Malayalam
ആരാധകര് കാത്തിരുന്ന മരക്കാര്, ടീസര് പുറത്ത്; വന്ന പോലെ ടീസര് പോയെന്നാണ് കാണികള്
ആരാധകര് കാത്തിരുന്ന മരക്കാര്, ടീസര് പുറത്ത്; വന്ന പോലെ ടീസര് പോയെന്നാണ് കാണികള്
പ്രേക്ഷകര് ഏറെ ആകാംക്ഷയോടെ കാത്തിരിക്കുന്ന ചിത്രമാണ് പ്രിയദര്ശന് മോഹന്ലാല് സിനിമ മരക്കാര് അറബിക്കടലിന്റെ സിംഹത്തിന്റെ ടീസര് റിലീസ് ചെയ്ത് അണിയറപ്രവര്ത്തകര്. വളരെ ഹ്രസ്വമായ, 20 സെക്കന്ഡ് ദൈര്ഘ്യം മാത്രമുള്ള ട്രെയിലറാണ് പുറത്തുവിട്ടിരിക്കുന്നത്. വന്ന പോലെ ടീസര് പോയെന്നാണ് ആരാധകരുടെ പക്ഷം.
ചിത്രത്തില് സൗണ്ട് ട്രാക്ക് ചെയ്തിരിക്കുന്നത് രാഹുല് രാജ് ആണ്. സിനിമ ഡിസംബര് 2ന് തിയേറ്ററുകളില് എത്തും. ഏറെ നാളെത്തെ കാത്തിരിപ്പിനൊടുവില് മോഹന്ലാല് ചിത്രം തിയേറ്ററില് എത്തുന്ന സന്തോഷത്തിലാണ് ആരാധകര്. ചിത്രത്തില് കുഞ്ഞാലി മരക്കാരായാണ് മോഹന്ലാല് എത്തുന്നത്.
ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര്, സന്തോഷ് ടി കുരുവിള, റോയ് സി ജെ എന്നിവരാണ് ചിത്രം നിര്മ്മിക്കുന്നത്. മലയാളത്തിന് പുറമെ ഹിന്ദി, തമിഴ് തെലുങ്ക്, കന്നട എന്നീ ഭാഷകളിലും ചിത്രം റിലീസ് ചെയ്യും.
മഞ്ജു വാര്യര്, സുനില് ഷെട്ടി, പ്രഭു, കീര്ത്തി സുരേഷ് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങള്. അനില് ശശിയും പ്രിയദര്ശനും ചേര്ന്നാണ് ചിത്രത്തിന്റെ തിരക്കഥ നിര്വ്വഹിച്ചിരിക്കുന്നത്. തമിഴ് സിനിമ ഛായാഗ്രാഹകനായ തിരുനാവകാരസുവാണ് ചിത്രത്തിന്റെ ക്യാമറ ചെയ്തിരിക്കുന്നത്.