Malayalam
കീമോ കൊണ്ട് മുടി പോലും ഇല്ലാതെ വേദന കടിച്ചമര്‍ത്തി ഇരിക്കുന്നവര്‍ പോലും പൊട്ടിച്ചിരിക്കുന്നു, റേഡിയേഷന്റെയും കീമോ യുടെയും, കാന്‍സറിന്റെ കടന്നുകയറ്റം കൊണ്ട് ശരീരം തളര്‍ന്നിരിക്കുന്നവര്‍ പോലും, മനസ്സു തുറന്നു ചിരിക്കുന്നത് കണ്ടത് സ്റ്റാര്‍ മാജിക് കണ്ടപ്പോഴാണ്; കുറിപ്പ് പങ്കുവെച്ച് ബിനീഷ് ബാസ്റ്റിന്‍
കീമോ കൊണ്ട് മുടി പോലും ഇല്ലാതെ വേദന കടിച്ചമര്‍ത്തി ഇരിക്കുന്നവര്‍ പോലും പൊട്ടിച്ചിരിക്കുന്നു, റേഡിയേഷന്റെയും കീമോ യുടെയും, കാന്‍സറിന്റെ കടന്നുകയറ്റം കൊണ്ട് ശരീരം തളര്‍ന്നിരിക്കുന്നവര്‍ പോലും, മനസ്സു തുറന്നു ചിരിക്കുന്നത് കണ്ടത് സ്റ്റാര്‍ മാജിക് കണ്ടപ്പോഴാണ്; കുറിപ്പ് പങ്കുവെച്ച് ബിനീഷ് ബാസ്റ്റിന്‍
ഏറെ ജനപ്രീതി നേടിയ പരിപാടിയാണ് ഫ്ളവേഴ്സ് ചാനലില്‍ സംപ്രേക്ഷണം ചെയ്യുന്ന സ്റ്റാര്‍ മാജിക്. അടുത്തിടെ നിരവധി വിമര്‍ശനങ്ങളാണ് പരിപാടിയ്ക്ക് നേരെ ഉയര്‍ന്നു വന്നത്. മിനിസ്‌ക്രീനിലൂടെ പ്രേക്ഷകര്‍ക്ക് സുപരിചിതരായ താരങ്ങള്‍ ഉള്‍പ്പെടുന്ന പരമ്പരയില്‍ നടന് ബിനീഷ് ബാസ്റ്റിനും സ്ഥിര സാന്നിധ്യമാണ്. ഇപ്പോഴിതാ ബിനീഷ് പങ്കുവെച്ച കുറിപ്പാണ് വൈറലാകുന്നത്. സ്റ്റാര്‍ മാജിക്കിന്റെ ഒരു ആരാധിക പങ്കുവെച്ച കുറിപ്പാണ് ഇപ്പോള്‍ വൈറല്‍. നടന് ബിനീഷ് ബാസ്റ്റിന്‍ ആണ് തനിക്ക് ലഭിച്ച സന്ദേശം സോഷ്യല്‍ മീഡിയയില്‍ പങ്കുവെച്ചിരിക്കുന്നത്.
കുറിപ്പ്:
ബിനീഷ് ചേട്ടായി, നിങ്ങള്‍ ഈ മെസ്സേജ് കാണുമോ എന്ന് പോലും എനിക്കറിയില്ല,,, എങ്കിലും ഒരു സന്തോഷം അത് ചേട്ടായിയായും, സ്റ്റാര്‍ മാജിക് ടീമുമായി പങ്കുവെക്കണം എന്ന് തോന്നി.. എനിക്ക് ഒരുപാട് ഇഷ്ടമുള്ള ഒരു പ്രോഗ്രാമാണ് സ്റ്റാര്‍ മാജിക്.. ഒരുപാട് തിരക്കുകള്‍ക്കിടയിലും ടിവിയില്‍ കാണാന്‍ സാധിച്ചില്ലെങ്കിലും, യൂട്യൂബില്‍ കാണാറുണ്ട്…. നിങ്ങള്‍ കാരണം മറ്റുള്ളവരുടെ ചുണ്ടില്‍ ഒരു പുഞ്ചിരി വിടര്‍ത്താന്‍ നിങ്ങള്‍ക്ക് സാധിച്ചാല്‍ അതാണ് ഓരോ കലാകാരനും കിട്ടുന്ന ഏറ്റവും വലിയ അനുഗ്രഹം….
ഞാന്‍ ഒരു അധ്യാപികയാണ്, അതുപോലെ മോട്ടിവേഷന്‍ ക്ലാസ് നല്‍കുന്ന ഒരാളാണ്, അതിനെക്കാളൊക്കെ ഉപരി 5 വര്‍ഷമായി ക്യാന്‍സറിനെ അതിജീവിച്ച ഒരാളാണ്…. എങ്കിലും ഒരു വര്‍ഷം കൂടുമ്പോള്‍ ആശുപത്രിയില്‍ ചെക്കപ്പിനായി പോകാറുണ്ട്.. അന്ന് ഞാന്‍ കണ്ട ഒരു സംഭവമാണ് എനിക്ക് പങ്കുവയ്ക്കാന്‍ ഉള്ളത്.. ഡോക്ടര്‍ അങ്കിളിന്റെ റൂമിനു മുന്നില്‍,, ഒരുപാടുപേര്‍ അങ്കിളിനെ കാണാനായി കാത്തിരിക്കുന്നു.. അവിടെ ഇരിക്കുന്ന മനുഷ്യരില്‍ കാന്‍സര്‍ രോഗത്തെ അതിജീവിച്ചവര്‍, ക്യാന്‍സര്‍ രോഗികള്‍, കീമയും റേഡിയേഷനും നടന്നുകൊണ്ടിരിക്കുന്നവര്‍.
കുറെ മൊട്ടത്തലകള്‍, ബ്ലഡ് റിസള്‍ട്ടുകള്‍ കയ്യില്‍ പിടിച്ച് തനിക്ക് ക്യാന്‍സര്‍ ആണോ എന്ന് ടെന്‍ഷനില്‍ ഇരിക്കുന്നവര്‍,, ശരീരം കൊണ്ടും, മനസ്സുകൊണ്ടും വേദനിക്കുന്നവര്‍,, എന്നിവരാണ്.. ഡോക്ടര്‍ അങ്കിളിന്റെ റൂമിനു മുന്നില്‍ ഒരു ടിവി ഉണ്ട്.. ആ ടിവിയില്‍ പലതരത്തിലുള്ള സിനിമകളും, പാട്ടുകളും പല തമാശ പ്രോഗ്രാമുകളും ഇങ്ങനെ മാറി മറിഞ്ഞു കൊണ്ടിരിക്കും.. എല്ലാവരും ആ ടിവിയില്‍ നോക്കിക്കൊണ്ടിരിക്കുന്നു ഉണ്ടാകും. പക്ഷേ എന്തൊക്കെ ആ ടിവിയില്‍ കാണിച്ചാലും,, എന്തൊക്കെ മാറ്റി മാറ്റിവച്ചാലും അവിടെ ഇരിക്കുന്ന അവരുടെ മുഖത്ത് ഒരു ഭാവ വ്യത്യാസം പോലും ഉണ്ടാകില്ല.
കാരണം ശരീരം കൊണ്ടും മനസ്സുകൊണ്ടും വേദനിക്കുന്ന വരാണ് അവിടെയുള്ളവര്‍.. മരണത്തിനുവേണ്ടി ദിവസങ്ങള്‍ കാത്തിരിക്കുന്നവരാണ് പലരും. അതുകൊണ്ടുതന്നെ അവര്‍ക്ക് എങ്ങനെ മനസ്സ് തുറന്നു ചിരിക്കാന്‍ സാധിക്കും…. എന്നാല്‍ ഒരു ദിവസം, ഡോക്ടര്‍ അങ്കിളിന്റെ റൂമിന് മുന്നിലുള്ള ആ ടിവിയില്‍ സ്റ്റാര്‍ മാജിക് പ്രോഗ്രാം തെളിഞ്ഞു വന്നു…. എനിക്ക് അത്ഭുതം തോന്നിപ്പോയി,, ഓരോ മുഖങ്ങളിലും പുഞ്ചിരി,, കീമോ കൊണ്ട് മുടി പോലും ഇല്ലാതെ വേദന കടിച്ചമര്‍ത്തി ഇരിക്കുന്നവര്‍ പോലും പൊട്ടിച്ചിരിക്കുന്നു… റേഡിയേഷന്റെയും കീമോ യുടെയും, കാന്‍സറിന്റെ കടന്നുകയറ്റം കൊണ്ട് ശരീരം തളര്‍ന്നിരിക്കുന്നവര്‍ പോലും, മനസ്സു തുറന്നു ചിരിക്കുന്നു..
ആ നിമിഷം,ആ നിമിഷം ആ വേദനകള്‍ അവരൊന്നും മറന്നു കാണും.., മനസ്സ് തുറന്ന് അവര്‍ ചിരിച്ചു കാണും.. കാരണം ആ വേദന എന്താണെന്ന് ഒരിക്കല്‍ ഞാനും അറിഞ്ഞിട്ടുള്ളതാണ്..ഒരു നിമിഷത്തേക്ക് ആണെങ്കില്‍ പോലും, അവരുടെ വേദനകള്‍ എല്ലാം മറന്നു ഒന്ന് ചിരിക്കാന്‍ അവര്‍ക്ക് സാധിച്ചിട്ടുണ്ടെങ്കില്‍, അതിനു കാരണക്കാര്‍ നിങ്ങള്‍ ആണെങ്കില്‍, (സ്റ്റാര്‍ മാജിക് ടീം) ദൈവം അനുഗ്രഹിച്ച് ഭൂമിയിലേക്കയച്ചവരാണ് നിങ്ങള്‍. ആ ചുണ്ടുകളില്‍ വിരിഞ്ഞ ഓരോ പുഞ്ചിരിയും, പ്രാര്‍ത്ഥനകള്‍ ആയി നിങ്ങളിലേക്ക് എത്തും.
ബിനീഷ് ചേട്ടായി, നിങ്ങളിലെ മനുഷ്യനെ ഞങ്ങള്‍ക്ക് ഒരുപാട് ഇഷ്ടമാണ്, നിങ്ങളുടെ പാട്ടുകള്‍ ഞങ്ങള്‍ ഒരുപാട് ആസ്വദിക്കുന്നുണ്ട്. എന്നും ഒരുപാട് നന്മകള്‍ ഉണ്ടാകട്ടെ. സ്റ്റാര്‍ മാജിക് ഇനിയും ഒരുപാട് ഉയരങ്ങളില്‍ എത്തട്ടെ. വേദനിക്കുന്ന ഹൃദയങ്ങള്‍ക്ക് ആശ്വാസമായി, ഒരു പുഞ്ചിരിയായി കടന്നുചെല്ലാന്‍ നിങ്ങള്‍ക്ക് സാധിക്കട്ടെ. ഒന്നുകൊണ്ടും, ഒരിക്കലും ഈ പ്രോഗ്രാം നിര്‍ത്തരുത്. കാരണം ഇതിലൂടെ ജീവിക്കുന്ന ഒത്തിരി പേരുണ്ട് ഈ ലോകത്ത്.
