Connect with us

കാത്തിരിപ്പിന് വിരാമം; മിന്നല്‍ മുരളിയുടെ റിലീസിംഗ് തീയതി പ്രഖ്യാപിച്ചു, റിലീസ് നെറ്റ്ഫ്‌ലിക്‌സില്‍

Malayalam

കാത്തിരിപ്പിന് വിരാമം; മിന്നല്‍ മുരളിയുടെ റിലീസിംഗ് തീയതി പ്രഖ്യാപിച്ചു, റിലീസ് നെറ്റ്ഫ്‌ലിക്‌സില്‍

കാത്തിരിപ്പിന് വിരാമം; മിന്നല്‍ മുരളിയുടെ റിലീസിംഗ് തീയതി പ്രഖ്യാപിച്ചു, റിലീസ് നെറ്റ്ഫ്‌ലിക്‌സില്‍

പ്രേക്ഷകര്‍ ഏറെ ആകാംക്ഷയോടെ കാത്തിരിക്കുന്ന ചിത്രമാണ് ടൊവിനോ തോമസ് നായകനായി എത്തുന്ന മിന്നല്‍ മുരളി. ചിത്രം നെറ്റ്ഫ്ലിക്സിന് കൈമാറിയെന്ന് സംവിധായകന്‍ ബേസില്‍ ജോസഫ് നേരത്തെ അറിയിച്ചിരുന്നു. എന്നാല്‍ റിലീസിംഗ് തിയതി സംബന്ധിച്ച് തീരുമാനമായിരുന്നില്ല.

ഇപ്പോഴിതാ ചിത്രത്തിന്റെ റീലീസിംഗ് തീയതി നിശ്ചയിച്ചിരിക്കുകയാണ്. ഡിസംബര്‍ 24ന് ആണ് ചിത്രം നെറ്റ്ഫ്‌ലിക്‌സില്‍ റിലീസ് ചെയ്യുന്നത്. അജു വര്‍ഗീസ്, ഹരിശ്രീ അശോകന്‍, ബൈജു, ഫെമിന എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങള്‍. ജിഗര്‍തണ്ട, ജോക്കര്‍ തുടങ്ങിയ ചിത്രങ്ങളിലൂടെ പ്രശസ്തനായ ഗുരു സോമസുന്ദരവും മിന്നല്‍ മുരളിയില്‍ ശ്രദ്ധേയമായ കഥാപാത്രത്തെ അവതരിപ്പിക്കുന്നുണ്ട്.

സമീര്‍ താഹിറാണ് ചിത്രത്തിനായി ക്യാമറ ചലിപ്പിക്കുന്നത്. ഷാന്‍ റഹ്മാന്‍ സംഗീത സംവിധാനം നിര്‍വഹിക്കുന്നു.സംഘട്ടനരംഗങ്ങള്‍ സംവിധാനം ചെയ്തിരിക്കുന്നത് ബാറ്റ്മാന്‍, ബാഹുബലി, സുല്‍ത്താന്‍ തുടങ്ങിയ ചിത്രങ്ങള്‍ക്കു പിന്നില്‍ പ്രവര്‍ത്തിച്ച വ്‌ലാഡ് റിംബര്‍ഗ് ആണ്. കലാസംവിധാനം മനു ജഗത്.

ചിത്രത്തിന്റെ രചന നിര്‍വഹിച്ചിരിക്കുന്നത് അരുണ്‍ അനിരുദ്ധന്‍, ജസ്റ്റിന്‍ മാത്യു എന്നിവര്‍ ചേര്‍ന്നാണ്. വിഎഫ്എക്‌സിനും ഏറെ പ്രാധാന്യം നല്‍കികൊണ്ടാണ് ചിത്രം ഒരുക്കുന്നത്. വിഎഫ്എക്‌സ് സൂപ്പര്‍വൈസര്‍ ആന്‍ഡ്രൂ ഡിക്രൂസ് ആണ്. ഗോദയ്ക്ക് ശേഷം ടൊവിനോയും ബേസില്‍ ജോസഫും ഒരുമിക്കുന്ന ചിത്രമാണ് മിന്നല്‍ മുരളി. വീക്കെന്‍ഡ് ബ്ലോക്ക്ബസ്റ്റേഴ്‌സിന്റെ ബാനറില്‍ സോഫിയ പോള്‍ ആണ് നിര്‍മ്മാണം.

Continue Reading
You may also like...

More in Malayalam

Trending

Recent

To Top