പ്രധാനമന്ത്രി മോദിയെ ആക്ഷേപിച്ചുവെന്ന് കാട്ടി സീ തമിഴ് ചാനലിന് നോട്ടീസ് അയച്ച് കേന്ദ്ര വാര്‍ത്താ വിനിമയ വിതരണ മന്ത്രാലയം. ചാനലിലെ ജൂനിയര്‍ സൂപ്പര്‍ സ്റ്റാര്‍ സീസണ്‍ 4ല്‍ മത്സരാര്‍ത്ഥികളായ രണ്ടു കുട്ടികള്‍ അവതരിപ്പിച്ച പരിപാടിയ്‌ക്കെതിരെയാണ് പരാതി വന്നത്. ബിജെപിയുടെ തമിഴ്‌നാട് ഐ.ടി ആന്‍ഡ് സോഷ്യല്‍ മീഡിയ സെല്‍ സംസ്ഥാന പ്രസിഡന്റ് സി.ടി.ആര്‍ നിര്‍മല്‍ കുമാര്‍ നല്‍കിയ പരാതിയെ തുടര്‍ന്നാണ് നടപടി.
ജനുവരി 15ന് ആയിരുന്നു സീ തമിഴ് ചാനലില്‍ സംപ്രേഷണം ചെയ്തത്. ഏഴു ദിവസത്തിനുള്ളില്‍ നോട്ടീസിന് മറുപടി നല്‍കാനാണ് നിര്‍ദ്ദേശിച്ചിരിക്കുന്നത്. അല്ലെങ്കില്‍ നടപടി സ്വീകരിക്കുമെന്നും നോട്ടീസില്‍ പറയുന്നു. ബിജെപി നേതാവ് നല്‍കിയ പരാതിയും നോട്ടീസിന്റെ കീടെ നല്‍കിയിട്ടുണ്ട്.
നോട്ട് നിരോധനം, പ്രധാനമന്ത്രിയുടെ വസ്ത്രധാരണം, വിദേശ യാത്രകള്‍, ഓഹരി വിറ്റഴിക്കല്‍ തുടങ്ങിയ കാര്യങ്ങള്‍ പരിപാടിയില്‍ പ്രതിപാദിച്ചിരുന്നു. ഇതാണ് പ്രതിഷേധത്തിന് ഇടയാക്കിയത്. തമിഴിലെ ഹാസ്യ താരം വടിവേലുവിന്റെ ‘ഇംസൈ അരസന്‍ 23ാം പുലികേസി’ എന്ന് സിനിമയിലെ കഥാപാത്രങ്ങളെ അനുകരിച്ചു കൊണ്ടായിരുന്നു അവതരണം.
രണ്ട് മിനുറ്റ് നേരത്തെ ദൈര്‍ഘ്യമുള്ള പരിപാടിയാണ് കുട്ടികള്‍ അവതരിപ്പിച്ചത്. വിഷയം ചൂണ്ടിക്കാട്ടി നിര്‍മല്‍ കുമാര്‍ നേരത്തെ ചാനല്‍ അധികൃതര്‍ക്കും കത്തയച്ചിരുന്നു. പരിപാടി വിവാദമായതോടെ സീ തമിഴിന്റെ വെബ്സൈറ്റില്‍ നിന്ന് ഈ ഭാഗം നീക്കം ചെയ്യാമെന്നും പരിപാടി പുനഃസംപ്രേഷണം ചെയ്യില്ല എന്നും ചാനല്‍ അധികൃതര്‍ ബിജെപി കേന്ദ്രങ്ങളെ അറിയിച്ചു.
ദിലീപിനോട് ‘പവി കെയര് ടേക്കര്’ ചിത്രത്തിന്റെ കഥ പറഞ്ഞതിനെ കുറിച്ച് പറഞ്ഞ് വിനീത് കുമാര്‍. ഫഹദ് ഫാസിലിനൊപ്പം ദിലീപേട്ടനെ കാണാന് പോയെങ്കിലും...
നടി ആക്രമിക്കപ്പെട്ട കേസില് അതിജീവിതയ്ക്കൊപ്പം നിന്നതിനെത്തുടര്ന്ന് തനിക്ക് നേരിടേണ്ടി വന്ന ബുദ്ധമുട്ടുകളെ കുറിച്ച് തുറന്ന് പറഞ്ഞ് അഭിഭാഷക ടിബി മിനി. എന്നേയും...
മലയാളികള്ക്ക് പ്രത്യേക പരിചയപെടുത്തേണ്ട ആവശ്യമില്ലാത്ത താര പുത്രിയാണ് മീനാക്ഷി ദിലീപ്. മലയാള സിനിമ പ്രേമികളുടെ സ്വന്തം ദിലീപിന്റേയും മഞ്ജുവിന്റേയും മകള് എന്ന...
പുതിയ ചിത്രത്തിന്റെ ഷൂട്ടിംഗ് തിരക്കിനിടയിലും ലോക്‌സഭ തെരഞ്ഞെടുപ്പില് വോട്ട് രേഖപ്പെടുത്താന് നാട്ടില് എത്തി നടന് വിജയ്. റഷ്യയില് നിന്നുമാണ് വിജയ് വോട്ട്...
ഗോരഖ്പൂരിലെ ബിജെപി സ്ഥാനാര്ത്ഥിയ്ക്കും ബോജ്പുരി നടനുമായ രവി കിഷന്‍ തന്റെ മകളുടെ പിതാവാണെന്ന് ആരോപിച്ച യുവതിയ്ക്കെതിരെ ലഖ്നൗവില് കേസ്. രവി കിഷന്റെ...
