ അഭിമുഖത്തില്‍ ആരോപിക്കുന്നുണ്ട്. കേന്ദ്ര-സംസ്ഥാന സര്‍ക്കാരുകളുമായെല്ലാം അടുത്ത ബന്ധമുള്ള നടന് കുട്ടിക്കടത്ത് നടത്തുന്നുണ്ടെന്നും കേതന്‍ പറയുന്നു.

അത്മാത്രമല്ല, നിരവധി ചലച്ചിത്രതാരങ്ങളെ ഖാന്റെ ഫാംഹൗസില്‍ കൊന്നു കുഴിച്ചുമൂടിയിട്ടുണ്ടെന്നുമെല്ലാം ആരോപണം തുടരുന്നു.

കേതന്റെ ആരോപണങ്ങള്‍ക്കൊന്നും തെളിവില്ലെന്നും വെറും ആരോപണങ്ങള്‍ മാത്രമാണെന്നും ഖാന്റെ അഭിഭാഷകന്‍ കോടതിയില്‍ പറഞ്ഞു. അയല്‍വാസിക്കെതിരായ അപകീര്‍ത്തിക്കേസില്‍ കൂടുതല്‍ വിമര്‍ശനവുമായി രംഗത്തെത്തിയിരിക്കുകയാണ് സല്‍മാന്‍ ഖാന്‍.

അയല്‍വാസി തന്നെ അപകീര്‍ത്തിപ്പെടുത്താന്‍ വേണ്ടിമാത്രം തന്റെ മതത്തെ വിഷയത്തിലേക്ക് വലിച്ചിഴക്കുകയാണെന്ന് സല്‍മാന്‍ ഖാന്‍ കുറ്റപ്പെടുത്തി. മുംബൈ പന്‍വേലിലെ ഫാംഹൗസിനടുത്തുള്ള ഭൂമിയുടെ ഉടമയായ കേതന്‍ കക്കാഡിനെതിരെയാണ് താരം അപകീര്‍ത്തിക്കേസ് നല്‍കിയിരിക്കുന്നത്.