കൊവിഡിന്റെ രണ്ടാം തരംഗത്തില്‍ വലിയ പ്രതിസന്ധി നേരിട്ട മേഖലയായിരുന്നു സിനിമാ മേഖല. എന്നാല്‍ മുംബൈയില്‍ ലോക്ക്ഡൗണ്‍ ഇളവുകള്‍ വന്നതോടെ ഷൂട്ടിങ്ങ് പുനരാംഭിക്കാന്‍ ഒരുങ്ങുകയാണ് എന്നുള്ള വാര്‍ത്തകള്‍ പുറത്ത് വന്നിരുന്നു. അക്ഷയ് കുമാറിന്റെയും കങ്കണ റണാവത്തിന്റെയും സിനിമ ചിത്രീകരണം ഉടന്‍ ആരംഭിക്കുമെന്ന് വിവരം. പക്ഷെ ലോക്ക്ഡൗണ്‍ പിന്‍വലിച്ചെങ്കിലും ചിത്രീകരണം ആരംഭിക്കാന്‍ തനിക്ക് ഇനിയും സമയം വേണമെന്ന് പറയുകയാണ് ബോളിവുഡ് താരം നവാസുദ്ദീന്‍ സിദ്ദിഖി.
‘ലോക്ക്ഡൗണ്‍ ഇളവുകളില്‍ സിനിമ ചിത്രീകരണവും ഉള്‍പ്പെടുത്തിയത് നല്ല കാര്യമാണ്. എന്നാല്‍ ഇത് ഷൂട്ടിങ്ങ് പുനരാംഭിക്കാനുള്ള നല്ല സമയമാണോ എന്നതില്‍ എനിക്ക് ഉറപ്പില്ല. ഞാന്‍ വീട്ടില്‍ മുംബൈയില്‍ എനിക്ക് ചെയ്യാന്‍ സാധിക്കാത്തതായ പല കാര്യങ്ങളും ചെയ്യുന്നുണ്ട്. എന്റെ സ്ഥലത്ത് കൃഷി ചെയ്ത് വേണ്ട പച്ചക്കറികള്‍ ഉണ്ടാക്കാന്‍ ശ്രമിക്കുകയാണ് ഇപ്പോള്‍.
കഴിഞ്ഞ കുറച്ച് വര്‍ഷം ഞാന്‍ നന്നായി ജോലി ചെയ്തിരുന്നു. അതിനാല്‍ എനിക്ക് ഉടനെ തന്നെ സിനിമയിലേക്ക് മടങ്ങി പോകണമെന്നില്ല. ഒരുപാട് സിനിമകള്‍ എനിക്ക് വേണ്ടി കാത്തിരിക്കുന്നുണ്ടെന്ന് അറിയാം. പക്ഷെ എനിക്ക് സ്വയം സാഹചര്യങ്ങള്‍ സുരക്ഷിതമാണെന്ന് തോന്നാതെ ചിത്രീകരണം ആരംഭിക്കാന്‍ സാധിക്കില്ല’ എന്നും അദ്ദേഹം പറഞ്ഞു.
നവാസുദ്ദീന്‍ സിദ്ദിഖിയുടെ സഹോദരന്‍ സംവിധാനം ചെയ്യുന്ന ബോലെ ചൂടിയയാണ് ചിത്രീകരണം പൂര്‍ത്തിയാക്കാനുള്ള ഒരു സിനിമ. അതേസമയം 2020 മുതല്‍ ഏപ്രില്‍ 2021 വരെ സങ്കീന്‍, ജോഗിര സാ രാ രാ എന്നീ രണ്ട് ചിത്രങ്ങള്‍ സിദ്ദിഖി പൂര്‍ത്തിയാക്കിയിരുന്നു. കൂടാതെ ബോലെ ചൂടിയയുടെ പ്രധാന ഭാഗങ്ങളുടെയും ഷൂട്ടിങ്ങ് പൂര്‍ത്തിയായിട്ടുണ്ട്. അതിന് പുറമെ ഏഴ് പരസ്യ ചിത്രങ്ങളും താരം ഷൂട്ട് ചെയ്തു. ഈ വര്‍ഷത്തേക്ക് വേണ്ട ജോലി താന്‍ ചെയ്തു കഴിഞ്ഞു. അതിനാല്‍ ഒരു വര്‍ഷം സിനിമ ചെയ്യാതിരിക്കുന്നതില്‍ തനിക്ക് പ്രശ്നമില്ലെന്നും സിദ്ദിഖി കൂട്ടിച്ചേര്‍ത്തു.
ഒരുകാലത്ത് മലയാള സിനിമയുടെ വാർത്തകൾ പത്രത്താളുകളിലും റേഡിയോയിലും ടിവിയിലുമായിരുന്നു. ഇന്ന് നമ്മുടെ മൊബൈൽ ഫോണുകളിലേക്ക്, വിരൽത്തുമ്പിലേക്ക് സിനിമ എത്തിയിരിക്കുന്നു. സോഷ്യൽ മീഡിയ...
സിനിമാ നടിമാരോട് വളരെയധികം സ്നേഹം പുലർത്തുന്നവരാണ് പ്രേക്ഷകർ. ചില നടിമാർ സിനിമയിൽ ശോഭിച്ച് നിൽക്കുമ്പോൾ തന്നെ വിടവാങ്ങിയിട്ടുണ്ട്. എന്നാൽ അവരുടെ മരണ...
സിനിമ എന്നത് കാലഘട്ടത്തെ പ്രതിഫലിപ്പിക്കുന്ന കലാരൂപമാണ്. സമൂഹത്തിന്റെ വളർച്ചയും മാറ്റങ്ങളുമെല്ലാം ഉൾക്കൊണ്ട് കാലത്തിനനുസൃതമായി പ്രതിഫലിക്കുന്ന കല. അതിൽ വിനോദം എന്നതിനേക്കാളുപരി കഥാപാത്രം,...
ഏത് അറുബോറൻ്റെ ലൈഫിനും ഒരു ദിവസമുണ്ടാകും. highly adventures ആയ, സിനിമാറ്റിക് ആയ ഒരു ദിവസം… ഈ ഓർമ്മപ്പെടുത്തലുമായി സാഹസം എന്ന...
മലയാള സിനിമയിലെ വിജയ കൂട്ടുകെട്ടിലെ ഏറ്റം ആകർഷകമായകൂട്ടുകെട്ടാണ് ഷാജി കൈലാസ് -രൺജി പണിക്കരുടേത്. തലസ്ഥാനം സിനിമയിലൂടെ ആരംഭിച്ച ഈ കൂട്ടുകെട്ട് പിന്നീട്...
