സോഷ്യല്‍ മീഡിയയില്‍ ഏറെ വിവാദങ്ങളുണ്ടാക്കിയ വീഡിയോ ആയിരുന്നു തസ്‌കരന്‍ മണിയന്‍പിള്ള അടുത്തിടെ ഒരു ചാനലിനു നല്‍കിയ അഭിമുഖം. ‘തസ്‌കരന്‍ മണിയന്‍പിള്ളയുടെ ആത്മകഥ’ എന്ന കൃതിയിലൂടെ ചര്‍ച്ച ചെയ്യപ്പെട്ട വ്യക്തിയാണ് മണിയന്‍പിള്ള. മോഷണകാലത്ത് 22 വയസിനടുത്ത് പ്രായമുള്ള യുവതിയെ കത്തി കാട്ടി ഭീഷണിപ്പെടുത്തി ലൈംഗികാതിക്രമം നടത്തിയെന്നാണ് ഇയാള്‍ അഭിമുഖത്തില്‍ പറഞ്ഞത്.
അഭിമുഖം പബ്ലിഷ് ചെയ്തതോടെ ചാനലിനും അഭിമുഖത്തിനുമെതിരെ വന്‍ വിമര്‍ശനമാണ് ഉയര്‍ന്നത്. ഇപ്പോഴിതാ ഇതിനെതിരെ രംഗത്തെത്തിയിരിക്കുകയാണ് നടി പാര്‍വതി തിരുവോത്ത്. വീഡിയോയിലെ ഉള്ളടക്കം അസ്വസ്ഥപ്പെടുത്തുന്നതാണെന്നും അഭിമുഖം പ്രസിദ്ധീകരിച്ച ചാനലിനോട് ‘ഷെയിം ഓണ്‍ യു’ എന്നും ഇന്‍സ്റ്റഗ്രാം സ്റ്റോറിയില്‍ പാര്‍വതി തിരുവോത്ത് കുറിച്ചു.
എന്നാല്‍ പ്രതിഷേധം കനത്തതോടെ യൂട്യൂബ് ചാനലില്‍ നിന്ന് ഇവര്‍ അഭിമുഖം നീക്കം ചെയ്തിട്ടുണ്ട്. റേപ്പിനെ മഹത്വവല്‍ക്കരിക്കുന്ന രീതിയില്‍ ‘ഗൗണിന്റെ ഒരു കുടുക്ക് മാത്രം ഇട്ട സ്വര്‍ണനിറമുള്ള 22കാരി, അവളെ ഞാന്‍..’ എന്ന തമ്പ് നെയിലിനൊപ്പം നൈറ്റ് ഡ്രസില്‍ ഒരു യുവതിയുടെ ഫോട്ടോ കൂടി മങ്ങിയ പശ്ചാത്തലത്തില്‍ നല്‍കിയാണ് ചാനല്‍ വീഡിയോ പങ്കുവെച്ചത്. പ്രതിഷേധം ഉയര്‍ന്നതോടെ ഇത് നീക്കം ചെയ്യുകയായിരുന്നു.
ഒരു പെണ്ണിനെ കൊല്ലുമെന്ന് ഭീഷണിപ്പെടുത്തി പീഡിപ്പിച്ചയാളെയാണ് ഇരുന്ന് പുകഴ്ത്തുന്നതെന്നും റേപ്പിനെ ലാഘവത്തോടെ സമീപിച്ച ചാനലിനെതിരെ നടപടി വേണമെന്നും ആവശ്യമുയര്‍ന്നിരുന്നു. അഭിമുഖത്തില്‍ ഇത്തരം വെളിപ്പെടുത്തല്‍ നടത്തിയതോടെ മണിയന്‍പിള്ളയ്ക്കെതിരെ സ്വമേധയാ കേസെടുക്കാന്‍ വനിതാ കമ്മീഷന്‍ ഉത്തരവിടുകയും ചെയ്തിട്ടുണ്ട്.
അഭിമുഖത്തില്‍ മണിയന്‍ പിള്ളയുടെ വാക്കുകള്‍ ഇങ്ങനെയായിരുന്നു, ‘വീടുകളില്‍ കയറുമ്പോള്‍ സുന്ദരികളായ സ്ത്രീകളുണ്ടാകും, അവര്‍ ചിലപ്പോ രാത്രി ഉറങ്ങുന്നത് നൈറ്റ് ഡ്രസിലോ വിവസ്ത്രരായോ ആവും, അത്തരം അനുഭവത്തിലൂടെ പോകുമ്പോള്‍ ടെംപ്റ്റേഷനോ ആകര്‍ഷണമോ ഉണ്ടായിട്ടുണ്ടോ’ എന്നായിരുന്നു അവതാരകന്റെ ചോദ്യം. ഇതിനായിരുന്നു താന്‍ ഒരു പെണ്‍കുട്ടിയെ ലൈംഗികമായി അതിക്രമിച്ചിട്ടുണ്ടെന്ന് മണിയന്‍പിള്ള തുറന്ന് പറയുന്നത്.
കഴുത്തില്‍ കത്തി വച്ച് മിണ്ടിയാല്‍ അരിഞ്ഞുകളയും എന്ന് ഭീഷണിപ്പെടുത്തിയാണ് ലൈംഗികമായി ആക്രമിച്ചതെന്ന് മണിയന്‍പിള്ള വീഡിയോയില്‍ പറയുന്നുണ്ട്. ഈയൊരു തെറ്റ് മാത്രമേ ചെയ്തുള്ളൂ എന്നും മണിയന്‍ പിള്ള പറയുന്നു. റേപ്പ് വിവരണത്തിന് തുടര്‍ച്ചയായി പിന്നീട് ഇവരെ കണ്ടിട്ടുണ്ടോ എന്നും അവതാരകന്‍ ചോദിക്കുന്നുണ്ട്.
മലയാളത്തിൽ ശ്രദ്ധേയമായ സിനിമകളും കഥാപാത്രങ്ങളും ചെയ്ത് മുന്നേറുന്ന താരങ്ങളിൽ ഒരാളാണ് ഷൈൻ ടോം ചാക്കോ. അസിസ്റ്റന്റ് ഡയറക്ടറായി സിനിമയിൽ എത്തിയ താരം...
നടനായും രാഷ്ട്രീയ പ്രവര്ത്തകനായും പ്രേക്ഷകര്ക്കേറെ പ്രിയങ്കരനാണ് സുരേഷ് ഗോപി. ഇപ്പോള്‍ സുരേഷ് ഗോപി തൃശൂര് മണ്ഡലത്തിലെ എന്ഡിഎ സ്ഥാനാര്ത്ഥിയാണ്. ഇപ്പോഴിതാ ആരോഗ്യ...
പൃഥ്വിരാജും സംഘവും ജോര്‍ദാനില്‍ കുടുങ്ങിയ സമയത്ത് വി മുരളീധരന്‍ സഹായിച്ചെന്ന് മല്ലിക സുകുമാരന്‍. വി.മുരളീധരനെ വിളിച്ചപ്പോള് രണ്ട് ദിവസത്തിനകം ഫ്ലൈറ്റ് വരുമെന്നും...
ശാസ്ത്രീയ സംഗീത കച്ചേരിയില് അരങ്ങേറ്റം നടത്തി ഗായിക അഭയ ഹിരണ്മയി. കച്ചേരിയുടെ അനുഭവവും കൂടെ നിന്നവര്ക്ക് നന്ദിയും പറഞ്ഞുകൊണ്ട് അഭയ ഇന്സ്റ്റഗ്രാമില്...
സൗദി ജയിലില് കഴിയുന്ന അബ്ദുള് റഹീമിന്റെ മോചനത്തിനായി പണം സ്വരൂപിച്ചതിന് പിന്നാലെ ആ കഥ സിനിമയാക്കുമെന്ന് പ്രഖ്യാപിച്ച് ബോബി ചെമ്മണ്ണൂര് രംഗത്ത്...
