ഗായകനായി മലയാളി പ്രേക്ഷകര്‍ക്ക് പ്രിയപ്പെട്ട വ്യക്തിയാണ് ഹരീഷ് ശിവരാമകൃഷ്ണന്‍. ഇപ്പോഴിതാ ലോക ഹൃദയ ദിനത്തില്‍ താന്‍ ഹൃദ്രോഗത്തെ അതിജീവിച്ച കഥ പങ്കുവച്ച് എത്തിയിരിക്കുകയാണ് അദ്ദേഹം. 36-ാം വയസില്‍ സഡന്‍ കാര്‍ഡിയാക് അറസ്റ്റിനെ അതിജീവിച്ചു. നെഞ്ചില്‍ പേസ്മേക്കറും ഘടിപ്പിച്ചാണ് ജീവിക്കുന്നത് എന്നാണ് ഹരീഷ് ശിവരാമകൃഷ്ണന്‍ പറയുന്നത്.
ഹരീഷ് ശിവരാമകൃഷ്ണന്റെ കുറിപ്പ്:
ഇന്നാണ് വേള്‍ഡ് ഹെല്‍ത്ത് ഡേ ഹൃദ്രോഗം മറ്റേത് അസുഖം പോലെ തന്നെയാണ് ജനിതകമായ കാരണങ്ങള്‍ കൊണ്ടോ, ജീവിത രീതിലെ അച്ചടക്കമില്ലായ്മ കൊണ്ടോ, അമിതമായ പുകവലി കൊണ്ടോ പല കാരണങ്ങളാല്‍ വന്നു ചേരാവുന്ന ഒന്ന്. നല്ല വ്യായാമം, നല്ല ജീവിത ശൈലി, സമയാ സമയങ്ങളില്‍ ഉള്ള വിദഗ്ധ പരിശോധന ഇവയെല്ലാം ആണ് ഹൃദ്രോഗം തടയാന്‍ സഹായകമാവുന്ന ചില ഘടകങ്ങള്‍.
മുന്‍പും ഞാന്‍ ഇത് പറഞ്ഞിട്ടുണ്ട്, വീണ്ടും പറയുന്നു ഭയം അല്ല ആത്മവിശ്വാസം ആണ് ഹൃദ്രോഗത്തെ അതിജീവിക്കാന്‍ വേണ്ടത് എന്നാണ് ഞാന്‍ എന്റെ ജീവിത അനുഭവങ്ങളില്‍ നിന്നു പഠിച്ചത്. 34 ആം വയസ്സില്‍ വേദിയില്‍ കുഴഞ്ഞു വീണ ഞാന്‍ ആധുനിക വൈദ്യ ശാസ്ത്രത്തിന്റെ സഹായത്താല്‍ ആന്‍ജിയോപ്ലാസ്റ്റി മുഖാന്തരം ആരോഗ്യവാന്‍ ആയി ജീവിതത്തിലേക്ക് തിരിച്ചു വന്നു. വീണ്ടും 36ാം വയസ്സില്‍ സഡന്‍ കാര്‍ഡിയാക് അറസ്റ്റിനെ അതിജീവിച്ചു, നെഞ്ചില്‍ പേസ്മേക്കറും ഘടിപ്പിച്ചു ദാ മുന്നോട്ട് തന്നെ.
ഈ 7 വര്‍ഷങ്ങളില്‍ ഞാന്‍ 13 രാജ്യങ്ങള്‍ സന്ദര്‍ശിച്ചു. 200 ഇല്‍ ഏറെ വേദികളില്‍ പാടി. കുറെ ഫോട്ടോസ് എടുത്ത് പോസ്റ്റ് ചെയ്തു. സന്തോഷത്തോടെ മുമ്പോട്ടേക്ക് തന്നെ എന്ന ഉറച്ച തീരുമാനം എടുത്തു. ഹൃദ്രോഗം പലപ്പോഴും ഒന്നിന്റെയും അവസാനം അല്ല, അതിജീവിച്ചു മുമ്പോട്ട് പോവുക സാധ്യം ആണ് എന്നതാണ് എന്റെ അനുഭവം.
നമുക്ക് അടിച്ചു പൊളിച്ചു പാട്ടൊക്കെ പാടി കുറെ പട്ടി ഷോ ഒക്കെ കാണിച്ചു ഇങ്ങനെ അങ്ങട് പൂവാ… ല്ലെ? ഞാന്‍ മുമ്പോട്ട് തന്നെ നില്‍ക്കാന്‍ ഉദ്ദേശിച്ചിട്ടില്ല. ഇനീപ്പോ ജയിച്ചില്ലെങ്കിലും ജയിക്കാന്‍ വേണ്ടി കളിക്കുന്നതല്ലേ രസം ബ്രോസ്?
നടനായും രാഷ്ട്രീയ പ്രവര്ത്തകനായും പ്രേക്ഷകര്ക്കേറെ പ്രിയങ്കരനാണ് സുരേഷ് ഗോപി. ഇപ്പോള്‍ സുരേഷ് ഗോപി തൃശൂര് മണ്ഡലത്തിലെ എന്ഡിഎ സ്ഥാനാര്ത്ഥിയാണ്. ഇപ്പോഴിതാ ആരോഗ്യ...
പൃഥ്വിരാജും സംഘവും ജോര്‍ദാനില്‍ കുടുങ്ങിയ സമയത്ത് വി മുരളീധരന്‍ സഹായിച്ചെന്ന് മല്ലിക സുകുമാരന്‍. വി.മുരളീധരനെ വിളിച്ചപ്പോള് രണ്ട് ദിവസത്തിനകം ഫ്ലൈറ്റ് വരുമെന്നും...
ശാസ്ത്രീയ സംഗീത കച്ചേരിയില് അരങ്ങേറ്റം നടത്തി ഗായിക അഭയ ഹിരണ്മയി. കച്ചേരിയുടെ അനുഭവവും കൂടെ നിന്നവര്ക്ക് നന്ദിയും പറഞ്ഞുകൊണ്ട് അഭയ ഇന്സ്റ്റഗ്രാമില്...
