Connect with us

കുറ്റക്കാരെ കണ്ടെത്തി ഉടന്‍ നടപടി സ്വീകരിക്കും, ഭാവിയില്‍ സമാന അനുഭവം ഉണ്ടാവരുത്; പുഷ്പയിലെ ഗാനം ലീക്കായതിനു പിന്നലെ പ്രതികരണവുമായി നിര്‍മ്മാതാക്കള്‍

News

കുറ്റക്കാരെ കണ്ടെത്തി ഉടന്‍ നടപടി സ്വീകരിക്കും, ഭാവിയില്‍ സമാന അനുഭവം ഉണ്ടാവരുത്; പുഷ്പയിലെ ഗാനം ലീക്കായതിനു പിന്നലെ പ്രതികരണവുമായി നിര്‍മ്മാതാക്കള്‍

കുറ്റക്കാരെ കണ്ടെത്തി ഉടന്‍ നടപടി സ്വീകരിക്കും, ഭാവിയില്‍ സമാന അനുഭവം ഉണ്ടാവരുത്; പുഷ്പയിലെ ഗാനം ലീക്കായതിനു പിന്നലെ പ്രതികരണവുമായി നിര്‍മ്മാതാക്കള്‍

തെന്നിന്ത്യയാകെ നിരവധി ആരാധകരുള്ള താരമാണ് അല്ലു അര്‍ജുന്‍. താരത്തിന്റെ പുഷ്പ എന്ന ചിത്രത്തിനായി പ്രേക്ഷകര്‍ ആകാംക്ഷയോടെയാണ് കാത്തിരിക്കുന്നത്. കഴിഞ്ഞ ദിവസം പുഷ്പയിലെ ഗാനവും മഹേഷ് ബാബു നായകനായി എത്തുന്ന സര്‍ക്കാരു വാരി പാട്ടയുടെ ടീസറും ലീക്കായിരുന്നു.

ഇപ്പോഴിതാ ഈ വിഷയത്തില്‍ പ്രതികരണവുമായി എത്തിയിരിക്കുകയാണ് നിര്‍മ്മാതാക്കളായ മൈത്രി മൂവി മേക്കേഴ്‌സ്. ‘സര്‍ക്കാരു വാരി പാട്ടയുടെയും പുഷ്പയുടെയും മെറ്റീരിയലുകള്‍ ലീക്ക് ചെയ്യപ്പെട്ടതിനെ ഞങ്ങളെ വളരെ അധികം അസ്വസ്ഥരാക്കി. അതിനാല്‍ തന്നെ വിഷയം വളരെ ഗൗരവത്തോടെയാണ് എടുത്തിരിക്കുന്നത്.

അത് ഭാവിയില്‍ സമാന അനുഭവം ഉണ്ടാവാതിരിക്കാന്‍ വേണ്ടി മാത്രമല്ല, കുറ്റക്കാര്‍ക്കെതിരെ കര്‍ശന നടപടി സ്വീകരിക്കുക കൂടിയാണ് ലക്ഷ്യം. സൈബര്‍ ക്രൈം വിഭാഗത്തില്‍ ഇതിനകം ഞങ്ങള്‍ പരാതി നല്‍കിയിട്ടുണ്ട്. കുറ്റക്കാരെ കണ്ടെത്തി നടപടി സ്വീകരിക്കാമെന്ന് ഉദ്യോഗസ്ഥര്‍ ഉറപ്പ് നല്‍കിയിട്ടുമുണ്ട്. പൈറസിയെ പ്രോത്സാഹിപ്പിക്കരുതെന്ന് പ്രിയപ്പെട്ട പ്രേക്ഷകരോട് ഞങ്ങള്‍ അഭ്യര്‍ഥിക്കുന്നു’ എന്നാണ് മൈത്രി മൂവി മേക്കേഴ്‌സ് പറഞ്ഞത്.

അതേസമയം പുഷ്പ്പയിലെ ഗാനത്തിന് മികച്ച പ്രതികരണമാണ് ലഭിക്കുന്നത്. ഗാനം ഇതിനകം തന്നെ ഒരു കോടിയിലധികം കാഴ്ചക്കാരെ സ്വന്തമാക്കി കഴിഞ്ഞു. ഓട് ഓട് ആടെ എന്ന് തുടങ്ങുന്ന ഗാനത്തിന് സംഗീതം പകര്‍ന്നിരിക്കുന്നത് ഡി. എസ്. പിയാണ്.

മലയാളത്തിന് പുറമെ തെലുഗു, തമിഴ്, ഹിന്ദി ഭാഷകളിലും ഗാനം പുറത്തിറങ്ങിയിട്ടുണ്ട്. രാഹുല്‍ നമ്പ്യാര്‍ ആണ് മലയാളത്തിലെ ഗാനം ആലപിച്ചിരിക്കുന്നത്. സിജു തുറവൂര്‍ ആണ് വരികള്‍ എഴുതിയിരിക്കുന്നത്. രണ്ടു ഭാഗമായി ഇറങ്ങുന്ന പുഷ്പയുടെ ആദ്യ ഭാഗം 2021 ക്രിസ്തുമസിനാണ് ചിത്രം റിലീസ് ചെയ്യുന്നത്.

More in News

Trending

Recent

To Top