ഞാന്‍ അടുത്ത ദിവസങ്ങളില്‍ എന്റെ ഹൗസില്‍ മാത്രമാണ് ഉണ്ടായിരുന്നത്, ക്ലബ് ഹൗസില്‍ ഇല്ല; ക്ലബ് ഹൗസിലെ വ്യാജ അക്കൗണ്ടിനെ കുറിച്ച് കുഞ്ചാക്കോ ബോബന്‍

അടുത്ത കാലത്ത് ഏറെ പ്രചാരം നേടിയ പ്ലാറ്റഫോമാണ് ക്ലബ് ഹൗസ്. ലൈവ് ഓഡിയോ ചാറ്റാണ് ക്ലബ് ഹൗസിന്റെ മുഖ്യ ആകര്‍ഷണം. ഏറെ ജനപ്രീതി നേടി മുന്നേറുമ്പോഴും വ്യാജന്മാരും എത്തിയിരുന്നു. നിരവധി താരങ്ങളുടെ പേരിലാണ് വ്യാജ അക്കൗണ്ടുകള്‍ ആരംഭിച്ചത്. ഇത് ശ്രദ്ധയില്‍പ്പെട്ട താരങ്ങളെല്ലാം തന്നെ അത് തങ്ങളുടെ അക്കൗണ്ട് അല്ലെന്ന് ചൂണ്ടിക്കാട്ടി രംഗത്തെത്തിയിരുന്നു.

എന്നാല്‍ ഇപ്പോഴിതാ ഇപ്പോഴിതാ താന്‍ ക്ലബ് ഹൗസില്‍ ഇല്ല എന്ന് വ്യക്തമാക്കി എത്തിയിരിക്കുകയാണ് കുഞ്ചാക്കോ ബോബന്‍. ഞാന്‍ അടുത്ത ദിവസങ്ങളില്‍ എന്റെ ഹൗസില്‍ മാത്രമാണ് ഉണ്ടായിരുന്നത്. ക്ലബ് ഹൗസില്‍ ഇല്ല എന്നാണ് കുഞ്ചാക്കോ ബോബന്‍ വ്യക്തമാക്കിയത്. അടുത്തിടെ പൃഥ്വിരാജും വ്യാജ ക്ലബ് ഹൗസ് അക്കൗണ്ടിന് എതിരെ രംഗത്ത് എത്തിയിരുന്നു. ഇത് കുറ്റകരമാണ് എന്ന് പൃഥ്വിരാജ് പറഞ്ഞിരുന്നു.

അതേസമയം, ക്ലബ് ഹൗസിലെ തന്റെ വ്യാജ അക്കൗണ്ടിനെതിരെ രൂക്ഷമായ പ്രതികരണമാണ് സുരേഷ് ഗോപി നടത്തിയത്. ഒരു വ്യക്തിയുടെ പേരില്‍ ആള്‍മാറാട്ടവും ശബ്ദാനുകരണവും നടത്തുന്നത് അങ്ങേയറ്റം അലോസരപ്പെടുത്തുന്നുണ്ടെന്നും അദ്ദേഹം പറഞ്ഞു.