മലയാളികള്ക്കേറെ പ്രിയപ്പെട്ട താരമാണ് പൃഥ്വിരാജ്. ഇപ്പോഴിതാ ഒരേസമയം ഒരു സിനിമയില് രണ്ടു ചുമതലകള് നിര്വഹിക്കുക എന്നത് വളരെ ശ്രമകരമായ ജോലിയാണെന്ന് പറയുകയാണ് പൃഥ്വിരാജ്. ‘നടന്റെയും നിര്മാതാവിന്റെയും ചുമതല ഒരേസമയം ഞാന് നിര്വഹിച്ചിട്ടില്ല. ക്രിയേറ്റീവ് സൈഡ് മാത്രമെ ഞാന് ശ്രദ്ധിക്കാറുള്ളു. ചെക്ക് ഒപ്പിടുന്നത് ഒക്കെ എന്റെ ഭാര്യയായ സുപ്രിയയാണ്.
നടനും നിര്മാതാവുമായിരിക്കുക എന്നത് അത്രയധികം ശ്രമകരമായ കാര്യമല്ല. എന്നാല് ഒരേ സമയം സംവിധായകനും നടനുമായിരിക്കുക എന്നത് വളരെ ശ്രമകരമായ ജോലിയാണ്. ഇപ്പോള് സംഭവിച്ചുകൊണ്ടിരിക്കുന്നത് അതാണ്.
ബ്രോ ഡാഡി എന്ന ചിത്രം ഞാന് സംവിധാനം ചെയ്യുന്നുണ്ട്. അതില് അഭിനയിക്കുകയും ചെയ്യുന്നുണ്ട്. എന്നെ സംബന്ധിച്ചിടത്തോളം അതാണ് ശ്രമകരം എന്നും പൃഥ്വിരാജ് പറഞ്ഞു.
മോഹന്ലാലിനെ നായകനാക്കി ലൂസിഫര് എന്ന ഹിറ്റ് ചിത്രത്തിനു ശേഷം പൃഥ്വിരാജ് സംവിധാനം ചെയ്യുന്ന രണ്ടാമത്തെ ചിത്രമാണ് ബ്രോ ഡാഡി. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് ആണ് ചിത്രം നിര്മിക്കുന്നത്. ബ്രോ ഡാഡി ഒരു ചെറിയ സിനിമയാണെന്നും ലൂസിഫറില് നിന്നും വ്യത്യസ്തമായ ചിത്രമാണ് ഇതെന്നും പൃഥ്വിരാജ് പറഞ്ഞിരുന്നു.
കമൽ-മമ്മൂട്ടി സിനിമ കറുത്തപക്ഷികളിൽ മമ്മൂട്ടിയുടെ മകൾ മല്ലിയെന്ന കാഴ്ചയില്ലാത്ത പെൺകുട്ടിയുടെ കഥാപാത്രത്തെ അവതരിപ്പിച്ച് മലയാളികളുടെ ഉള്ളിൽ വളരെ പെട്ടെന്ന് ഇടം നേടിയ...
പ്രശസ്ത തിരക്കഥാകൃത്തും ഗ്രന്ഥകാരനുമായ ബൽറാം മട്ടന്നൂർ (62 വയസ്സ്) അന്തരിച്ചു. പരേതരായ സി എച്ച് പത്മനാഭൻ നമ്പ്യാരുടെയും സിഎം ജാനകിമ്മയുടെയും മകനാണ്....